1 SIANGPAHRANG 8:6 - Lai (Hakha) Common Language Bible 2006

⁶ Cun tlangbawi hna nih khan Bawipa biakamnak kuang cu amah hmun ah inn chung chungchin hmunthiang, hmunthiang bik, cherubim hna thla toiah khan an chiah.

1 SIANGPAHRANG 8:6 ပူးပေါင်းရင်းမြစ်များ

2 SAMUEL 6:17

Cun Bawipa kuang kha an luhpi i a umnak ding hmun caah David nih a rak bunhmi thlam chungah khan an chiah. Cun David nih khangh thawinak le daihnak thawinak kha Bawipa hmaiah a pekchanh.

2 SAMUEL 6:2

Cun David cu a tho i a sinah a ummi vialte hna he khan, Pathian kuang, a cungah ralkapbu Bawipa min a cuang i cherubim cung i a ṭhumi kha, vung lak awkah Judah ram Baalah khua ah khan an vung kal.

1 SIANGPAHRANG 6:16

Cun inn hnulei dong kul cu zelṭuang in inntling tiang sidar thing in a ser i mah hihi a chungah, chungchin hmunthiang, a thiang bik hmun caah khan a ser.

1 SIANGPAHRANG 6:19

Bawipa biakamnak kuang chiahnak caah khan inn chung i a chung bik hmun ah chungchin hmunthiang kha a timh.

1 SIANGPAHRANG 6:27

Cherubim hna cu inn chung bik hmun ah khan a chiah hna; cherubim thla hna cu pakhat thla nih vampang pakhat, a dang pakhat thla nih khattelei vampang kha a tawng dingin a chiah hna i a dang an thla kha inn laifang ah cun an i tawng.

1 SIANGPAHRANG 8:3

Cun Israel mi upa vialte cu an ra i tlangbawi hna nih khan kuang cu an thawhpi.

1 SIANGPAHRANG 8:4

Cun Bawipa kuang kha le, tonnak thlam kha le thlam chung i a ummi umkheng thiang vialte kha an hunpi, tlangbawi hna le Levi mi hna nih an hunpi hna.

1 SIANGPAHRANG 8:7

Zeitintiah cherubim hna nih khan kuang umnak hmun cungah khan an thla an samh hna i cucaah kuang le a laang hna kha cherubim hna nih cun an huh hna.

1 CHANRELNAK 22:19

Atu cu Bawipa nan Pathian kha nan ruahnak le nan lungthin in biatak tein kawl tuah u. Bawipa biakamnak kuang le Pathian umkheng thiang hna cu Bawipa min ca i sakmi inn chungah khan luhpi an si nakhnga, tho u law Bawipa Pathian i hmunthiang cu sa tuah u,” tiah a ti hna.

2 CHANRELNAK 5:7

Cuticun tlangbawi hna nih khan Bawipa biakamnak kuang cu a umnak ding hmun, inn chung chungchin hmunthiang, a thiang bik hmun, cherubim hna thla toiah khan an luhpi.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

SALM 80:2

na dawtnak cu kan cungah langhter ko; Efraim le Benjamin le Manasseh phun cungah langhter ko! Na ṭhawnnak cu kan hmuhter, ra law kan khamh tuah.

SALM 99:1

Bawipa cu siangpahrang a si, mi vialte cu an ther dih; cherubim cung i a bawiṭhutdan cungah khan a ṭhu, vawlei cu aa hnin dih.

EXODUS 37:9

Cherubim vancungmi nih cun an thla kha an cunglei ah an zam i cuticun a chin kha an huh; pakhat le pakhat hmaitonh in an um i kuang chin kha an zoh veve.

ISAIAH 37:16

“Ralkapbu Bawipa, Pathian bawiṭhutdan cungah a ṭhu mi, nangmah lawnglawng hi Pathian na si i vawlei cung pennak vialte a uk dihtu na si. Nangmah nih van le vawlei kha na ser hna.

EZEKIEL 10:5

Cherubim hna thla khawn thawng cu lenglei tual tiang khan aa thei kho i Lianngan Bik Pathian nih bia chim seh law cu bantuk cun a thang.

EZEKIEL 41:4

Cun hmunthiang a va donghnak i a khaan cu a tah i a saulei dong kul, a kauhlei dong kul a si. Cun a ka thawh i, ‘Hihi Hmun Thiang Bik cu a si,’ a ti.

1 SAMUEL 4:4

Cucaah Shiloh ah mi an hei thlah hna i cherubim karlak i a ummi ralkapbu Bawipa biakamnak kuang cu khika in an rak put; cun Eli fapa pahnih Hofni le Phinehas hna kha Pathian biakamnak kuang sinah cun an rak um.