1 SIANGPAHRANG 8:9 - Lai (Hakha) Common Language Bible 2006

⁹ Israel mi nih Izipt ram in an chuah tikah Bawipa nih annih he biakamnak a tuahnak Horeb tlang i Moses nih a khumhmi lung tlap pahnih hna dah ti lo kha cu, kuang chungah zeihmanh a um lo.

1 SIANGPAHRANG 8:9 ပူးပေါင်းရင်းမြစ်များ

1 SIANGPAHRANG 8:21

Cun Izipt ram in a chuahpi hna tikah kan pupa hna he Bawipa nih a rak sermi biakamnak a umnak kuang caah khan, khika ah hmun pakhat ka tuah,” tiah a ti.

2 CHANRELNAK 5:10

Israel mi nih Izipt ram in an chuah tikah, Bawipa nih annih he biakamnak a tuahnak Horeb tlang i Moses nih biakamnak kuang chungah a khumhmi lungtlap pahnih hna dah ti lo kha cu, biakamnak kuang chungah cun a dang zeihmanh a um lo.

2 CHANRELNAK 5:9

Lang cu an sau caah chungchin hmunthiang hmai i a ummi hmunthiang khan an par le an par cu hmuh khawh an si; sihmanhsehlaw lenglei cun hmuh khawh an si lo; cuka ah cun nihin tiang hin an um ko.

EXODUS 13:21

Chun ah Bawipa cu an hmaiah minmei tom in annih kha lam hmuhsak awkah a kal i zan ah an hmaiah mei tom in annih kha ceunak pek awkah a kal, cucaah cun zan zongah chun zongah an kal kho.

EXODUS 14:24

Khuadei laite ah khin Bawipa nih cun minmei tom le mei tom chung khan Izipt mi kha a vun zoh hna i a tuaiter dih hna.

EXODUS 16:10

Aaron nih mi zapi cu bia a chimh lio hna ah ramcar lei kha an hoih i cu lioah cun khulrang in Bawipa sunparnak cu vandawm in a rung lang.

EXODUS 16:33

Moses nih Aaron kha a thawh i, “Um pakhat in i lak law a chungah manna kha khiat khat in chia, cun na tefa hna hmuh awkah Bawipa hmaiah khan cu um cu na chiah lai,” a ti.

EXODUS 25:16

Kuang chungah cun kan pek laimi lungtlap pahnih, biakamnak hngalhter ṭhantu, kha na chiah hna lai.

EXODUS 25:21

A chin cu kuang cungah cun na chiah lai i kuang chungah cun biakamnak hngalhter ṭhantu lungtlap pahnih kan pek laimi kha na chiah hna lai.

EXODUS 40:20

Cun biakamnak lungtlap kha a lak hna i kuang chungah khan a chiah hna. Kuang i thlaihmi sui kual ah khan lang kha a hrolh hna i a chin kha a chinh.

EZEKIEL 10:4

Bawipa sunparnak cu cherubim hna cung cun a tho i sangpi ah a kai i tual leiah cun a kal; cun biakinn chungah cun minmei cu aa zel i Bawipa sunparnak ceu nih cun a tual cu a ceuh.

LEVITIKAS 16:2

Moses sinah hi bangin Bawipa nih a ti: “Na u Aaron cu va chim law, puanzar chung hmunthiang ah, kuang cung i a ummi velngeihnak ṭhutdan hmaiah cun zeitikhmanh ah lut hlah seh, a thi sual lai; zeitintiah velngeihnak ṭhutdan cungah cun minmei in ka lang lai.

NAMBAR 17:10

Cun Bawipa nih Moses cu, “Aaron ṭhiangṭhunh cu hngalhternak hmaiah khan va chia ṭhan law, ralchanh hmangmi hna caah hmelchunhnak caah chiah a si lai i keimah cungah an phunzainak cu na donghter lai, an thi sual ai hnga,” tiah a ti.

NAMBAR 9:15

Puan biakinn an dirter ni ah cun, minmei nih puan biakinn, bia hngalhternak thlam cu a zelh i, zanlei ah cun puan biakinn cungah cun mei alh mui bantukin zinglei tiang a um.

DEUTERONOMI 31:26

“Hi phungbia cauk hi la u law, Bawipa nan Pathian biakamnak kuang pawngah khan va chia tuah u, nanmah kong ah biahngaltu a si nakhnga.

DEUTERONOMI 4:13

Cun tuah awkah nawl an pekmi hna a biakamnak kha nannih sinah a thanh, mah cucu nawlbia pahra kha an si; lung tlap hnih cungah a ṭial hna.

HEBRU 9:4

Cu chungah cun rimhmui khanghnak sui biakṭheng le sui hutmi kuang, biakamnak an chiahnak kuang kha an um. Cu kuang cungah cun manna an chiahnak sui um, Aaron ṭhiangṭhunh a corhmi le nawlbia an ṭialnak lungtlap pahnih kha an chiah hna.

BIAPHUAN 15:8

Biakinn cu Pathian sunparnak le lianhngannak meikhu in a khat i vancungmi pasarih nih hremnak pasarih an tlunpimi a dih hlantiang ahohmanh biakinn chungah cun an lut kho lo.