1 SIANGPAHRANG 4:20 - Lai (Hakha) Common Language Bible 2006

²⁰ Judah le Israel mi hna cu rilikam i thetse zat khin an tam; an ei an ding i an i lawm.

1 SIANGPAHRANG 4:20 ပူးပေါင်းရင်းမြစ်များ

GENESIS 13:16

Tefa tampi kan pek lai i an tam tuk ah ahohmanh nih an rel kho hna lai lo, leidip cu ahohmanh nih an rel khawh hna lo bantuk khi an si lai.

GENESIS 15:5

Bawipa nih cun lengah a chuahpi i, “Van khi zoh law na rel khawh ahcun arfi khi rel tuah hna. Na tefa cu khi arfi zat khi an si lai,” a ti.

GENESIS 22:17

Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai.

GENESIS 32:12

‘Na caah thil cu tluang tein ka umter ko hna lai i tefa kan pek lai i an tam tuk ah a rel in rel cawk an si lai lo, rili kam thetse zat khi an si lai,’ tiin bia na ka kammi kha philh sawh hlah,” a ti.

1 SIANGPAHRANG 3:8

Cun na salpa hi, nangmah nih na thimmi miphun ngan, an tam lei i rel cawk lo le zeizat an si hngalh cawk lomi hna lakah hin ka um.

1 SIANGPAHRANG 4:29

Cun Pathian nih Solomon cu fimnak le hngalhthiamnak tah cawk loin le lungkauhnak rilikam thetse zat in a pek.

1 SIANGPAHRANG 5:9

Ka sinum hna nih Lebanon tlang in rili ah an vun kalpi lai; cun na ka tinhmi hmun i rili in kalpi awkah puum ah ka ser hna lai i khika ah cun ka phoihter hna lai i nang nih na rak lak hna lai; cun ka duhnak cu ka innchungkhar cu rawl na rin hna lai,” tiah a ti.

2 SIANGPAHRANG 18:31

Hezekiah bia cu ngai hlah u, zeitintiah hi bangin Assiria siangpahrang nih a ti: ‘Keimah he remnak ser u law keimah sinah ra chuak tuah u; nan nun i nan thih nakhnga lo, nanmah ram bantuk a simi ram, rawl le mitsur hang a tamnak, changreu le mitsur dum a tamnak, oliv thingkung le khuaihliti a tamnak ram i kan kalpi hna hlantiang nannih nih nan dihlak in nanmahle nan mitsur ruang theitlai cio le nanmahle nan theipi kung theitlai cio kha nan ei lai i nanmahle nan tikhor cio ah ti nan din lai. Cun nannih nih Hezekiah nih, Bawipa nih a kan khamh lai, ti bia in a pingah an hruai tik hna ah a bia kha va ngai hlah u.

1 CHANRELNAK 12:39

Annih cu David sinah khan ni thum an um i an ei i an ding, zeicahtiah an unau hna nih khan an rak timhtuahpiak hna.

1 CHANRELNAK 22:9

Zohhmanh, fapa pakhat na hrin lai; amah cu daihnak mi a si lai. Amah cu a velchum i a ummi ral vialte hna lakin daihnak ka pek lai; zeitintiah a min cu Solomon a si lai i amah chan chungah cun Israel mi cu daihnak le remnak ka pek hna lai.

JOB 1:18

Cun bia a chim lengmang lioah cun a dang pakhat a ra ṭhan hoi i, “Na fapa hna le na fanu hna cu an upa bik inn ah rawl an ei i mitsur hang an din lioah

PHUNGTHLÛKBIA 14:28

Siangpahrang cu ukmi tampi a ngeih tikah a lianngan, ukmi a ngeih lo ahcun a bawinak cu a lo ko.

PHUNGCHIMTU 2:24

Minung nih hin a ṭha bik a tuah khawhmi cu zeidah a si ti ahcun, ei i din i a hmuhmi paoh kha i nuamhpi hi a si ko. Asinain mah zong hi Pathian kut in a rami a si kha ka hngalh;

ISAIAH 22:13

Sihmanhsehlaw a nih salam men in nan ni i puai tu nan tuah. Tuu le caw kha nan that i zu nan ding. “Ding in ei ko u sih! Thaizing ah cun kan hei thi dih ko lai hen cu,” nan ti.

MIKAH 4:4

Pakhat le pakhat ahohmanh hnahnawhnak i pe lo tein Anmahle an mitsur ruang toi cio le an theipi kung toi cio ah khua an sa hna lai; Zeicahtiah hi bia cu ralkapbu Bawipa hrimhrim nih a chimmi a si.

ZEKHARIAH 3:10

Khi ni ah cun nan dihlak in mahle mitsur ruang toi cio le theipi kung tang cio i ṭhut awk kha nan i sawm lai, tiah ralkapbu Bawipa nih a ti.

ZEKHARIAH 9:15

Ralkapbu Bawipa cu an phaw a si lai; Annih nih an ral kha an tei hna lai, lung herh chehnak lung kha an lamh hna lai; Zuri bantukin an au cukmak lai i kheng bantukin an khat lai i biakṭheng kil bantukin cin cikcek in an um lai.

LAMKALTU 2:46

Ni fate in a bute in biakinn chungah khan an i pum i an inn ah khan rawl an i hrawng cio hna i lunglawmhnak lungthin le toidornak lungthin he rawl cu an ei.

1 SAMUEL 30:16

Cun amah nih a vun kalpi tikah khan, zohhmanh, Filistin mi ram le Judah ram in hranchaw kha tampi an lak caah a kenkip ah an rak i ṭhek dih i an rak ei, an rak ding, an rak lam len ko.