1 SIANGPAHRANG 5:12 - Lai (Hakha) Common Language Bible 2006

¹² Cun Bawipa nih Solomon cu bia a kam bang khan fimnak a pek; cun Hiram le Solomon karlak ah remnak a um i annih pahnih nih hnatlaknak an ser.

1 SIANGPAHRANG 5:12 ပူးပေါင်းရင်းမြစ်များ

GENESIS 21:32

Beer-sheba ah biakamnak kha an tuah dih cun, Abimelek le a ralbawi ngan bik Fikol cu Filistin mi hna ram ah khan an kir ṭhan.

1 SIANGPAHRANG 15:19

“Ka pa le na pa karlak i a rak um bangkhan, keimah le nangmah karlak ah ṭanṭinak um seh: zohhmanh, laksawng ah ngun le sui kan kuat; cucaah va kal law Israel siangpahrang Baasha nih hin a ka kirtak nakhnga, amah he nan ṭanṭinak kha chat tuah,” tiah a ti.

1 SIANGPAHRANG 3:12

zohhmanh, na bia bangin ka tuah lai. Zohhmanh, a fim le thil a thleidang khomi lungthin kan pek, cucaah nangmah bantuk ahohmanh an rak um bal lo i nangmah bantuk hi a chuah zong an chuak bal ti fawn lai lo.

1 SIANGPAHRANG 4:29

Cun Pathian nih Solomon cu fimnak le hngalhthiamnak tah cawk loin le lungkauhnak rilikam thetse zat in a pek.

1 SIANGPAHRANG 5:13

Cun Solomon Siangpahrang nih khan Israel mi vialte chungin rian ṭuan awk i hnekmi bu a ser i cu hnekmi bu cu mi thong sawm thum an si.

2 CHANRELNAK 1:12

fimnak le hngalhnak cu kan pek. Nangmah hlan i a rak ummi siangpahrang hna nih an rak ngeih bal lo i nangmah hnu i a um laimi zong nih an ngeih bal lai lomi rumnak le chawva le upatnak zong kan pek fawn lai,” tiah a ti.

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

PHUNGTHLÛKBIA 1:1

David fapa Solomon, Israel siangpahrang phungthlukbia:

PHUNGCHIMTU 12:9

Phungchimtu cu a fim caah a hngalhmi kha mi cu a cawnpiak lengmang ko hna. Phungthluk bia kha a cawn hna i biatak an si maw si lo ti kha fel tein a hneksak hna.

SOLOMON HLA 1:1

Solomon hla iang dawh bia hna:

AMOS 1:9

Hihi Bawipa bia an si: Tair nih ṭhat lonak kha pakhat hnu pakhat a tuah lengmang caah A cung i dantatnak ka tlunter ding kha ka let lai lo, Annih nih sahlawh rualchan sinak kha philh riangmang in, Saltang hna kha an bu ningpi in Edom ah an chiah hna.

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.