1 SIANGPAHRANG 3:13 - Lai (Hakha) Common Language Bible 2006

¹³ Cun na ka hal lomi zong kan pek, rumnak he upatnak he, cucaah na nun chung vialte siangpahrang dang ahohmanh nih an in tluk lai lo.

1 SIANGPAHRANG 3:13 ပူးပေါင်းရင်းမြစ်များ

1 SIANGPAHRANG 10:14

Solomon sinah kum khat ah a lutmi sui a rih lei cu talen za ruk, sawm ruk le paruk a si;

1 CHANRELNAK 29:25

Cun Bawipa nih Israel mi vialte hna mithmuh ah Solomon cu upatnak ngan a pek i amah hlanah Israel mi chung i siangpahrang ahohmanh a rak pek hna lomi siangpahrang sunparnak kha amah cu a pek.

2 CHANRELNAK 9:22

Cuticun Siangpahrang Solomon nih vawlei cung siangpahrang vialte cu rumnak le fimnak ah a lonh dih hna.

NEHEMIAH 13:26

Cu bantuk nu hna ruangah cun a si lo maw Israel siangpahrang Solomon nih a sual kha? Miphun tampi hna lakah amah bantuk siangpahrang ahohmanh an um lo i amah cu Pathian nih a dawt i Israel mi vialte cungah cun siangpahrang ah a ser; sihmanhsehlaw amah hmanh cu ramdang minu hna nih an sualter ko.

PHUNGTHLÛKBIA 3:16

Nun saunak cu a orhlei kut chungah a um i a kehlei kut ah rumnak le upatnak an um.

PHUNGTHLÛKBIA 4:9

Aa dawhmi pangpar rual na lu cungah a chiah lai i nangmah cu sunparnak luchin an pek lai,” tiah a ti.

PHUNGCHIMTU 6:2

Pathian nih mi pakhatkhat cu rumnak, upatnak le thilri kha a pek, a duhmi paohpaoh kha a pek ko. Sihmanhsehlaw cu hna cu i lawmhpi awk kha a sianh fawn ṭung lo. Midang pakhat khat tu nih khan a hun i lawmhpi ko hna. Cucu pakpalawng a si i a din zong a ding lomi thil a si.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

EFESA 3:20

Kan chungah rian a ṭuantu a ṭhawnnak thawngin kan hal khawh leng le kan ruah khawh lengin thil a tuah khotu Pathian cu,