1 SIANGPAHRANG 7:36 - Lai (Hakha) Common Language Bible 2006

³⁶ Cun a milmi a tung hna le a tlang hna cungah khan cherubim le chiandeih hna le tumkung hna an suai hna, a lawnnak hmun ning cio khan; cun a velchum in kual tete in a kulh dih hna.

1 SIANGPAHRANG 7:36 ပူးပေါင်းရင်းမြစ်များ

1 SIANGPAHRANG 6:29

Inn vampang vialte cu a velchum in cherubim muisam le tumkung le pangpar mui in a chunglei khaan he a lenglei khaan he a ṭial dih hna.

1 SIANGPAHRANG 6:32

Oliv thing in sermi innka pahnih hna cu cherubim le tumkung le pangpar mui in a suai hna i sui in a hut hna i cherubim le tumkung cu sui in a nalh hna.

1 SIANGPAHRANG 6:35

Cun an cungah cherubim le tumkung le pangpar muisam kha a ker hna; cun cu kermi muisam hna cu sui in nal tein a hut hna.

1 SIANGPAHRANG 7:29

cun tung karlak i a ummi tlang hna ah cun chiandeih hna le cawtum hna le cherubim an cuang; cun a tung hna zongah cun, chiandeih hna le cawtum hna cung le toiah khan, ṭamh cikcekmi kual tete an um.

1 SIANGPAHRANG 7:35

Hunnak dong ah cun a pummi a ka a um i dong cheu a sang; a tung hna le a tlang hna cu hunnak cungah khan an dir i a tlang hna he cun an i tlai dih.

1 SIANGPAHRANG 7:37

Hi bantukin hunnak pahra kha a ser hna: an dihlak te hin thlet khatmi, tah khatmi le muisam khat an si.

EZEKIEL 40:31

a tung hna ah cun tumkung kha an suai hna i hungkainak ah cun lamhbak pariat a um.

EZEKIEL 40:37

A innleng cu lenglei tual kha a hoih i a tung cungah cun a kam kip khan tumkung an suai hna; hungkainak ah cun lamhbak pariat a um.