1 SIANGPAHRANG 6:16 - Lai (Hakha) Common Language Bible 2006

¹⁶ Cun inn hnulei dong kul cu zelṭuang in inntling tiang sidar thing in a ser i mah hihi a chungah, chungchin hmunthiang, a thiang bik hmun caah khan a ser.

1 SIANGPAHRANG 6:16 ပူးပေါင်းရင်းမြစ်များ

1 SIANGPAHRANG 6:17

Cun innpi, cucu chungchin hmunthiang in hmailei i a ummi ṭuangpi kha, mah kha kha dong sawm li a sau.

1 SIANGPAHRANG 6:5

Cun inn vampang hrul cun inn pakhat a sak fawn i cu nih cun inn vampang cu a kulh dih; ṭuangpi le chungchin hmunthiang zong kha a kulh chih hna; cun a velchum in dal tete a ser hna.a

1 SIANGPAHRANG 7:7

Cun Bawi Ṭhutdan Khaan timi kha a ser, biaceihnak caah a si i Biaceihnak Khaan ti zong a si ve; mah cucu zelṭuang in inntling tiang sidar thing in sak a si.

1 SIANGPAHRANG 8:6

Cun tlangbawi hna nih khan Bawipa biakamnak kuang cu amah hmun ah inn chung chungchin hmunthiang, hmunthiang bik, cherubim hna thla toiah khan an chiah.

2 CHANRELNAK 3:8

Cun a thiang bik hmun kha a ser; a saulei cu inn vang he aa khat in dong kul a si i a kauhlei cu dong kul a si; sui thiang talen za ruk in a hut.

EXODUS 26:23

puan biakinn hnulei kil pahnih caah khan tlap hnih na ser hna lai.

EZEKIEL 41:4

Cun hmunthiang a va donghnak i a khaan cu a tah i a saulei dong kul, a kauhlei dong kul a si. Cun a ka thawh i, ‘Hihi Hmun Thiang Bik cu a si,’ a ti.

EZEKIEL 45:3

Hi hmun chungah hin hmun pakhat nan tah lai i cu hmun cu a saulei dong sang hnih le thong nga, a kauhlei dong sang khat a si lai i cu chungah cun hmun thiang, a thiang bikmi hmun cu a um lai.

LEVITIKAS 16:2

Moses sinah hi bangin Bawipa nih a ti: “Na u Aaron cu va chim law, puanzar chung hmunthiang ah, kuang cung i a ummi velngeihnak ṭhutdan hmaiah cun zeitikhmanh ah lut hlah seh, a thi sual lai; zeitintiah velngeihnak ṭhutdan cungah cun minmei in ka lang lai.

HEBRU 9:3

Puanzar pahnihnak hnulei ah khan Hmun Thiang Bik timi hmun kha a um.