2TIMOTE 2:14 - Lai (Hakha) Common Language Bible 2006

¹⁴ Biafang i al lengmang kha ngol u, tiah Pathian hmaiah ralrinnak pe hna law, na mi pawl kha, cucu chim ṭhan lengmang hna. Cu nih cun ṭhatnak zeihmanh a chuahpi lo, a ngaitu kha a hrawh lam a hrawh men hna.

Laibaibal Thiang (BSI)

¹⁴ Hi thil hna hi hngalhter ṭhân hna, santlai lomi a ngaitu hna caah lohtlaunâk lawng a phâk pitu pakpalawng bia i el lengmang lo dingin Bawipa hmaiah chimhring hna.

2TIMOTE 2:14 ပူးပေါင်းရင်းမြစ်များ

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

JEREMIAH 2:11

Miphun pakhatkhat nih a pathian hna kha, pathian an si lo hmanh ah, a thleng bal hna maw? Sihmanhsehlaw ka mi hna nih cun an Sunparnak kha zeihmanh a ṭhahnem lomi thil ah an thlen.

JEREMIAH 2:8

Tlangbawi hna nih khan, ‘Bawipa cu khuazei ah dah a um?’ an ti ti lo. Phungbia a tlaimi hna nih khan keimah kha an ka ruat lo; Ka mi tuukhal hna nih khan keimah cu an ka doh; Profet hna nih khan Baal min in bia an chim i Bawmh khawhnak zeihmanh a ngei lomi pathian kha an zulh hna.

JEREMIAH 23:32

Lih kha mang i a manh i a zuar ṭhan i ka mi hna kha hrokhrawl le pakpalawng in a pingah a hruaitu profet cu ka ralchanh hna, tiah Bawipa nih a ti. Annih a thlahtu hna kha keimah ka si lo, a fialtu hna zong ka si lo, cucaah hi profet hna nih hin hi mi hna hi zeihmanh an ṭhathnem hna lai lo. Mah hihi Bawipa bia hrimhrim a si.

JEREMIAH 23:36

‘Bawipa bia cu thilrit a si,’ ti cu nan chim hrimhrim lai lo, zeicahtiah cu bantukin a chimmi cu a caah thilrit a si taktak lai; nan chim a si ahcun, Ralkapbu Bawipa, Pathian nung, kan Pathian a bia kha pakpalawng ah nan canter hna lai.

JEREMIAH 7:8

Hi hlennak bia kha nan i bochannak thawng in zeihmanh ṭhathnemnak nan hmu lo.

HABAKKUK 2:18

Siasal hi a ṭhathnemnak zei a um maw? Minung nih an sermi a si ko i lih dah ti lo cu zeihmanh aan chimh khawhmi hna a um lo; a holh hmanh a holh kho lomi pathian cu a sertu caah a tuah khawhmi zeital a um maw?

MATTHAI 16:26

Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo.

LAMKALTU 13:10

“Khuachia fa! Nangmah hi a ṭhami thil paohpaoh dohtu na si; nangmah hi hlennak ṭhalo a phunphun in na khat, Bawipa biatak hi lih i canter naa zuam zungzal.

LAMKALTU 15:24

Kannih kan bu chungin mi a cheukhat nih nan sinah an ra i an chimmi nih nan lung an tuai hna i hna an hnawh hna ti kha kan theih; sihmanhsehlaw hi hna hi, hi bantukin va tuah u, tiah kannih nih kan ti hna lo.

ROM 14:1

Zumhnak lei i thazang a dermi kha nan bu chungah rak cohlang ko hna u, an pumpak ruahnak kha rak al len hna hlah u.

GALATI 1:7

A ngaingai ti ahcun, “thawngṭha dang,” timi hi a um lo, asinain hitin ka chimnak cu, nan lung an tuaitamtu hna le Khrih thawngṭha kha thlen aa zuammi an um caah a si.

EFESA 4:17

Bawipa min in hi bia hi ka chim i ralrinnak kan pek hna: lawkihmi bantukin um ti hlah u. Annih cu an ruahnak kha pakpalawng a si.

1THESALON 4:1

A donghnak ah ka u le ka nau hna, zeitindah Pathian duhning in kan nun awk a si lai ti kha nannih nih kan sinin nan hmuh cang. Hitihin nan rak nun awk a si i atu hi Bawipa Jesuh min in tam chinchin in nan nun nakhnga kan in nawl hna.

2 THESALON 3:6

U le nau hna, Bawi Jesuh Khrih min in, mi thathu le kan in cawnpiakmi hna a zul duh lomi cu kom hna hlah u, tiah kan in fial hna.

1TIMOTE 1:4

Kha bantuk tuanbia menmen hna le chuahkehnak min sau pipi in an ṭialmi cazin menmen hna kha cu, zeihmanh an si lo caah, hlaw hna u, tiah na rak chimh hna lai; zeicahtiah kha bantuk thil nih khan bia alnak lawnglawng a chuahpi i zumhnak in hngalh khawh a simi Pathian khuakhannak kha zeihmanh a langhter lo.

1TIMOTE 1:6

Hi bantuk thil tu hi mi a cheu nih an hlawt riangmang hna i bia i al lengmangnak hruhnak burbuk chungah khan an lut.

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

1TIMOTE 5:21

Pathian le Khrih Jesuh le a thiangmi vancungmi hmaika ah, zei thil paoh na tuah tikah aho cung hmanh ah duhdanhnak zeihmanh um loin na tuah nakhnga hi cawnpiaknak hi va zul ko tiah kan nawl.

1TIMOTE 6:13

Zeizong vialte nunnak a petu Pathian le Pontius Pilat hmaika ah aa phuangmi Khrih Jesuh hmaiah nangmah cu hitihin nawl kan pek.

2TIMOTE 1:6

Cucaah na cung i ka kut ka rak chuan tik i Pathian nih an pekmi laksawng kha na nunter peng nakhnga chimh ṭhan kan duh.

2TIMOTE 2:16

Pakpalawng a simi le hruhnak men a simi, i al lengmangnak kha hrial i zuam. Cu nih cun Pathian he lam a hlatter chinchin hna.

2TIMOTE 2:23

Bia i al lengmangnak, hruhnak men le zeihmanh hngalh set ṭung loin i al lengmangnak hi hrial i zuam, zeicahtiah hi bantuk bia i al lengmangnak cu i siknak ah a dong ti kha na hngalh.

2TIMOTE 4:1

Pathian hmai le, mi vialte a nungmi he a thimi he, bia a ceihtu ding Khrih Jesuh hmaiah, fak piin kan nawl; cun a rat lainak le a pennak in kan nawl fawn;

TITAS 3:1

Bawi le nawl ngeitu pawl kha, an nawl nan ngaih hna lai i thil ṭha tuah kha nan i tim zungzal lai, tiah na mi pawl kha chim ṭhan hna.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

2 PETER 1:13

Ka nun chung paoh cu, hi kong kan hngalhter ṭhan lengmang hna hi a herh hrimhrimmi a si, tiah ka ruah.

1 SAMUEL 12:21

cun pakpalawng thil, ṭhathnem zong an ṭhathnem kho hna lo i a khamh zong an khamh kho hna lomi thil hna kha, pialhnawh hna hlah u, zeitintiah pakpalawng an si.