1 SIANGPAHRANG 21:3 - Lai (Hakha) Common Language Bible 2006

³ Sihmanhsehlaw Naboth nih Ahab cu, “Ka pupa hna ro na sin i kan pek hnga cu Bawipa nih ka kham ko seh,” tiah a ti.

1 SIANGPAHRANG 21:3 ပူးပေါင်းရင်းမြစ်များ

GENESIS 44:17

Josef nih cun, “Si hlah, si hlah, cuticun kan ti hna hnga lo. Ka hrai an hmuhnak pa lawng kha ka sal a si ko lai. A dang cu nan pa sinah himte le dam tein nan kal ko lai,” a ti.

GENESIS 44:7

Annih nih, “Hi bantukin bia na chim tikah zeidah na chim duhmi a si, bawipa? Cu bantuk thil tuah ding cu a ruah in kan ruah balmi a si lo.

1 CHANRELNAK 11:19

“Hi mi hna nunnak thi hi ka din ko hnga maw? Zeitintiah annih nih thih le thih ti in an rak putmi a si,” tiah a ti. Cucaah cun din cu a duh lo. Mah thil hna cu miṭhawng pathum hna nih khan an tuah.

JOB 27:5

Nangmah cu na dik, tiah kan tinak ding kha, Pathian nih ka kham ko seh; Ka thih tiangin, ka sual lo, ka tinak kha ka ngol bal lai lo.

EZEKIEL 46:18

Uktu bawi nih khan mi nih an ngeihmi thilri kha a lakpiak hna lai lo; a fapale kha ro pek a duh hna tikah amah nih a ngeihmi vawlei khan a cheuh hna lai i cuticun ka mi hna cu an ro sin khan an i ṭhen lai lo i an i ṭhek lai lo.

LEVITIKAS 25:23

Ram cu zungzal ca cun nan zuar lai lo, zeitintiah ram cu keimah ta a si; zeitintiah nannih cu keimah sin i mipem le khual nan si.

NAMBAR 36:7

Israel mi an ro cu hrin khat in hrin dang ah ṭhial si hlah seh, zeitintiah Israel mi vialte nih an pupa phun ro cio kha an i tlaih lai.

NAMBAR 36:9

Cucaah hrin khat in hrin dang ah ro zeihmanh ṭhial a si lai lo, zeitintiah Israel miphun vialte nih anmah le an ro cio kha an i tlaih lai,’ ” tiah a ti.

ROM 3:31

Cu ti kan ti tikah cun Nawlbia kha zumhnak in kan hlawt tinak a si maw? Si hrimhrim hlah, Nawlbia cu kan dirhṭhoh lehlam a si.

ROM 3:4

Si hrimhrim hlah. Minung hi kan dihlak in lihchim si hmanh u sih law Pathian cu zumh awk tlak a si ṭhiamṭhiam ko. Cathiang nih, “Bia na chim tikah na chimmi cu ahmaan ti kha a lang lai i tazacuai na si tikah na bia cu na tei lai,” tiah a ti bang khan a si.

ROM 3:6

Si hrimhrim hlah. Pathian cu a din lo ahcun, zeitindah vawlei cu bia a ceih khawh lai?

ROM 6:15

A si kun ahcun zeitin? Nawlbia tangah um ti loin Pathian vel tangah kan um cang caah kan sual awk a si lai maw? Si hrimhrim hlah.

ROM 6:2

Tuah naisai hlah. Sualnak ah cun kan thi cang, zeitindah cu chungah cun kan um peng khawh lai?

ROM 7:13

Cuti ti tikah cun a ṭhami nih ka thihnak a tlunter ti a si hnga maw? Si hlah. Thihnak a tluntertu cu sualnak a si. Sualnak nih cun, sualnak a sining taktak kha a langh nakhnga ṭhatnak kha i hman riangmang in ka cungah thihnak kha a tlunter. Cucaah nawlbia thawng khan sualnak a sual zia cu a lang chinchin.

ROM 7:7

A si ah zeitindah kan ti lai? Nawlbia cu a sual hnga maw? Sual hlah. Sihmanhsehlaw sualnak cu sual a si kha a kan hngalhtertu cu Nawlbia cu a si. Nawlbia nih, “Mi thil na mit va thi hlah,” tiah ti hlah seh law, mi thil mitthit cu zeidah a si ti kha ka hngal hnga lo.

1 KORIN 6:15

Nan pum cu Khrih pum a ṭengnge a si kha nan hngalh. Khrih pum a ṭengnge cu i lak riangmang in hlawhhlangnu pum a ṭengnge ah cun ka ser hnga maw? Naisai hlah!

GALATI 6:14

Kei tu cu Bawipa Jesuh Khrih vailam lawng hi kaa porhlawtpi ko lai, zeicahtiah Khrih vailam thawng hin vawlei hi ka caah a thimi thil a si cang i kei zong hi vawlei caah cun a thimi ka si ve.

JOSHUA 22:29

Bawipa kan Pathian biakṭheng a puan biakinn hmai i a dirmi hlei in, khangh thawinak le chang thawinak le raithawinak caah biakṭheng dang sernak thawng in Bawipa lam in nihin ah pial le Bawipa doh cu kan ruat naisai lo!” tiah an ti.

JOSHUA 24:16

Cun mizapi nih cun an leh i, “Bawipa kha pathian dang biaktak awkah kan hlaw naisai lai lo!

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.

1 SAMUEL 24:6

A mi hna sinah khan, “Amah cu Bawipa chiti thuhmi kha a si caah, amah cung i ka kut samh awkin, Bawipa chiti thuhmi ka bawipa cungah hi thil ka tuahmi hi Bawipa nih ka thlauh ko seh,” tiah a ti.