1 SIANGPAHRANG 22:4 - Lai (Hakha) Common Language Bible 2006

⁴ Cun Jehoshafat cu a thawh i, “Ramoth-gilead i vaa tuk awkah na ka kalpi hnga maw?” tiah a ti. Cun Jehoshafat nih Israel siangpahrang cu a thawh i, “Kei le nang cu mi khat kan si ko, ka mi cu na mi an si ve ko i ka rang cu na rang an si ve ko,” tiah a ti.

1 SIANGPAHRANG 22:4 ပူးပေါင်းရင်းမြစ်များ

1 SIANGPAHRANG 22:29

Cucaah Israel siangpahrang le Judah siangpahrang Jehoshafat cu Ramoth-gilead ah khan an hung kal.

1 SIANGPAHRANG 22:5

Cun Jehoshafat nih Israel siangpahrang cu, “Bawipa bia cu dothlat hmasa rih tuah hen,” tiah a ti.

1 SIANGPAHRANG 4:13

Ramoth-gilead ah Bengeber (amah nih Manasseh fapa Jair i a khua hna, Gilead i a ummi hna kha a ngeih hna i cun Bashan i a ummi Argob peng khua ngan sawm ruk vampang le dar kothrolh a ngeimi hna a ngeih hna);

2 SIANGPAHRANG 3:7

Cun a kal i Judah siangpahrang Jehoshafat kha bia a cah i, “Moab siangpahrang nih a ka doh; Moab doh awkah ral tuknak hmun ah na ka kalpi lai maw?” tiah a ti. Cun anih nih, “Kan kalpi lai; keimah le nangmah cu pum khat kan si, ka mi cu na mi an si ve ko i ka rangtum hna cu na rangtum an si ve ko,” tiah a ti.

2 CHANRELNAK 18:3

Israel siangpahrang Ahab nih cun Judah siangpahrang Jehoshafat cu a thawh i, “Ramoth-gilead ah na hun ka kalpi hnga maw?” tiah a ti. “Kei le nang hi mi khat kan si ko, ka mi cu na mi an si ve ko. Raldohnak ah cun na sinah kan si lai,” tiah amah cu a leh.

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.

PHUNGTHLÛKBIA 13:20

Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

1 KORIN 15:33

Ahohmanh i hlenter hna hlah u. “Hawi ṭhalo nih ziaza ṭha a hrawh,” ti pei a si kha.

EFESA 5:11

Santlai lomi thil, khuamui thil, mi nih an tuah tawnmi kha tuah ve hna hlah u.

2 JOHAN 1:11

Zeicahtiah cu bantukin a cungah daihnak um seh, ti a duhpiaktu kha a thil ṭhalo tuahmi ah khan aa tel vemi ah a cang.

BIAPHUAN 2:26

Teitu a simi hna le tuah hna seh ti ka duhmi a dongh tiangin a tuahmi hna cu, ka Pa sinin ka hmuhmi nawl ngeihnak kha annih zong ka pek ve hna lai. Miphun dang uknak nawl kha ka pek hna lai i annih cu thirfung in uknak nawl le tlak-um bangin khuainak nawl kha ka pek hna lai. Cun deirel arfi zong kha ka pek hna lai.