1 SIANGPAHRANG 4:34 - Lai (Hakha) Common Language Bible 2006

³⁴ Cun miphun kip chungin le vawlei cung siangpahrang vialte hna sinin a fimnak a theimi paoh nih Solomon fimnak theih awkah cun an ra.

1 SIANGPAHRANG 4:34 ပူးပေါင်းရင်းမြစ်များ

1 SIANGPAHRANG 10:1

Sheba siangpahrangnu nih Bawipa min kong i Solomon minthannak kha a theih tikah, amah cu a harmi biahalnak in hneksak awkah a ra.

1 SIANGPAHRANG 4:33

Thing kong, Lebanon i a ummi thing in i thawk in vampang chungin a hung kheumi hissop tiang a chim tawn; cun saram le vate le a lawnmi thilnung hna le nga hna kong zong kha a chim fawn hna.

2 CHANRELNAK 9:1

Siangpahrangnu Sheba nih Solomon minthannak kha a theih tikah, amah cu a harmi biahalnak in hneksak awkah Jerusalem ah a ra; mizul tampi, zihmui phormi kalauk hna le sui tampi le lung mansung tampi aa phorh hna. Solomon sin a phak tikah a lung chung i a ummi vialte cu a chim dih.

2 CHANRELNAK 9:23

Cun Pathian nih a lung chung i a chiahmi fimnak theih awkah vawlei cung siangpahrang vialte hna nih cun Solomon cu an fuh.

ISAIAH 2:2

Hmailei caan pi ah cun Bawipa biakinn a dirnak tlang hi tlang vialte lakah a sang bik tlang a si lai. Miphun vialte kha cuka ah cun an ra luaimai lai i

ZEKHARIAH 8:23

Mah hihi ralkapbu Bawipa bia cu a si: Khi caan ah cun holh phun kip a hmangmi miphun kip chungin mi pahra nih Judah mi pakhat kha a puan in an i tlaih lai i, “Pathian cu na sinah a um ti kha kan theih caah na sinah kan kal ko lai,” tiah an ti lai.