1 SIANGPAHRANG 4:26 - Lai (Hakha) Common Language Bible 2006

²⁶ Solomon nih a rangleng hna hnuktu rangtum hna caah rang inn sang li le rangcung ralkap thong hleihnih a ngeih hna.

1 SIANGPAHRANG 4:26 ပူးပေါင်းရင်းမြစ်များ

2 SAMUEL 8:4

Cun David nih amah sin khan rangcung ralkap thong khat le za sarih le ke ralkap sang hnih a tlaih hna i David nih leng hnuktu rang vialte kha an tha a pheh dih hna, sihmanhsehlaw rangleng za khat ca i a za ding lawnglawng kha a nganh hna.

1 SIANGPAHRANG 4:27

Cun kha bawi hna nih khan, anmah le an thla te cio ah khan Solomon Siangpahrang le Solomon Siangpahrang cabuai i a rami vialte caah khan, rawl khua an khan i zeihmanh an bauter lo.

1 SIANGPAHRANG 9:19

cun Solomon nih a ngeihmi thil khonnak khua vialte le a rangleng hna ca khua hna le a rangcung ralkap khua hna le Jerusalem, Lebanon le a penmi ram dihlak ah Solomon nih sak a duhmi paoh saknak caah hnekmi rianṭuantu bu a sernak kong cu mah hihi a si.

2 CHANRELNAK 1:14

Solomon nih rangleng le rangcung ralkap kha a pumh hna; amah nih cun rangleng thong khat za li le rangcung ralkap thong hleihnih a ngeih hna i annih cu rangleng khua hna le Jerusalem khua chung i a ummi siangpahrang sinah khan a chiah hna.

2 CHANRELNAK 9:25

Cun Solomon nih cun rangtum hna le rangleng hna caah ranginn thong li a ngei i rangleng khua hna le Jerusalem i siangpahrang sinah a chiahmi rangcung ralkap sang khat thong hnih a ngeih hna.

SALM 20:7

Mi a cheu nih an raltuknak rangleng kha an i bochan; a cheu nih an rangtum kha an i bochan hna; sihmanhsehlaw kannih cu Bawipa kan Pathian ṭhawnnak kha kan i bochan.

DEUTERONOMI 17:16

Amah belte amah caah rang kha a tamter chin hna lai lo, a rang tamter awkah mi kha Izipt ram ah a kirter fawn hna lai lo, zeicahtiah Bawipa nih nannih sinah, ‘Khi leiah nan kir hrimhrim ti lai lo,’ tiah a chim cang.