1 SIANGPAHRANG 3:7 - Lai (Hakha) Common Language Bible 2006

⁷ Cun atu cu, maw Bawipa ka Pathian, nangmah nih na salpa hi ngakchiate ka si ko nain, ka pa David hmun ah siangpahrang ah na ka ser cang; keimah cu zeitindah ka chuah lai i zeitindah ka luh lai, ti a hngal lomi ka si.

1 SIANGPAHRANG 3:7 ပူးပေါင်းရင်းမြစ်များ

2 SAMUEL 5:2

kan hnulei caan, Saul kan siangpahrang a si lioah khan, Israel mi a chuahpitu le a luhpitu cu nangmah na si; cun Bawipa nih nangmah cu, ‘Nangmah cu ka mi Israel mi hna tuukhal na si lai i Israel mi hna bawi na si lai,’ an timi kha na si,” tiah an ti.

1 CHANRELNAK 22:5

Cun David nih a thawh i, “Ka fapa Solomon hi a ngakchia i zeihmanh a hngal rih lo, cun Bawipa ca i sak dingmi inn cu rumra a um hringhranmi, a minthannak le a sunparnak ram vialte ah a thangmi a si awk a si; cucaah ka rak timhlamh chung lai,” tiah a ti. Cucaah David nih a thih hlanah thilri tampi a damhtak.

1 CHANRELNAK 22:9

Zohhmanh, fapa pakhat na hrin lai; amah cu daihnak mi a si lai. Amah cu a velchum i a ummi ral vialte hna lakin daihnak ka pek lai; zeitintiah a min cu Solomon a si lai i amah chan chungah cun Israel mi cu daihnak le remnak ka pek hna lai.

1 CHANRELNAK 29:1

Siangpahrang David nih aa pummi cu a thawh hna i, “Ka fapa Solomon hi Pathian nih a timhmi cu a si. Asinain amah cu a no rih i a hmuhtonmi a tlawm; sihmanhsehlaw ṭuan ding vial cu rian nganpi a si ṭung, zeicahtiah sak ding inn hi minung ca siangpahrang inn a si lo i Bawipa Pathian ca a si.

SALM 121:8

Atu in zungzal tiang, na chuahlei siseh, na luhlei siseh, an zohkhenh zungzal lai.

PHUNGTHLÛKBIA 18:12

Harnak phak hlanah cun mi cu an lung a puam tawn, sihmanhsehlaw upatnak phaknak lam cu toidornak a si.

PHUNGCHIMTU 10:16

A siangpahrang a lung fawi tein tei khawh a simi ram cu harnak a phan tawn, A bawile hna zan khuadei in puai ah aa nuammi ram cu harnak a phan ṭheo.

JEREMIAH 1:6

Khi tikah kei nih ka thawh i, “Aa, Bawipa Pathian! Zohhmanh, ngakchiate men ka si i biachim ka thiam lo,” tiah ka ti.

JEREMIAH 1:7

Sihmanhsehlaw Bawipa nih a ka thawh i, “Ngakchiate men ka si, ti hlah; Zeicahtiah cu hna sinah cun va kal, tiah kan tinak ah na kal lai i nawl kan pekmi paoh kha na chim lai.

DANIEL 2:21

Khuacaan siseh, caan kha siseh, a thlen lengmang hna, Siangpahrang kha a ṭhumh hna i a kaiter hna; Mifim kha fimnak a pek hna i a hngalmi kha hngalhnak vialte cu a pek hna;

DANIEL 4:25

Minung bu sinin nang cu ṭhawl na si lai i ram sa sinah na um lai; cawtum bantukin ram kha na ei lai i vandap nih cin cikcek in kum sarih chung an tlak lai. Khi tikah nangmah nih Cung Nung Bik cu minung pennak cungah khan bawi a si i cu pennak cu pek a duhmi hna sinah khan a pek ko, ti na vun hngalh ruangmang te lai.

DANIEL 4:32

Minung bu sinin ṭhawl na si cang i ram sa sinah na um cang lai; cawtum bantukin ram kha kum sarih chung na ei lai. Cu tikah Cung Nung Bik nih hin minung hna pennak chungah hin uktu bawi a si i pek a duhmi hna sinah a pek ko dah ee, ti kha na hngalh lai,” tiah a ti.

DANIEL 5:18

Siangpahrang ka bawipa, Cung Nung Bik Pathian nih na pa Nebukhadnezzar cu pennak le ṭhawnnak le sunparnak le lianhngannak kha a pek;

DANIEL 5:21

Amah cu minung hna sin khan ṭhawl a si i a lungthin cu saram lungthin bantuk ah khan a cang, ramlak laa hna sinah khan khua a sa i cawtum bantukin ram kha a ei i a pum cu van dap nih cin cikcek in a tlak, cuticun Cung Nung Bik Pathian cu minung pennak cungah hin bawi a si i cu pennak a pengtu dingah cun a duhmi paoh kha a chiah hna ti a hngalh hlantiang, cuticun a um.

NAMBAR 27:17

an hmaiah a kal ding le an hmaiah a ra ding le, a chuahpitu hna le a luhpitu hna ah chia ko seh; Bawipa mibu cu tuukhal ngei lo tuu hna bantukin an si nakhnga lo,” tiah a ti.

JOHAN 10:9

Kei cu innka ka si. Keimah in a lutmi paoh cu khamh an si lai; an lut an chuak lai i ram hno kha an hmu lai.

DEUTERONOMI 31:2

Cun amah nih annih sinah, “Atu cu kum za le kum kul ka si cang; ka chuak kho in ka lut kho ti lo. Bawipa nih ka sinah, ‘Hi Jordan tiva hi na tan lai lo,’ tiah a ka ti cang.

1 SAMUEL 18:16

Sihmanhsehlaw Israel mi vialte le Judah mi vialte nih David kha an duh; zeitintiah amah cu annih hmaiah a chuak a lut lengmangmi a si.