1 SIANGPAHRANG 21:4 - Lai (Hakha) Common Language Bible 2006

⁴ Cun Naboth nih Ahab cu, “Ka pupa hna ro cu kan pe lai lo,” tiah a sin i a timi bia ruangah khan, Ahab cu thinhung le hmaichia in a inn chungah a lut. Cun a ihkhun ah a it i khattelei kha a hoi i rawl ei kha a duh lo.

1 SIANGPAHRANG 21:4 ပူးပေါင်းရင်းမြစ်များ

2 SAMUEL 13:2

Cun Amnon cu a farnu Tamar ruangah cun a lungre a thei ngai i cucaah amah le amah aa zawtter; zeitintiah amah cu ngaknu thiang a si ṭung i zei thil hmanh hei tuah khi Amnon caah a si kho lo ding khi a lo.

2 SAMUEL 13:4

Cun anih nih amah cu a thawh i, “Maw siangpahrang fapa, zeicahdah zing khat hnu zing khat na hmai lawng a chiat ko? Na ka chim lai lo maw?” tiah a ti. Anih nih, amah cu, “Ka unau Absalom far Tamar khi ka duh,” tiah a ti.

1 SIANGPAHRANG 20:43

Cun Israel siangpahrang cu thinhung le hmaichia in a inn ah a kal i Samaria khua kha a phan.

1 SIANGPAHRANG 21:1

Jezreel mi Naboth nih Jezreel khua ah, Samaria siangpahrang Ahab inn pawngah mitsur dum pakhat a ngei.

1 SIANGPAHRANG 21:3

Sihmanhsehlaw Naboth nih Ahab cu, “Ka pupa hna ro na sin i kan pek hnga cu Bawipa nih ka kham ko seh,” tiah a ti.

1 SIANGPAHRANG 21:5

Sihmanhsehlaw a nupi Jezebel kha a sinah a ra i, “Zeicahdah cuticun na thlarau cu a thin a hun i rawl na ei duh lo?” tiah a ti.

ESTHER 5:13

Sihmanhsehlaw siangpahrang kutka i Judah mi Mordekai a ṭhut ka hmuh chung cu hi vialte zong nih hin zeihmanh an ka ṭhathnem hlei lo,” tiah a ti fawn.

JOB 5:2

Asi taktak ko, thinhunnak nih mihrut kha a thah hna i Nahchuahnak nih lungthin tlawmmi kha a nawn hna.

PHUNGCHIMTU 6:9

Pakpalawng a si ko, thlitu dawi bantuk ṭhiamṭhiam a si ko. Ngeihmi cungah lungawi tein um hi ngeih chin lengmang duhnak nakin a ṭha deuh.

JONAH 4:1

Hi kongah hin Jonah cu a lung a si hrimhrim lo i a thin a hung.

JONAH 4:4

Cun Bawipa nih cun a leh i, “Cu ti tluk i thinhun awk cu na si hnga maw?” tiah a ti.

JONAH 4:8

Cun ni a hung chuah tikah nichuahlei thli lin kha Pathian nih a hranter i Jonah cu ni nih a lukheng in a vun emh caah a thi dengmang. Cucaah thihnak caah khan thla a cam i, “Ka caah hin nun nakin thih a ṭha deuh,” a ti.

JONAH 4:9

Sihmanhsehlaw Pathian nih a thawh i, “Umruang kong ah khan cu ti lawmmam cun maw na thin a hun ko?” tiah a ti. Cun anih nih, “Ka thin a hun tuk ah pei ka thih deng leh hi,” tiah a leh.

EFESA 4:27

Khuachia cu caan ṭha pe hlah.

JEIM 1:14

Sihmanhsehlaw mi nih tukforhnak kan in cu, kan duhnak a ṭha lomi nih khan a kan pialpi i rap ah a kan foih caah a si tawn.

1 SAMUEL 28:23

Sihmanhsehlaw a al i, “Ka ei lai lo,” tiah a ti. Sihmanhsehlaw a sinum hna nih khan, minu he cun, an hnek peng i an bia kha a ngaih hna. Cucaah vawlei khan a tho i ihkhun cungah a ṭhu.