1 SIANGPAHRANG 22:44 - Lai (Hakha) Common Language Bible 2006

⁴⁴ Jehoshafat nih Israel siangpahrang he remnak zong a tuah.

1 SIANGPAHRANG 22:44 ပူးပေါင်းရင်းမြစ်များ

1 SIANGPAHRANG 22:2

Sihmanhsehlaw a kum thumnak ah khan, Judah siangpahrang Jehoshafat cu Israel siangpahrang sinah khan a rung.

1 SIANGPAHRANG 3:2

Mizapi cu khuahrum bo ah khan raithawinak an tuah ko, zeicahtiah Bawipa min caah inn sakmi a um rih lo.

1 SIANGPAHRANG 3:3

Solomon nih Bawipa kha a dawt ko, a pa David nawlbia kha a zulh ko hna; amah belte, khuahrum bo ah khan rai a thawi i zihmui a khangh.

2 SIANGPAHRANG 8:16

Israel siangpahrang Ahab fapa Joram a bawi kum nganak ah khan Judah siangpahrang Jehoshafat fapa Jehoram cu pen hram aa thawk.

2 SIANGPAHRANG 8:18

Ahab innchungkhar nih an tuah bantuk khan, Israel siangpahrang hna lam kha a zul ve, zeitintiah a nupi cu Ahab fanu kha a si. Cun Bawipa mithmuh i thil ṭhalo kha a tuah.

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.

2 CHANRELNAK 21:6

Cun Ahab innchungkhar nih an tuah bantuk khan, Israel siangpahrang hna lam kha a zul; zeitintiah a nupi cu Ahab fanu a si. Cun Bawipa mithmuh i thil ṭhalo kha a tuah.

ISAIAH 65:7

an pupa sualnak ruangah khan teirul ka cham hna lai. Lawkih hmunthiang ah khan zihmui an khangh i ka min kha an ka thangchiat. Cucaah hmuh awkah an i tlak bantukin dan ka tat hna lai.”

2 KORIN 6:14

A zum lomi hna he i fon cetcut tuk in rian ṭuan ṭi hlah u; cucu a si kho lomi thil a si. Zeitindah a dingmi thil le a ding lomi thil cu hawikom an si khawh lai? Zeitindah ceunak le muihnak cu hmunkhat ah an um ṭi khawh lai?