1 SIANGPAHRANG 20:1 - Lai (Hakha) Common Language Bible 2006

¹ Siria siangpahrang Benhadad nih a ralkap vialte kha a pumh hna; siangpahrang sawm thum le pahnih kha a sinah an ṭang, rang le rangleng hna he; cun a hung kal i Samaria kha a kulh i a doh.

1 SIANGPAHRANG 20:1 ပူးပေါင်းရင်းမြစ်များ

1 SIANGPAHRANG 15:18

Cun Asa nih Bawipa inn chung le siangpahrang inn chung i a tangmi ro ngun, le sui vialte kha a lak hna i a sal hna kut chungah khan a pek hna; cun Siangpahrang Asa nih cun Hezion fapa Tabrimmon i fapa Benhadad, Siria siangpahrang, Damaskas khua i a ummi sinah khan mi a thlah hna i,

1 SIANGPAHRANG 15:20

Cun Benhadad nih Siangpahrang Asa kha a bia a ngaih i a ralkapbu haotu hna kha Israel mi khua doh awkah a thlah hna i Ijon, Dan, Abel-beth-maakah le Khinneroth vialte kha, Naftali ram vialte he an tei dih.

1 SIANGPAHRANG 16:24

Shemer sinin Samaria tlang cu ngun talen pahnih in a cawk; tlang ah cun ralhau a sak i a sermi khua cu tlang a rak ngeitu Shemer min chuankhan in Samaria a ti.

1 SIANGPAHRANG 20:16

Cun Benhadad le a bawmtu siangpahrang sawm thum le pahnih hna cu ri koin thlam chungah zu an din lio chun ah khin, annih cu an va kal.

1 SIANGPAHRANG 20:2

Cun khua chungah cun Israel siangpahrang Ahab sinah khan lamkal a vun thlah hna i, “Hi bangin Benhadad nih:

1 SIANGPAHRANG 20:24

Cucaah mah hi tuah tuah: siangpahrang kha anmah le an rian cio khan ṭhial hna law an hmun ah khan ralbawi chia hna;

1 SIANGPAHRANG 22:31

Cun Siria siangpahrang nih cun a rangleng ralbawi sawm thum le pahnih hna cu, “Israel siangpahrang dah ti lo cu, ahohmanh a hme siseh, a ngan siseh, tu hna hlah u,” tiah nawl a pek hna.

2 SIANGPAHRANG 6:8

Voi khat cu Siria siangpahrang nih Israel mi a doh hna ah khan, a sinum hna he cun khua an khang i, “Cu hmun, kha hmun ah khan ka riahhmun cu a si lai,” tiah a ti.

2 SIANGPAHRANG 8:5

Cun anih nih, zeitindah Elisha nih a thimi a nunter ṭhannak kong kha a chimh lioah khan, zohhmanh, a fapa a nunter ṭhan minu nih khan a inn le a lo kong ah siangpahrang cu a nawl. Cun Gehazi nih a thawh i, “Maw siangpahrang, ka bawipa, minu kha mah hihi a si i a fapa Elisha nih a nunter ṭhanmi kha mah hihi a si,” tiah a ti.

EZRA 7:12

“Siangpahrang hna siangpahrang Artazaksis nih vancung Pathian phungbia cazi, tlangbawi Ezra sinah:

EXODUS 14:7

Rangleng lak i a ṭha bikbik za ruk kha aa kalpi hna i rangleng dang zong an kal ve, cu rangleng chungah cun bawi kha an um dih cio.

ISAIAH 10:8

Aa thawh i, “Ka ralbawi cu an dihlak in siangpahrang an si.

ISAIAH 37:24

Tlang sang bikbik cu ka rangleng in ka tei hna, Lebanon tlang parpahlek hmanh ka tei, tiin keimah kha tluangkhawnhnawh awkah na sal cu na thlah hna. Cuka ah cun sidar thing a sang bik cem hna le saipres thing a ṭha bikbik hna kha ka hau hna i tupi a deng tiang ka phan tiah tluang na khawng.

JEREMIAH 49:27

Cun Damaskas kulhnak vampang cu mei in ka duah lai i Benhadad siangpahrang inn hna cu a kangh dih hna lai.

EZEKIEL 26:7

Bawipa Pathian bia cu hihi a si: Tair dohtu dingah hin chaklei in Babilon siangpahrang Nebukhadnezzar, siangpahrang hna siangpahrang chin kha ka ratpi lai. Rangtum hna le rangleng hna le rangcung ralkap hna le ralkapbu nganpi he a ra lai.

DANIEL 2:37

Maw siangpahrang, nangmah cu siangpahrang hna siangpahrang na si i vancung Pathian nih siangpahrang ah cun an canter i ṭhawnnak le nawlngeihnak le sunparnak an pek cang;

LEVITIKAS 26:25

Cun nannih cungah vainam ka tlunter lai i biakamnak caah khan phuhlamnak a tuah lai; nan khua chungah nan i pumh ahcun nan lakah rai ka tlunter lai i nan ral hna kut ah khan nanmah cu pek nan si lai.

AMOS 1:4

Cucaah Hazael inn chungah cun mei ka thlah lai i Cu mei nih cun Benhadad inn ṭhaṭha vialte cu a kangh dih hna lai.

DEUTERONOMI 20:1

“Nannih nih nan ral hna doh awkah nan kal i, rang hna le rangleng hna le nanmah i nakin a ngan deuhmi ralkapbu nan hmuh tikah, nan ṭih hna lai lo; zeitintiah Izipt ram in an chuahpitu hna Bawipa nan Pathian kha nan sinah a um.

DEUTERONOMI 28:52

Nan ram chung dihlak i nan i bochanmi a sang le a fekmi ralhau an chimh dih tiangin, nan khua kip ah an in hren hna lai; Bawipa nan Pathian nih an pekmi hna nan ram chung dihlak ah nan khua kip ah an in hren hna lai.

BIACEIHTU 1:7

Cun Adonibezek nih cun, “An siapi hna le an kepi hna tan a simi siangpahrang sawm sarih nih ka cabuai toiah rawl ṭiltlawt an char tawn; ka rak tuah bangin Pathian nih a ka rulh ve cang,” tiah a ti. Jerusalem ah an ratpi i khika ah a thi.

BIACEIHTU 4:3

Khi tikah Israel mi nih Bawipa cu bawmhnak hal in an auh; zeitintiah Jabin nih thir rangleng za kua a ngei i Israel mi cu kum kul chung fak piin a hrem hna.

1 SAMUEL 13:5

Cun Filistin mi cu Israel mi kha doh awkah an i pum, rangleng sang thum, rangcung ralkap thong ruk le ke ralkap an tam ning cu rilikam thetse zat; cun an hung kai i Mikmash ah an riak, Beth-aven nichuahlei ah khan.