1 SIANGPAHRANG 3:2 - Lai (Hakha) Common Language Bible 2006

² Mizapi cu khuahrum bo ah khan raithawinak an tuah ko, zeicahtiah Bawipa min caah inn sakmi a um rih lo.

1 SIANGPAHRANG 3:2 ပူးပေါင်းရင်းမြစ်များ

1 SIANGPAHRANG 14:23

Zeitintiah annih zong nih khuahrum bo tehna, lungphun tehna, Asherim tehna kha tlang sang kip cung le thinghring tang kip ah an i ser i

1 SIANGPAHRANG 15:14

Sihmanhsehlaw khuahrum bo hna kha cu a hrawk hna lo. Asinain, Asa cu a nun chung vialte, Bawipa leiah a lung dihlak in aa biatak ko.

1 SIANGPAHRANG 22:43

A pa Asa lam vialte kha a zulh dih; Bawipa mithmuh i a dikmi tuah awkah a pialtak hin lo; asinain khuahrumbo hna kha a hrawk hna lo i mi nih khan khuahrumbo ah cun rai an thawi i zihmui an khangh ṭheo ko rih.

1 SIANGPAHRANG 22:44

Jehoshafat nih Israel siangpahrang he remnak zong a tuah.

1 SIANGPAHRANG 5:3

“Bawipa nih a keza tangah a chiah hna hlantiang a ral hna nih a kenkip in an dum caah, ka pa David nih Bawipa a Pathian min caah inn a sa kho lo ti kha na hngalh.

2 SIANGPAHRANG 12:4

Joash nih tlangbawi kha a thawh hna i, “Bawipa inn chungah rak putmi thil thiang man tangka vialte, ahohmanh cu zat cio na thawh awk a si tiin tuahpiakmi — cu zat cu nang na thawh awk a si ti i tuakpiak ciomi tangka — le lungtho tein Bawipa inn chungah ratpimi tangka kha,

2 CHANRELNAK 15:17

Sihmanhsehlaw khuahrum bo hna kha cu Israel ram chungin a hlo hna lo. Asinain Asa lungthin cu a chan chung vialte soisel awk um lo a si.

2 CHANRELNAK 33:17

Mi nih cun khuahrum bo hna ah khan rai cu an thawi ko rih, asinain, Bawipa an Pathian sin lawnglawng ah khan a si cang.

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

LEVITIKAS 26:30

Nan khuahrum bo cu ka hrawh hna lai i nan zihmui biakṭheng cu ka hau dih hna lai i nan ruak cu nan siasal hna ruak cungah ka hlonh hna lai i ka nunnak nih an huat hna lai.

DEUTERONOMI 12:13

Nan hmuhmi hmun men paoh ah nan khangh thawinak pekchanh lo awkah i ralring tuah u;

1 SAMUEL 9:12

Annih nih, “A um ko; zohhmanh u, nan hmaite ah khan a kal. I khulranh u; nihin ah hi khuami nih khuahrum bo ah khan raithawinak an ngeih caah khua chungah atu naite ah khan a ra.