1 SIANGPAHRANG 4:13 - Lai (Hakha) Common Language Bible 2006

¹³ Ramoth-gilead ah Bengeber (amah nih Manasseh fapa Jair i a khua hna, Gilead i a ummi hna kha a ngeih hna i cun Bashan i a ummi Argob peng khua ngan sawm ruk vampang le dar kothrolh a ngeimi hna a ngeih hna);

1 SIANGPAHRANG 4:13 ပူးပေါင်းရင်းမြစ်များ

1 SIANGPAHRANG 22:3

Cun Israel siangpahrang nih a sinum hna cu a thawh hna i, “Ramoth-gilead khi kanmah ta a si kannih nih dai tein kan um ko i Siria siangpahrang kut chungin kan chut lo ti kha nan hngal maw?” tiah a ti hna.

2 SIANGPAHRANG 9:1

Khi tikah profet Elisha nih profet fapa hna lakin pakhat kha a auh i, “Na taisawm i sawmh law hi chiti thawl hi i put, cun Ramoth-gilead ah va kal.

2 SIANGPAHRANG 9:14

Cuticun Nimshi fapa Jehoshafat i fapa Jehu nih cun Joram cu a rawi. (Cu lioah cun Joram cu Israel mi vialte he Siria siangpahrang Hazael kha doh awkah Ramoth-gilead ah an um;

1 CHANRELNAK 2:23

Sihmanhsehlaw Geshur le Aram nih Havothjair, Kenath le a khuate hna kha, khua sawm ruk an chuh hna. Mah vialte hna hi Gilead pa Makhir tefa kha an si.

SALM 22:12

Ka ral nih cawtum bantukin an ka kulh, Bashan ram cawtum ṭihnung pipi bantuk nih khan an ka kulh.

SALM 68:15

Bashan tlang hi zeitluk in a nganmi tlang dah a si! Tlang zum tampi a ngeimi tlang a si.

NAMBAR 32:41

Cun Manasseh fapa Jair nih a kal i an khuate cu a lak hna i Havvoth-jair tiah min a sak hna.

DEUTERONOMI 3:10

tlangrawn ram i khua vialte le Gilead a dihlak le Bashan a dihlak cu Salekah le Edrei tiang, Bashan i Og pennak chung i khua hna cu kan lak hna.

DEUTERONOMI 3:4

Cun khi caan ah a khua vialte cu kan lak dih hna — annih sinin kan lak lomi khua pakhat hmanh a um lo — khua sawm ruk, mah cucu Argob ram a dihlak, Bashan ram i Og pennak cu a si.

DEUTERONOMI 3:8

Cucaah khi caan ah Jordan tiva ral ah a ummi Amor mi hna siangpahrang pahnih hna kut chungin ram cu kan lak, Arnon nelrawn in Hermon Tlang tiang

DEUTERONOMI 4:43

Reuben mi hna caah tlangrawn ramlak i a ummi Bezer le, Gad mi hna caah Gilead i a ummi Ramoth le, Manasseh mi hna caah Bashan i a ummi Golan cu an si.

JOSHUA 20:8

Cun Jeriko nichuahlei Jordan tiva ral ah Reuben phun chungin tlangrawn ram ramlak i a ummi Bezer le, Gad phun chungin Gilead i a ummi Ramoth le, Manasseh phun chungin Bashan i a ummi Golan kha an thim hna.

JOSHUA 21:38

cun Gad phun chungin Gilead ah a ummi Ramoth, mi thattu caah himnak khua a simi le a saṭil tlonnak ram hna, Mahanaim le a saṭil tlonnak ram hna,