1 SIANGPAHRANG 9:9 - Lai (Hakha) Common Language Bible 2006

⁹ Cun annih nih an thawh hna lai i, ‘Zeicahdah a si ti ahcun, annih an pupa hna Izipt ram in a chuahpitu Bawipa an Pathian kha an hlawt i pathian dang kha an i tlaih hna i an biak hna i an rian an ṭuan hna caah hi ṭhat lonak vialte hi Bawipa nih an cungah a tlunter,’ tiah an ti lai,” tiah a ti.

1 SIANGPAHRANG 9:9 ပူးပေါင်းရင်းမြစ်များ

1 SIANGPAHRANG 18:18

Cun anih nih a leh i, “Keimah nih Israel mi cu harnak ka pe hna lo, nangmah le na pa hrin nih pei nan pek hna tiah, zeicahtiah nannih nih Bawipa nawlbia kha nan hlawt hna i Baal kha nan zulh hna.

2 SIANGPAHRANG 22:17

annih nih an ka hlawt i pathian dang hna sinah khan zihmui an khangh i annih nih ka thinphawhnak caah an kut in hi rian vialte kha an tuah caah hi hmun cungah hin ka thinhunnak cu a alh lai i a mit lai lo.

2 CHANRELNAK 29:8

Cucaah Bawipa thinhunnak cu Judah le Jerusalem cungah a tlung i tuksapur, khuaruahhar le serhsat awk thil ah, nannih nih nan mit hrim i nan hmuh bang hin a ser hna.

2 CHANRELNAK 7:22

Khi tikah annih nih an i thawh lai i, ‘Zeicahtiah annih nih Bawipa, an pupa hna Pathian, Izipt ram in a chuahpitu hna kha an hlawt i pathian dang kha an i tlaih i an biak hna i an rian an ṭuan hna caah a si; cucaah hi ṭhat lonak vialte hi an cungah a tlunter,’ an ti lai,” tiah a ti.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

JEREMIAH 22:8

“Cun miphun tampi hna chung mi cu hi khua pawng hin an kal te lai i pakhat le pakhat cu, ‘Zeicahdah Bawipa nih hi bang hin hi khuapi cungah hin a tuah hnga?’ tiah an i ti te lai.

JEREMIAH 44:23

Nannih nih hi raithawinak kha nan khangh hna i Bawipa cungah nan sual i Bawipa cu a nawl nan ngai lo i phungbia le a nawlbia le cawnpiaknak kha nan zulh lo caah, hi harnak hi nan cungah a tlung,’ ” tiah a ti.

JEREMIAH 5:19

Cun nannih nih, “Zeicahdah Bawipa kan Pathian nih hi thil vialte hna hi kan cungah a tuah?” tiah nan ti tikah, “Nannih nih nan ka hlawt i ramdang pathian kha nan ram chungah nan biak hna bang hin, nanmah ram a si lomi ram ah phun dangmi kha nan rianh hna lai,” tiah kan leh hna lai.

JEREMIAH 50:7

A hmumi hna paoh nih khan annih cu an ei hna i an ral hna nih cun, “Annih nih Bawipa cungah an sual caah kannih nih kan tuahmi hi cu sual a si lo. An pupa hna nih khan Bawipa cu an rak i bochan i annih zong nih hin amah sinah cun zumhawktlak tein an um ve awk a si,” tiah an ti.

ṬAHNAK HLA 2:15

A kalmi paoh nih khan an kut an in benghhnawh i An in cekcekhnawh i an lu an in thinhnawh, Maw Jerusalem fanu; “Hi khua hi maw, dawhnak ah a tlingmi vawlei cung dihlak lawmhnak, rak timi cu a si?” an ti.

DEUTERONOMI 29:23

cu hremnak cu, ram cu a dihlak in kat le cite, thi lakin khanghmi, zeihmanh tuh lo, zeihmanh corh lo, ram zeihmanh khoh khawh lonak a si, a thinhunnak le a thinlinhnak in Bawipa nih a hrawhmi Sodom le Gomorrah le Admah le Zeboiim rawknak bantuk a si —