1 SIANGPAHRANG 7:16 - Lai (Hakha) Common Language Bible 2006

¹⁶ Tungpi dong i chiah awkah dar in thletmi luchin pahnih a ser hna; luchin pakhat cu a sanlei dong nga a si, luchin dang pakhat cu a sanlei dong nga a si ve.

1 SIANGPAHRANG 7:16 ပူးပေါင်းရင်းမြစ်များ

1 SIANGPAHRANG 7:15

Dar tungpi pahnih a thlet hna. Tungpi pakhat cu a san dong hleiriat a si i a sum cu dong hleihnih a si, a chung a kua i a chah cu zapar a si; tungpi pahnihnak cu cu bantuk ṭhiamṭhiam a si.

1 SIANGPAHRANG 7:17

Cun sur bantukin ṭial cikcek tein sermi le thir cikcin bantukin ngerh cincianmi pahnih, tungpi dong i a ummi luchin caah cun a ser hna; luchin pakhat caah sur khat a dang luchin pakhat caah sur khat ve.

EXODUS 36:38

Tung panga an ser hna i sio an thlaih cio hna, an lu lei kha le an fung kha sui an hut hna. Tung caah cun dar kedanh panga an ser hna.

EXODUS 38:17

Tung kedanh cu dar in an ser hna i tung ca i sio hna le an fung hna le an par khuhnak cu ngun in sermi an si. Tual kulhnak tung vialte cu ngun fung in peh dih an si.

EXODUS 38:19

Dar kedanh pali chungah a dirmi tung pali nih an doh hna. An sio le an par tuamnak le an fung cu ngun in sermi an si.

EXODUS 38:28

A taang rihmi ngun pawng sawm nga cu tung, sio hna le an par khuhnak hna le an fung hna kha sernak ah khan Bezalel nih a hman.

JEREMIAH 52:22

A par ah cun dar in sermi chin a um; cu luchin cu dong nga a sang; cun luchin ah cun a velchum in dar in sermi sur le taleti an um. Cun tungpi pahnihnak cu a taleti hna he cun cu bantuk ṭhiamṭhiam cu a si.