1 SIANGPAHRANG 3:6 - Lai (Hakha) Common Language Bible 2006

⁶ Cun Solomon nih, “Nangmah nih ka pa David cu zumhawktlak in le dinnak in le nangmah lei i lungthin ding ngeihnak in na hmaiah a um caah, a ngan le a fekmi dawtnak cu na hmuhsak cang; cun hi a ngan i a fekmi dawtnak cu na chiahpiak i nihin i a bawi ṭhutdan cung i a ṭhu dingah fapa pakhat na pek.

1 SIANGPAHRANG 3:6 ပူးပေါင်းရင်းမြစ်များ

GENESIS 24:40

A ka leh i, ‘Amah nawl ka ngaih zungzalmi Bawipa nih a vancungmi kha na sinah a kalter lai i na hlawh a tling ko lai. Ka mi hna sinin, ka pa chungkhar hna sinin ka fapa cu nupi na va hmuhpiak ko lai.

2 SAMUEL 22:21

Bawipa nih ka dinnak ningin laksawng a ka pek; Ka kut hna an thianning in a ka lehrulh.

2 SAMUEL 22:25

Cucaah Bawipa nih ka dinnak ningin a ka lehrulh, Amah mit hmuh i ka thiannak ningin.

2 SAMUEL 7:5

“Va kal law ka sal David kha, ‘Bawipa nih hi bangin a ti: Ka umnak ding caah nangmah nih inn na ka sakpiak hnga maw?

1 SIANGPAHRANG 1:48

Cun siangpahrang nih cun, ‘Keimah mit hmuh hrimhrim ah, ka bawi ṭhutdan cung i keimah tefa pakhat a ṭhuttertu Bawipa, Israel Pathian cu thangṭhat si ko seh’ ti zongah a ti fawn,” tiah a ti.

1 SIANGPAHRANG 15:5

zeicahtiah David nih Bawipa mithmuh i a dingmi kha a tuah i Hit mi Uriah kong ah khan dah ti lo ahcun nawl a pekmi paoh kha a nun chung vialte pakhat hmanh a pialtak hna lo.

1 SIANGPAHRANG 2:4

Bawipa nih ka sinah keimah kong i, ‘Na fapa hna nih an kalning kha an i ralrin i keimah hmaiah zumhawktlak tein an lung dihlak le an nunnak dihlak in an kal ahcun, Israel mi bawi ṭhutdan cungah a ṭhu dingmi na ṭhing lai lo,’ tiin a chimmi bia kha a fehter lai.

1 SIANGPAHRANG 3:14

Cun ka nawlbia hna le ka phungbia hna kha zul in na pa David nih a zulh bangkhan ka lam kha na zulh hna ahcun, na nunnak ka sauter fawn lai,” tiah a ti.

1 SIANGPAHRANG 9:4

Cun nangmah kongah, na pa David nih a rak kal bantuk khan, ka hmaiah lung hlumte le dinnak in na kal i nawl kan pekmi vialte ningin na tuah i ka nawlbia le ka phung lam kha na zulh hna ahcun,

2 SIANGPAHRANG 20:3

‘Maw Bawipa, zeitindah nangmah hmaiah zumhawktlak le lungcheubang loin ka kal tawn i nangmah mithmuh ah a ṭhami ka tuah kha na cinken nakhnga, kan nawl,” tiah a ti. Cun Hezekiah cu a ṭap thluahmah ko.

2 CHANRELNAK 1:8

Cun Solomon nih Pathian sinah cun, “Ka pa David cungah a fek i a nganmi dawtnak cu na langhter i amah hmun ah keimah cu siangpahrang ah na ka ser cang.

SALM 116:7

Bawipa cu ka cungah a ṭhat caah, maw ka nunnak, hnangam tein um ko.

SALM 119:17

Na sal cungah hin ṭhatnak tuah ko, cuticun ka nung lai i na cawnpiaknak kha ka zulh hna lai.

SALM 13:6

Bawipa cu ka cungah a ṭhat zungzal caah amah cu hla in ka thangṭhat lai.

SALM 15:2

A um ding cu, zeizong vialte ah Pathian nawl a zul i a hmaanmi thil a tuah zungzal i a bia biahmaan le biatak a si i

NAMBAR 12:7

Sihmanhsehlaw ka sal Moses cu, cu bantuk cun a si lo; ka inn cu a dihlak in a kut chungah ka chiah;

2 KORIN 9:11

Zeitik caan paoh ah minunsiang nan si khawh nakhnga Pathian nih cun a za in an rumter zungzal hna lai i kan sinin an hmuhmi nan laksawng ruangah khan Pathian cu mi tampi nih an lawmh lai.

2 KORIN 9:5

Cucaah hi kan unau hna hi ka hlanah nan sin i ratter i nan i kammi laksawng kha timhcia tein rak chiah cu a herh tiah ka ruah. Cun kei ka hung phak tikah timhcia te cun a rak um cang lai i hnekchommi si loin pek nan duh hrimhrim ca i nan pekmi a si kha a lang lai.