1 SIANGPAHRANG 20:4 - Lai (Hakha) Common Language Bible 2006

⁴ Cun Israel siangpahrang nih cun a leh i, “Na chim bangin, ka bawipa, maw siangpahrang, keimah le ka ngeihmi vialte cu nangmah ta kan si ko,” tiah a ti.

1 SIANGPAHRANG 20:4 ပူးပေါင်းရင်းမြစ်များ

1 SIANGPAHRANG 2:38

Cun Shimei nih siangpahrang sinah cun, “Na chimmi cu a ṭha; siangpahrang ka bawipa nih a chim bangin, cu bantukin na salpa nih ka tuah lai,” tiah a ti. Cucaah Shimei cu Jerusalem ah saupi a um.

1 SIANGPAHRANG 20:3

‘Na ngun le na sui cu keimah ta an si; na nupi aa dawh bik hna le na fale hna zong keimah ta an si,’ a ti, tiah va chim u,” tiah a ti hna.

1 SIANGPAHRANG 20:5

Lamkal hna kha an ra ṭhan i, “Hi bangin Benhadad nih: ‘Na sinah mi ka rak thlah hna i, “Na ngun le na sui cu ka pe hna, na nupi hna le na fale hna zong,” ka ti;

2 SIANGPAHRANG 10:5

Cucaah siangpahrang inn a zohkhenhtu le khua a zohkhenhtu hna nih khan upa hna le ngakchia zohkhenhtu hna he tiah Jehu cu bia an cah i, “Kannih cu na sal kan si ko, na kan fialmi paoh cu kan tuah lai. Ahohmanh siangpahrang ah kan ser hna lai lo; nangmah mit ah a ṭha na timi paoh kan cungah tuah ko,” tiah an ti.

LEVITIKAS 26:36

Nannih lak i a tangmi hna tu cu, an ral hna ram chungah an lung chungah lungdernak ka umter lai; hnahchawl aa hninmi thawng nih a zamter hna lai i vainam lak i zam bantukin an zam lai i ahohmanh i dawi lo ah an thi lai.

DEUTERONOMI 28:48

cucaah Bawipa nih an thlahhnawhmi hna nan ral hna cu rawlṭam tihal, puan lo le zeizong vialte herhbau cukmak in nan rianh hna lai i, an hrawh hna hlantiang thir hngawngkual nan hngawng ah an banh hna lai.

1 SAMUEL 11:10

Cucaah Jabesh mi hna nih cun, “Thaizing ah nan sinah kanmah tein kan hun i pe lai, nannih nih a ṭha nan tining paoh in kan cungah nan tuah ko lai,” tiah an ti.