2TIMOTE 1:14 - Lai (Hakha) Common Language Bible 2006

¹⁴ Kan chungah a ummi Thiang Thlarau ṭhawnnak thawngin na kut chungah chiahmi thil ṭha kha him tein keng hna.

Laibaibal Thiang (BSI)

¹⁴ Thilṭha na sin i chiahmi kha kanmah i a ummi Thiang thlarau in kilveng.

2TIMOTE 1:14 ပူးပေါင်းရင်းမြစ်များ

LUKA 16:11

Vawlei cung thil tuahtoning i zumhawktlak lo nan si ahcun zeitindah rumnak taktak cu pek khawh nan si lai?

JOHAN 14:17

Amah cu biatak phuangtu thlarau a si; vawlei nih cun a hmuh lo ca le a hngalh lo caah a cohlang kho lo; sihmanhsehlaw amah cu nan sinah a um i nan chung i a nun caah nannih nih cun nan hngalh.

ROM 3:2

A phunphun in tampi a um ko! Cu hna lak i a hmasa bik cu, Pathian nih a bia Judah mi a kenter hna kha a si.

ROM 8:11

Jesuh kha thihnak in a thotu Pathian Thlarau cu nan chungah a um ahcun, Khrih cu thihnak in a thawhtertu Pathian nih khan a Thlarau cu nan chungah a umter caah nannih zong thih hmangmi nan pum kha nunnak an pekpiak ve hna lai.

ROM 8:13

Nan mihring sining in nan nun ahcun nan thi ko lai; sihmanhsehlaw sualnak nan tuahmi kha Thlarau in nan thah ahcun nan nung lai.

ROM 8:9

Sihmanhsehlaw nannih cu cuticun nan nung lo; Thlarau hruaining tu in nan nung deuh — Pathian Thlarau a ngei lomi cu Khrih ta an si lo.

1 KORIN 3:16

Pathian biakinn nan si kha nan hngalh i Pathian Thlarau nan chung i a um zong kha nan hngalh.

1 KORIN 6:19

Nan pum cu Thiang Thlarau biakinn a si kha nan hngal lo maw? Cu Thlarau cu nan chungah a um i Pathian nih an pekmi hna a si kha nan hngal lo maw? Nannih cu nanmah ta nan si lo, Pathian ta nan si;

1 KORIN 9:17

Ka rian hi keimahte nih kaa thim i ka tuahmi a si ahcun, ṭuan man ka hmuh lai ti zong cu kaa ruahchan hnga, sihmanhsehlaw ka rian hrimhrim a si tiin ka ṭuan hi Pathian nih hi rian hi ka kut chungah a ka pek caah a si.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

GALATI 2:7

Cuti ruahnak pek khawh cu vun chim lo, Pathian nih Jentail mi hna sin i thawngṭha chim a ka fial kha a si tak ti tu ah an ti lehlam, Pathian nih Peter cu Judah mi hna sin i thawngṭha chim a fial bantuk khan.

EFESA 2:22

Amah he nan i pehtlaihnak thawngin nannih zong hawi dang vialte he, Pathian nih a Thlarau in a umhnawhmi inn ah ser nan si cang.

EFESA 5:18

Zu ri hlah u, zu cu nanmah hrawktu lawnglawng a si ko, Thlarau tu khan khat deuh u.

KOLOSE 4:11

Justas ti zongah timi Joshua zong nih nan kut an tlaih hna. Anmah pathum lawnglawng hi Judah mi Khrihfa i a cangmi keimah sin i Pathian Pennak rian a ṭuanmi an si; ka caah bawmtu ṭhahnem ngaingai an si.

1THESALON 5:19

Thiang Thlarau kha dawn hlah u;

1TIMOTE 1:11

Ahmaanmi cawnpiaknak cu thanh fial ka simi Thawngṭha chungah khan a um i cu Thawngṭha cu sunparnak le thangṭhatnak in a khatmi Pathian sinin a rami kha a si.

1TIMOTE 6:20

Timote, ken awk an in fialmi thil cu him tein na ken hna lai. Pathian hmaizah loin biachim lengmang le hruhnak bia alnak, mi a cheu nih hmaan lopi in “Fimnak” tiah an timi cu hrial naa zuam hna lai.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

2TIMOTE 2:2

Tehte tampi hna theih ah ka chimmi bia kha i lak law, midang a cawnpiak kho ve dingmi, na zumhmi hna kha va kenter hna.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.