1 SIANGPAHRANG 22:8 - Lai (Hakha) Common Language Bible 2006

⁸ Cun Israel siangpahrang nih Jehoshafat cu, “Bawipa kan hal khawhnak ding mipa a dang pakhat a um rih, amah cu Imlah fapa Mikaiah a si; sihmanhsehlaw ka kong ah thil ṭha chim bal loin thil ṭhalo lawng kha a chim caah ka huat,” tiah a ti. Cun Jehoshafat nih cun, “Cuticun siangpahrang nih chim hlah seh,” tiah a ti.

1 SIANGPAHRANG 22:8 ပူးပေါင်းရင်းမြစ်များ

GENESIS 37:8

A unau pawl nih cun, “Kan cungah siangpahrang ka si lai tiin dahra naa ruah? Nangmah nih cun maw na kan uk ko hnga?” an ti i a mang kong a chimhmi hna ruangah cun an huat chinchin.

1 SIANGPAHRANG 18:4

Jezebel nih Bawipa profet hna a thah hna ah khan, Obadiah nih profet za khat a lak hna i sawm nga sawm nga in lungkua ah a thuh hna i ti le rawl in a cawm hna).

1 SIANGPAHRANG 19:10

Anih nih, “Bawipa, ralkapbu Pathian cu ka ṭanh hringhran ko, zeitintiah Israel mi hna nih na biakamnak kha an hlawt i na biakṭheng kha an chimh hna i na profet hna kha vainam in an thah hna i keimah, keimah lawnglawng hi ka tang; cun keimah zong cu thah awkah an ka kawl,” tiah a ti.

1 SIANGPAHRANG 19:14

Anih nih, “Bawipa, ralkapbu Pathian, nangmah, nangmah lawnglawng hi kan ṭanh zungzal; Israel mi tu nih cun nangmah he an biakam kha an hrawh i na biakṭheng kha an hrawh hna i na profet kha an thah hna. Keimah lawnglawng hi ka tang i keimah zong cu thah an ka zalh lengmang,” a ti.

1 SIANGPAHRANG 21:20

Ahab nih Elijah cu, “Na ka hmuh cang mu, maw ka ralpa,” tiah a ti. Cun anih nih, “Bawipa mithmuh i thil ṭhalo tuah awkah khan nangmah le nangmah cu naa zuar cang caah, kan hmuh cang.

1 SIANGPAHRANG 22:13

Cun Mikaiah kawh awk i an thlahmi lamkaltu nih khan amah sinah cun, “Zohhmanh, profet hna cu lungnge tein a ṭha lei in siangpahrang sinah an bia a si; nangmah na bia zong annih lak i pakhat i a bia bantuk si ve seh law an duhning lei in chim ve ko,” tiah a ti.

1 SIANGPAHRANG 22:18

Cun Israel siangpahrang nih Jehoshafat cu, “Keimah kongah cun ṭhatnak si loin chiatnak a chim lai, tiah kan ti ṭheo lo mei?” tiah a ti.

1 SIANGPAHRANG 22:27

cun siangpahrang nih hi bangin, ‘Hi pa hi thong ah rak thla u law rawl tlawmte le ti tlawmte lawng, daihnak in ka ra kir ṭhan hlantiang, rak pe u, a ti,’ tiah va chim hna u,” tiah a ti.

1 SIANGPAHRANG 22:7

Sihmanhsehlaw Jehoshafat nih, “Hika ah hin kan hal khawh ding Bawipa profet a dang pakhat tal an um ti lo maw?” tiah a ti.

1 SIANGPAHRANG 22:9

Cun Israel siangpahrang nih bawi pakhat kha a auh i, “Imlah fapa Mikaiah kha khulrang in ratpi tuah,” tiah a ti.

2 SIANGPAHRANG 9:22

Cun Joram nih Jehu kha a hmuh tikah, “Daihnak a si maw, Jehu?” tiah a ti. Anih nih, “Na nu Jezebel hlawhhlannak le eih hmannak liangluang hi an um rih chungah hin, zei daihnak cu dah a um kho lai?” tiah a ti.

2 CHANRELNAK 36:16

sihmanhsehlaw Bawipa thinhunnak cu a mi hna cungah a thawh i remh ṭhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.

SALM 34:21

Miṭhalo cu ṭhat lonak nih a thah hna lai, miding mi a huami hna cu dantatnak an ing lai.

PHUNGTHLÛKBIA 15:12

Miporhlaw nih cun chimhhrinnak kha a duh lo, mifim hna sinah khan ruahnak va hal awkah a kal bal lo.

PHUNGTHLÛKBIA 29:10

Thisen chuah a duhmi hna nih cun a sual lomi kha an huat, Sihmanhsehlaw miding mi nih cun a nunnak kha an humhakpiak.

PHUNGTHLÛKBIA 9:8

Miruamkai cu nun chim hlah, an huat sual lai, mifim cu nun chim law an dawt lai.

ISAIAH 3:11

Sihmanhsehlaw miṭhalo cu an lo ko cang; an tuahmi kha an cungah lehrulh a si lai.

ISAIAH 30:10

Profet pawl kha, dai tein um ko u, an ti hna. An thawh hna i, “Zeidah a ding ti kha kan chim hlah u, theih kan duhmi kha ta nan kan chimh ko. Kan i ruahning in va um ko u sih.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

JEREMIAH 36:23

Cun Jehudi nih cun cazual cu tlang thum tlang li a vun rel paoh khin siangpahrang nih cun ca tannak namte in a tan lengmang hna i mei chungah cun a paih lengmang hna, cazual cu a dihlak in a ciamh dih tiang cuticun a tuah.

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

AMOS 5:10

Ṭhat lonak tuahtu zung i a chuahpitu a hua i Biatak a chimmi a fihmi hna:

MIKAH 2:11

“A kenkip ah aa chawk i a lih le a hrokhrawl in, ‘Nan caah mitsur hang le zu cu a luan in an luang ko lai,’ tiah profet biachim in a chimmipa cu mi nih an duhmi profet cu a si.

MIKAH 2:7

Israel mi hi chiatserhnak toiah maw an um? Bawipa hi a thinhun aa sum kho ti lo maw? Cu bantuk thil cu a tuah taktak ko hnga maw? Ding tein thil a tuahmi hna sinah cun nem tein bia a chim lo maw?” an ti.

ZEKHARIAH 11:8

Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.

MATTHAI 10:22

Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai.

JOHAN 17:14

Kei cu hi vawlei ta ka si lo bantukin annih zong hi vawlei ta an si lo caah na bia kha ka chimh hna i vawlei nih cun a huat hna.

JOHAN 7:7

Nannih cu vawlei nih hin an hua kho hna lo, sihmanhsehlaw na umtu ningcang a ṭha lo tiah ka chimh lengmang caah kei cu a ka huat.

GALATI 4:16

Atu cu biatak kan chimh hna ruangah nan ral ka si cang maw?