1 SIANGPAHRANG 7:29 - Lai (Hakha) Common Language Bible 2006

²⁹ cun tung karlak i a ummi tlang hna ah cun chiandeih hna le cawtum hna le cherubim an cuang; cun a tung hna zongah cun, chiandeih hna le cawtum hna cung le toiah khan, ṭamh cikcekmi kual tete an um.

1 SIANGPAHRANG 7:29 ပူးပေါင်းရင်းမြစ်များ

GENESIS 3:24

Pathian nih mipa cu a chuah i Eden dum nichuahlei kamah khan cherubim vancungmi hna le zei ti lei paoh i aa mer khomi mei vainam kha a chiah hna. Annih nih cun nunnak thingkung kha ahohmanh nih naih kho hna hlah seh tiah an cawngh.

1 SIANGPAHRANG 6:27

Cherubim hna cu inn chung bik hmun ah khan a chiah hna; cherubim thla hna cu pakhat thla nih vampang pakhat, a dang pakhat thla nih khattelei vampang kha a tawng dingin a chiah hna i a dang an thla kha inn laifang ah cun an i tawng.

1 SIANGPAHRANG 7:25

Cun mah cucu cawtum hleihnih cungah a dir, pathum cu chaklei an zoh, pathum cu nitlaklei an zoh, pathum cu thlanglei an zoh, pathum cu nichuahlei an zoh; hmaihum cu an cungah khin a si i an hnulei an i chit cio.

1 SIANGPAHRANG 7:28

Mah hihi hunnak an ser hna ning cu a si; tlang an ngei i cu tlang hna cu tung karah an um;

1 SIANGPAHRANG 7:30

Cu hleiah hunnak hna nih khan dar cangpa kual pali le dar hlung kha an ngei cio. Cun a kil pali ah khan dohtu baan an um cio: hmaihum toiah cun, dohtu baan hna cu an pang cio ah khan ṭamhmi kual tete kha an thlet chih hna.

EXODUS 25:18

A chin a par veve caah cun a den in denmi sui in cherubim pahnih na ser hna lai i

EXODUS 37:7

A chin a donghnak veve caah cun denmi sui in cherubim pahnih a ser hna,

EZEKIEL 1:10

An hmai cu, an hmailei hmai cu minung hmai an si; an pali khan an orhlei kap hmai cu chiandeih hmai an si i an pali khan an kehlei kap hmai cu cawtum hmai an si i an pali khan an hnulei hmai cu mupi hmai an si.

HOSEA 5:14

Israel mi le Judah mi cu a ṭhawngmi chiandeih bantukin ka zuanhnawh hna lai; Keimah hrimhrim nih ka thleh ka baoh dih hna lai i ka kaltak hna lai. Ka hnuh hna lai i ahohmanh nih an chanh kho hna lai lo.

HEBRU 9:5

Cu kuang cungah cun Pathian sunparnak cherub kha an um i sual ngaihthiamnak hmun kha an thla an zarh. Hi thil kong hi a dihlak in chim caan atu hi a si lo.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

BIAPHUAN 5:5

Cu tikah upa pakhat nih khan a hun ka chawnh i, “Ṭap hlah! Zohhmanh, Judah phun chungin a chuakmi Chiandeih, David tefa milianngan nih khan, teinak a hmuh cang i cakhenhnak pasarih kha a phoih khawh hna i cazual kha a kau khawh,” tiah a ti.