1 SIANGPAHRANG 8:1 - Lai (Hakha) Common Language Bible 2006

¹ Cun Solomon nih Israel mi upa vialte hna le an phun cio i lu a simi vialte hna, Israel mi chungkhar hna haotu vialte hna kha, David khua Zion in Bawipa biakamnak kuang cu hunpi awkah, Jerusalem khua ah Siangpahrang Solomon hmaiah a pumh hna.

1 SIANGPAHRANG 8:1 ပူးပေါင်းရင်းမြစ်များ

2 SAMUEL 6:6

Cun Nakon phuhri kha an phak tikah cawtum kha an rilh caah Uzzah nih Pathian kuang kha a kut in a hei banh i a tlaih.

1 SIANGPAHRANG 2:10

Cun David cu a pupa hna sinah a it i David khua ah khan an vui.

1 SIANGPAHRANG 3:15

Cun Solomon cu a hun i hlau i zohhmanh, mang a si. Cun Jerusalem ah a ra i Bawipa biakamnak kuang hmaiah khan a dir i khangh thawinak hna le daihnak thawinak hna kha a pekchanh hna i a sinum vialte kha rawl danghnak a serpiak hna.

1 CHANRELNAK 11:7

Cun David cu ralhau chungah cun khua a sa; cucaah mah cucu David khua tiah ti a si.

1 CHANRELNAK 15:25

Cucaah David le Israel mi upa hna le a thong pawl haotu hna kha, Bawipa biakamnak kuang cu Obededom inn in lunglawmhnak he va lak awkah an kal.

1 CHANRELNAK 15:29

Cun Bawipa biakamnak kuang cu David khua i a rat lioah khan, Saul fanu Mikhal nih khan thlalangawng in a hei zoh i David Siangpahrang a lam len ko le aa nuamh len ko kha a hei hmuh i a lung chungin a nihsawh.

1 CHANRELNAK 15:3

Cun Bawipa kuang cu a ca i a timhmi hmun i hun kalpi awkah, David nih Israel mi vialte cu Jerusalem ah a pumh hna.

1 CHANRELNAK 28:1

David nih Jerusalem ah Israel mi bawi vialte, an phun chung bawi hna, siangpahrang rian a ṭuanmi ralkapbu bawi hna, a thongthong pawl a haotu hna, a zaza pawl a haotu hna, siangpahrang le a fapa hna i an thilri le saṭil a cawngtu hna kha siangpahrang inn bawi hna le miṭhawng hna le ralkap ṭhawng vialte hna he khan hmunkhat ah a pumh hna.

2 CHANRELNAK 30:1

Bawipa, Israel Pathian i Lanhtak Puai cu ulh awkah annih nih Bawipa inn ah Jerusalem ah an rat nakhnga, Hezekiah nih Israel ram le Judah ram ah mi a thlah hna i Efraim le Manasseh ram zongah ca a kuat hna.

EZRA 3:1

Thla sarihnak thla a hung chuah i Israel mi hna cu an khua ah an um tikah, mi cu Jerusalem ah mi pakhat bantukin an i pum.

SALM 102:21

Cucaah Bawipa min cu mi nih Zion ah an chim lai i Jerusalem ah amah cu an lawmh lai;

SALM 9:11

Zion ah a ummi Bawipa cu hla in thangṭhat u, a tuahmi thil kha miphun kip chim hna u.

ISAIAH 28:16

Sihmanhsehlaw Bawipa Pathian nih a chimmi cu hihi a si: “Zion ah hin a fek i a ṭhawngmi inn hram ka ser lai. Cu hram ah cun innkil lung, lungcang pakhat ka bunh lai i cu lung cungah cun, ‘Zumhnak fek cu a lung zong a sau,’ tiah ṭial a si lai.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

NAMBAR 1:4

Cun nan sinah phun khat chungin mi pakhat cio an um lai i cu hna cu an chung lak i a lu cio an si lai.

JOSHUA 23:2

Joshua nih Israel mi vialte an upa hna le an lu hna le an biaceihtu hna le an bawi hna kha a auh hna i annih cu, “Atu cu ka upa i ka tar ngaingai cang;

JOSHUA 24:1

Cun Joshua nih Israel miphun vialte kha Shekhem ah a pumh hna i Israel mi upa hna le lu hna le biaceihtu hna le bawi hna kha a auh hna; cun Pathian hmaiah an hung chuak.

1 PETER 2:6

Zeicahtiah Cathiang nih, “A sungmi lung pakhat kha ka thim cang i cu lung cu Zion khua i sakmi inn a hram lung caah ka chiah; Amah a zummi cu zeitikhmanh ah an lung a dong lai lo,” a ti.