2TIMOTE 2:20 - Lai (Hakha) Common Language Bible 2006

²⁰ Inn nganpi chungah hin umkheng a phunphun an um tawn, a cheu cu ngun in sermi an si, a cheu cu thing in sermi an si i a cheu cu tlak in sermi an si; cun a cheu cu caan sung khun i hman awk caah an si i a cheu cu a menmen i hman awk caah an si.

Laibaibal Thiang (BSI)

²⁰ Asinain a ropi ngaimi in ah sui le ngun i sermi thil lawng an um lo, thing le tlâk i sermi zong an um ve, a sunglawimi an um lio ah a sunglawi lomi zong an um.

2TIMOTE 2:20 ပူးပေါင်းရင်းမြစ်များ

EZRA 1:6

an pawngkam i a ummi vialte hna nih khan ngun umkheng le sui le thilri le saṭil le a man a fakmi thilri khan, mah lungtho tein thawhmi thil ri lengah khan an bawmh hna.

EZRA 6:5

Cun Pathian inn chung i sui le ngun umkheng hna, Jerusalem i a ummi biakinn chungin Nebukhadnezzar nih a lak i Babilon ah a ratpimi hna zong kha khirh ṭhan si hna seh law, Jerusalem i a ummi biakinn ah khan anmah le an hmunte cio ah chiah ṭhan si hna seh; Pathian inn chungah khan nan chiah hna lai,” ti in a um.

EXODUS 27:3

Biakṭheng caah cun hihi na ser hna lai: sathau nih a tlakhnawhmi vutcam ruhnak le laknak ah um le cawhlek le kheng le thirzum le meiṭil ruhnak kheng an si lai. Biakṭheng ca thilthuam vialte cu dar in na ser hna lai.

ṬAHNAK HLA 4:2

Zion fapa sung hna khi zohhmanh hna, Hmasa ah cun sui thiang anmah khing an man, Atu tu ah cun ahopaoh nih hei sermi vawlei um tluk ceo an si.

DANIEL 5:2

A hung ri nawn i cu tikah a pa Nebukhadnezzar nih Jerusalem biakinn in a rak lakmi sui hrai hna le ngun hrai hna kha va la hna u law cu hrai hna cun ka bawi hna le ka nupi hna le ka sinum hna he zu kan ding lai, tiah nawl a pek hna.

JOHAN 8:49

Jesuh nih cun, “Khuachia ka ngei lo. Kei nih ka Pa kha ka upat, sihmanhsehlaw nannih nih kei kha nan ka zawmhtaih.

ROM 9:20

Sihmanhsehlaw ka kawi, nangmah cu Pathian bia a let lakmaktu dingah ahodah na si? Tlak um nih a sertu cu, “Zeicahdah hi bantuk hin na rak ka ser,” tiah a hal lo.

1 KORIN 3:9

Zeicahtiah kannih cu Pathian ca i hmunkhat ah rian a ṭuan ṭimi kan si i nannih cu Pathian lo nan si. Nannih cu Pathian inn zong nan si fawn.

2 KORIN 4:7

Asinain hi thlarau rothil a kengtu kannih hi tlak um bantuk men kan si, cu nih cun thil ti khawhnak ṭhawnnak hi kanmah ta si loin Pathian ta a si ti kha a langhter.

EFESA 2:22

Amah he nan i pehtlaihnak thawngin nannih zong hawi dang vialte he, Pathian nih a Thlarau in a umhnawhmi inn ah ser nan si cang.

1TIMOTE 3:15

Sihmanhsehlaw ka tlai sual a si ahcun hi ca nih hin zeitindah Pathian innchungkhar chungah kan umtu kan ziaza a si awk a si ti kha an chimh lai; Pathian innchungkhar cu a nungmi Pathian Khrihfabu, biatak a dirkamhtu le biatak i a tungpi kha a si.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.