1 SIANGPAHRANG 4:30 - Lai (Hakha) Common Language Bible 2006

³⁰ Cucaah Solomon fimnak nih nichuahlei mi vialte fimnak le Izipt fimnak vialte kha a lonh dih hna.

1 SIANGPAHRANG 4:30 ပူးပေါင်းရင်းမြစ်များ

GENESIS 25:6

Sihmanhsehlaw a thih hlanah a nupi dang hna fapa hna zong kha laksawng a pek hna i nichuahlei ah a kalter hna; a fapa Isak sinin aa hlatmi ram Nichuahlei ram ah a kalter hna.

GENESIS 29:1

Jakob cu a kal lengmang i nichuahlei mi hna ram cu a phan.

1 SIANGPAHRANG 10:23

Cuticun Solomon Siangpahrang nih vawleicung siangpahrang vialte cu rumnak le fimnak ah a lonh dih hna.

JOB 1:3

Cun tuu thong sarih, kalauk thong thum, cawtum tuah za nga, cun laapi za nga le sinum tam ngaingai a ngei; cucaah hi pa cu nichuahlei mi vialte lakah a lianngan bik a si.

PHUNGCHIMTU 1:16

Keimah le keimah cu, “Mingan ka si cang, keimah hlan i Jerusalem a rak uktu hna nakkhan a let tam piin ka fim deuh. Fimnak le hngalhnak hi zeidah an si, ti kha ka hngalh hna,” ka ti.

EZEKIEL 25:4

nannih cu nichuahlei miphun sinah kan chanh hna lai. Nan lakah an riahbuk kha an sak hna lai i an umnak hmun kha an khuar hna lai; nan rawl kha an ei lai i nan cawhnuk kha an din lai.

DANIEL 1:20

Siangpahrang nih zei bantuk bia hmanh ah siseh, zei bantuk thil har a chuakmi hmanh ah siseh, an ruahnak a hal hna fate, a ram chung dihlak i mitlehthiam hna le kutṭial zohthiam hna le camhthiam hna nakkhan a let hra in an hngal deuh ti kha a hmuh.

DANIEL 4:7

Mitlehthiam hna le khuachia thawl thiam hna le Khaldi mi hna le mang ih thiam hna kha an ra i an hmaiah cun ka mang cu ka chim.

MATTHAI 2:1

Jesuh cu, Judea ram Bethlehem khua ah, Siangpahrang Herod bawi a si lioah khan a chuak. A chuah tlawmpal ah cun arfi zohthiammi hna kha nichuahlei in Jerusalem khua ah khan an ra i,

MATTHAI 2:16

Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.

LAMKALTU 7:22

Moses cu Izipt fimnak vialte kha an cawnter i bia ah siseh, thil tinak ah siseh, mingan ngaingai ah a hung cang.

BIACEIHTU 6:33

Cun Midian mi vialte le Amalek mi hna le nichuahlei mi hna cu hmunkhat ah an ra i Jordan tiva tan in Jezreel Nelrawn ah an riak.