1 SIANGPAHRANG 6:7 - Lai (Hakha) Common Language Bible 2006

⁷ Inn kha an sak tikah lung khoihnak hmun i remh ciami lung in a si, cucaah sobul thawng siseh, hreitlung thawng siseh, thir hriamhrei thawng siseh, an sak lioah khan, zei thawng hmanh biakinn chungah cun a leng lo.

1 SIANGPAHRANG 6:7 ပူးပေါင်းရင်းမြစ်များ

1 SIANGPAHRANG 6:6

A tangnung bik dal cu dong nga a kau, a lailak dal cu dong ruk a kau i a pathumnak cu dong sarih a kau; a dohtu kaan hna cu vampang chungah hluh an si nakhnga lo, inn velchum vampang a lenglei ah khan a fonghlei a ser hna.

1 SIANGPAHRANG 6:8

Dot tangnung bik i luhnak cu inn i a thlanglei kamah a si i dot lailak ah cun hlei in hung kai a si i dot lailak cun dot thumnak ah cun kai chin a si.

EXODUS 20:25

Ka caah biakṭheng cu lung in nan ser a si ahcun, nanmah nih nan remhmi lung in nan ser lai lo, zeicahtiah a remhnak i nan thirkhenh nan hman caah khan, ka ca i hman awkah aa tlak ti lo.

PHUNGTHLÛKBIA 24:27

Lenglei thil vialte kha ṭha tein tim dih hmasa hna, Cun na lo kha sersiam hna law cu hnuah cun nupi ṭhit le innlo khuasak tintuk cu a si lai.

ISAIAH 42:2

A au a khuang lai lo, zatlang lam ah thang urmar in biachimnak a tuah lai lo.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

ROM 9:23

Cun a sunglawimi a sunparnak zong kha langhter a duh i a kan zaangfahmi kannih cungah khan cu a sunparnak cu a kan toih, kannih cu a sunparnak hmu dingin a kan timhmi cu kan si.

2 KORIN 5:5

Cu bantukin i thlennak ding ca i a kan timtu cu Pathian a si i kan ca i a kan chiahpiakmi thil vialte aamahkhan caah a Thlarau cu a kan pek.

KOLOSE 1:12

Cun ceunak ram chungah Pathian nih a mi hna ca i a chiahmi thil i hrawm ve awkah aa tlak dingin an sertu hna kan Pa cu, lawmhnak he thangṭhat ko u.

JEIM 1:20

Minung thinhunnak nih Pathian tinhmi dinnak kha a chuahter lo.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.