1 SIANGPAHRANG 2:7 - Lai (Hakha) Common Language Bible 2006

⁷ Sihmanhsehlaw Gilead mi Barzillai fapa hna kha cu zumhawktlak tein na ti hna lai i na cabuai i rawl a eimi lakah na umter hna lai; zeitintiah na unau Absalom sinin ka rak zam lioah khan annih nih cu bantuk zumhawktlak sinak he an rak ka don.

1 SIANGPAHRANG 2:7 ပူးပေါင်းရင်းမြစ်များ

GENESIS 40:14

Cu bantukin na caah thil kalning a tluan tikah ka philh hlah law ka kong kha Faro sinah chimpiak va ka philh hlah. Hi thong chung hin ka luatter ve te.

2 SAMUEL 19:28

Zeitintiah ka innchungkhar vialte cu siangpahrang ka bawipa hmaiah cun thah awk i khilmi men pei an hei si ko cu; asinain nangmah nih na salpa cu na cabuai i rawl a eimi hna lakah na ka chiah. Cucaah siangpahrang sinin thil dang a hal ngam ding ka si ti hnga maw?” tiah a ti.

2 SAMUEL 9:10

Cun nangmah le na fapa hna le na sinum hna nih amah vawlei cu nan thlawhpiak lai i na bawipa fapa hi cu ka cabuai ah rawl a ei zungzal lai,” tiah a ti. Ziba cu fapa hleinga le sinum pakul a ngei.

2 SAMUEL 9:7

Cun David nih amah cu, “Na thinphang hlah; na pa Jonathan ruangah na cungah zaangfahnak kan hmuhsak lai i na pu Saul ram vialte kha kan khirh ṭhan lai; cun ka cabuai ah rawl na ei zungzal lai,” tiah a ti.

2 SIANGPAHRANG 25:29

Cucaah Jehoiachin nih khan a thongtla puan cu aa phoih. Cun a chan chung vialte siangpahrang cabuai ah cun rawl a ei lengmang ve;

2 SIANGPAHRANG 25:30

cun aa cawmnak cu siangpahrang nih khan, nifate in a nun chung paohpaoh, a rin zungzal.

EZRA 2:61

Tlangbawi tefa hna chung zong in: Habaiah tefa hna, Hakkoz tefa hna le Barzillai tefa hna kha an si. Barzillai hi Gilead ram mi a si i a fanu a ṭhitu i a tefa hna cu Barzillai phun in kawh an si.

PHUNGTHLÛKBIA 27:10

Na hawikom siseh, na pa hawikom siseh, hlaw hna hlah; na vanchiat ni ah na unaupa kha bawmh hal hlah, lam hlat i a ummi unau nakin lamnai i a ummi innpa nih an bawmh khawh deuh lai.

JEREMIAH 52:33

Cucaah Jehoiachin nih a thongtla puan kha aa phoih i a chan chung vialte siangpahrang cabuai ah cun ni fate rawl a ei lengmang.

LUKA 12:37

An bawipa nih inn a phak tikah i hlau le ralring tein a rak ummi a sal hna caah cun lunglawmh awk a va si dah! Hihi kan chimh hna: a taisawm kha aa sawmh lai i a ṭhutter hna lai i a bultawl hna lai.