1 SIANGPAHRANG 22:6 - Lai (Hakha) Common Language Bible 2006

⁶ Cu tikah Israel siangpahrang nih profet kha hmunkhat ah a pumh hna, mi za li tluk an si, annih cu a thawh hna i, “Ramoth-gilead cu tuk awkah ka kal hnga maw, asiloah, kaa sum ko lai dah?” tiah a ti. Cun annih nih, “Hung kal ko, zeitintiah Bawipa nih siangpahrang kut chungah a pek lai,” an ti.

1 SIANGPAHRANG 22:6 ပူးပေါင်းရင်းမြစ်များ

1 SIANGPAHRANG 12:9

Annih cu a thawh hna i, “ ‘Na pa nih kan cungah a kan khinhmi seihnam rit hi zanter tuah,’ tiah a ka timi hna hi zeitindah ka leh hna lai, zei ruahnak dah nan ka cheuh lai,” tiah a ti.

1 SIANGPAHRANG 18:19

Cucaah mi thlah hna law Israel mi vialte le Baal profet za li le sawm nga hna kha le Asherah profet za li Jezebel cabuai i rawl a eimi hna kha Karmel Tlang ah pum hna,” tiah a ti.

1 SIANGPAHRANG 18:20

Cucaah Ahab nih Israel mi vialte cu bia a cah hna i profet hna cu hmunkhat ah Karmel Tlang ah a pumh hna.

1 SIANGPAHRANG 22:10

Cun Israel siangpahrang le Judah siangpahrang Jehoshafat cu Samaria hauka luhnak i phuhri ah khan, an bawi ṭhutdan cungah an ṭhu i an puan in an i thuam; cun profet vialte hna cu an hmaiah an rak chim dulmal ko.

1 SIANGPAHRANG 22:15

Cun siangpahrang sinah a phak tikah, siangpahrang nih cun a rak thawh i, “Mikaiah, Ramoth-gilead cu hung tuk awkah kan kal lai maw, kan i sum lai dah?” tiah a ti. Cun anih nih a thawh i, “Hung kal u law hung tei hen u; Bawipa nih siangpahrang kut chungah a pek ko lai,” tiah a leh.

1 SIANGPAHRANG 22:5

Cun Jehoshafat nih Israel siangpahrang cu, “Bawipa bia cu dothlat hmasa rih tuah hen,” tiah a ti.

2 SIANGPAHRANG 10:19

Cucaah Baal profet vialte le a biatu vialte le a tlangbawi vialte hna kha ka sinah ko hna u; pakhat hmanh bau hna hlah seh, zeitintiah Baal sin i pekchanh awk raithawinak nganpi pakhat ka ngei; a baumi paoh cu an nung lai lo,” tiah a ti. Sihmanhsehlaw Jehu nih hlennak in a tuahmi a si, Baal a biami hna hrawhnak caah khan.

2 SIANGPAHRANG 3:13

Cun Elisha nih khan Israel siangpahrang cu, “Nangmah he kan i tlaknak zeidah a um? Na pa profet hna le na nu profet hna sinah khan va kal ko,” tiah a ti. Sihmanhsehlaw Israel siangpahrang nih amah cu a thawh i, “Asilo; Moab kut chung i pek awkah hi siangpahrang pathum hna a autu hna hi Bawipa a si ko,” tiah a ti.

2 CHANRELNAK 18:14

Cun siangpahrang sinah a phak tikah, siangpahrang nih cun a rak thawh i, “Mikaiah, Ramoth-gilead cu hung tuk awkah kan kal lai maw, kan i sum lai dah?” tiah a ti. Cun anih nih a thawh i, “Hung kal u law hung tei hen u, annih cu nangmah kut chungah pek an si ko lai,” tiah a leh.

ISAIAH 36:10

Nan ram ka ra doh i ka ra hrawh hi Bawipa bawmhnak tel loin a si tiin dahra nan ruah? Bawipa hrimhrim nih pei nan ram doh le hrawh hi a ka fial cu,” a ti.

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

EZEKIEL 13:22

Miding mi cu an cungah ṭhat lonak tuah ka tim lo nain an lung nan donghter hna i cu bantuk ṭhiamṭhiam in miṭhalo mi hna cu an lam ṭhalo kha hlawt i khamh an si nakhnga tu si loin thazang nan pek lehlam hna;

MATTHAI 7:15

“Nal profet kha i ralring hna u, nan sin an rat ah cun tuu bantukin an i umter, sihmanhsehlaw an chunglei cu cenghngia hrang an si.

2TIMOTE 4:3

Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.