1 SIANGPAHRANG 9:1 - Lai (Hakha) Common Language Bible 2006

¹ Solomon nih Bawipa inn le siangpahrang inn le Solomon nih sak a duhmi vialte kha a sak dih tikah,

1 SIANGPAHRANG 9:1 ပူးပေါင်းရင်းမြစ်များ

1 SIANGPAHRANG 3:1

Solomon nih Izipt ram siangpahrang Faro he ṭanṭinak cu ṭhitumnak in a ser; Faro fanu kha a lak i amah inn le Bawipa inn le Jerusalem kulhnak vampang kha a sak dih hna hlan cu David khua ah khan a umter.

1 SIANGPAHRANG 6:37

A kum linak, Ziv thla ah Bawipa inn hram cu bunh a si.

1 SIANGPAHRANG 7:1

Solomon nih amah inn cu kum hleithum chung a rianh i a inn cu a dihlak in a lim dih.

1 SIANGPAHRANG 7:2

Lebanon Tupi Inn timi kha a sak; a sau cu dong za khat a si, a vang cu dong sawm nga a si, a san cu dong sawm thum a si; cu inn cu sidar thing tung, tlar thum cung i chuanmi sidar thing kaan hna cungah khan sak a si.

1 SIANGPAHRANG 7:51

Cuticun Siangpahrang Solomon nih Bawipa inn ca i a ṭuanmi rian vialte cu a lim. Cun a pa David nih a rak pekchanhmi thil: ngun, sui le umkheng hna kha a luhpi hna i Bawipa inn rokuang chungah khan a ken hna.

1 SIANGPAHRANG 8:66

A ni riat ni ah cun mi cu a kalter hna; annih nih siangpahrang kha thluachuah an pek i Bawipa nih a sal David le a mi Israel mi cung i ṭhatnak a langhtermi ruangah lunglawm le thanuam in an inn cio ah an tlung.

1 SIANGPAHRANG 9:10

Solomon nih Bawipa inn le siangpahrang inn a sak chung kha kum kul a rau.

1 SIANGPAHRANG 9:11

Tair siangpahrang Hiram nih khan sidar thing, saipres thing le sui a duh zat in Solomon kha a pek. Cun Siangpahrang Solomon nih Galilee ram chung khua pakul kha a pek.

1 SIANGPAHRANG 9:19

cun Solomon nih a ngeihmi thil khonnak khua vialte le a rangleng hna ca khua hna le a rangcung ralkap khua hna le Jerusalem, Lebanon le a penmi ram dihlak ah Solomon nih sak a duhmi paoh saknak caah hnekmi rianṭuantu bu a sernak kong cu mah hihi a si.

2 CHANRELNAK 7:1

Solomon nih thla a camnak a dih tikah, van in mei a rung tla i khangh thawinak le raithawinak hna kha a kangh hna i Bawipa sunparnak cu biakinn kha a khat.

2 CHANRELNAK 7:11

Cuticun Solomon nih Bawipa inn le siangpahrang inn cu a lim hna; Solomon nih Bawipa inn chungah siseh amah a inn chungah siseh, tuah a timhmi vialte kha tling tein a lim dih hna.

2 CHANRELNAK 8:1

Solomon nih Bawipa inn le amah inn a sak chung kum kul a donghnak ah khan,

2 CHANRELNAK 8:6

Baalath le Solomon nih a ngeihmi thil khonnak khua vialte le a rangleng hna ca khua vialte le a rangcung ralkap hna ca khua hna le Solomon nih Jerusalem ah siseh, Lebanon ah siseh, a penmi ram chung paohpaoh ah siseh, sak a duhmi paohpaoh kha a sak fawn hna.

PHUNGCHIMTU 2:10

Ka duhmi paoh kha ka hmuh khawh, nuamhnak kha zeihmanh ka tlolhmi a um lo. Thil ka tuahmi paoh nih khan thangṭhatnak an ka pek i cucu ka laksawng a si.

PHUNGCHIMTU 2:4

Rian ngan pipi cu ka lim hna, inn ka sak hna i mitsur dum kaa ser hna;

PHUNGCHIMTU 6:9

Pakpalawng a si ko, thlitu dawi bantuk ṭhiamṭhiam a si ko. Ngeihmi cungah lungawi tein um hi ngeih chin lengmang duhnak nakin a ṭha deuh.