1 SIANGPAHRANG 8:32 - Lai (Hakha) Common Language Bible 2006

³² khi tikah nang nih van in run thei law, run ṭuan law, na salle cu bia run khiak ko hna, a mawhtu cu amah lu lila ah a ziaza kha tlunter in sual run phaw law, a dingmi cu a dinnak ning khan pek awkah thiam run coter ko.

1 SIANGPAHRANG 8:32 ပူးပေါင်းရင်းမြစ်များ

2 SAMUEL 22:21

Bawipa nih ka dinnak ningin laksawng a ka pek; Ka kut hna an thianning in a ka lehrulh.

1 SIANGPAHRANG 2:32

Ka pa David hngalh loin amah nakin a ṭha deuhmi le a ding deuhmi pahnih, Ner fapa Abner, Israel mi ralkapbu haotu le Jether fapa Amasa, Judah mi ralkapbu haotu kha vainam in a tuk hna i a thah hna caah thisen chuah in a tuahmi thil hna cu Bawipa nih amah lu cung lila ah a kirter ṭhan lai.

1 SIANGPAHRANG 2:33

Cuticun Joab lu cung le a tefa hna lu cungah zungzal in an thisen cu a kir ṭhan lai; sihmanhsehlaw David cung le a tefa hna cung le a innchungkhar cung le a bawi ṭhutdan cungah cun Bawipa sinin a rami daihnak cu zungzal in a um thluangthluan lai,” tiah a ti.

ESTHER 9:25

sihmanhsehlaw Esther cu siangpahrang hmaiah a rat tikah, Judah mi hna cung i ṭhat lonak khua a khan mi kha amah lu cungah tla in amah le a fapa hna cu thlainak ah thlai an si nakhnga, caṭial in nawlbia kha a chuah.

SALM 18:25

Bawipa, nang cu zumhawktlak a simi sinah zumhawktlak in na um ve i a ṭhami sinah na ṭha ve.

SALM 7:9

Miṭhalo hna ṭhat lonak cu kham law miṭha cu laksawng in lehrul ko hna. Nang cu a dingmi Pathian na si i minung lungthin le duhnak vialte a hngal dihtu na si.

EXODUS 23:7

Ahmaan loin sual i phawtnak kha hrial ko u. A sual lomi kha thih dan pe hlah u, zeicahtiah cu bantuk thil ṭhalo a tuahmi cu keimah nih sual ka phawt hna lai.

EXODUS 34:7

A biakamnak kha mi thong tampi cungah a hmunhter i palhnak le ṭhat lonak le sualnak kha a ngaihthiam hna; asinain an pale sualnak ruangah an fale le an tule kha a chan thum a chan linak tiang dantat a tlolh lomi a si,” tiah a au.

PHUNGTHLÛKBIA 1:31

Cucaah annih nih an ziaza theitlai cu an ei lai i Anmah khuakhannak lila nih cun a nor cikcek hna lai.

PHUNGTHLÛKBIA 17:15

Miṭhalo thiamcoh le miding sualphawt hi, an pahnih in Bawipa mithmuh ah fihnung an si veve.

ISAIAH 45:25

Bawipa nih Jakob tefa vialte cu ka chuah dih hna lai i annih nih an ka thangṭhat lai.

EZEKIEL 18:13

a miak le a karh in lei a cawihmi, hi bantuk mi cu a nung lai lo. Hi thil fihnung vialte hi a tuah hna caah a thi lai i a thisen kha a lu cungah a tla ko lai.

EZEKIEL 18:20

A thi ding cu midang si loin a sualmi kha a si lai; a fa nih a pa sualnak kha aa hrawm lai lo, a pa zong nih a fapa sualnak kha aa hrawm lai lo. Miding mi nih a dinnak theitlai kha a hmuh lai i miṭhalo nih a ṭhat lonak theitlai kha a zun ve ko lai.

EZEKIEL 18:30

Cucaah cun maw Israel mi hna, Bawipa Pathian nih hitin a ti: Ahohmanh nanmahle nan tuahnak cung cio ah bia kan ceih hna lai. Nan ṭhat lonak khan i mer cang ko sawh u, cu ti a si lo ahcun nan ṭhat lonak kha nan tluknak a si lai.

EZEKIEL 9:10

Sihmanhsehlaw ka zaangfah bal hna lai lo i ka zuah bal hna lai lo. An tuahmi thil vialte kha zei ruangah dah an tuah, tiah ka chimter hrimhrim hna lai,” tiah a ti.

NAMBAR 5:27

Cun minu kha ti cu a dinter tikah, amah kha a rak i thurhhnawmh i a va toiah zumh awk tlak loin a rak um ahcun, chiatnak a tlunhtu ti cu a chungah a lut lai i a ngan a fahter lai i a pum cu a phing lai i a phei cu a tlong lai i, cu nu cu a mi hna lakah chiathrutnak a ingmi ah a cang lai.

ROM 2:13

Zeicahtiah cun minung cu Pathian he remter a sinak cu Nawlbia theih thawngin si loin Nawlbia nih tuah u a timi tuah thawngin a si.

ROM 7:9

Keimah hrimhrim zong hi hlanah cun nawlbia loin ka rak nung, sihmanhsehlaw nawlbia kha a rat tikah sualnak cu a tho i ka thi.

DEUTERONOMI 25:1

“Mi an i sik i zung ah an chuah i biaceihtu nih an ceih hna i a sual lomi kha an luatter i a sualmi kha sual an pek ahcun,

1 SAMUEL 2:25

Mi nih mi cungah a sual ahcun Pathian nih remnak a serpiak lai, sihmanhsehlaw mi nih Pathian cungah a sual ahcun, aho nih dah a nawlpiak ti lai?” tiah a ti. Sihmanhsehlaw a pa bia cu an ngai duh lo; zeitintiah annih thah awk kha Bawipa duhnak a si.