1 SIANGPAHRANG 2:6 - Lai (Hakha) Common Language Bible 2006

⁶ Cucaah na fimnak bantukin tuah ko, sihmanhsehlaw dai tein a lu par cu Sheol ah run kalter hlah.

1 SIANGPAHRANG 2:6 ပူးပေါင်းရင်းမြစ်များ

GENESIS 42:38

Asinain Jakob nih, “Ka fapa nih cun an zul kho hna lo; a u a thi cang, amah lawng a tang. Lampi ah a thi sual hnga. Ka cung i nan tlunter sual ding ngaihchiatnak hi ka ing kho lai lo; ka tar tuk cang, a ka thah sual lai,” a ti.

GENESIS 9:5

Pakhatkhat nih an in thah hna ahcun, thihnak in dan ka tat hna lai. Nanmah an thattu hna saram cu ka thah hna lai i ahohmanh a minung hawi a thatmi cu dan ka tat hna lai.

GENESIS 9:6

Minung cu Pathian mui keng in sermi a si caah, minung a thatmi cu, a minung hawi nih an thah ve lai.

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

1 SIANGPAHRANG 2:7

Sihmanhsehlaw Gilead mi Barzillai fapa hna kha cu zumhawktlak tein na ti hna lai i na cabuai i rawl a eimi lakah na umter hna lai; zeitintiah na unau Absalom sinin ka rak zam lioah khan annih nih cu bantuk zumhawktlak sinak he an rak ka don.

1 SIANGPAHRANG 2:9

Cucaah amah cu sual koplo ah rel hlah, zeitintiah nangmah cu a fim mi na si; nangmah nih zeidah a cung i na tuah awk a si kha na hngalh i thlan ah a lu par cu thisen he na kalpi lai,” tiah a ti.

1 SIANGPAHRANG 3:12

zohhmanh, na bia bangin ka tuah lai. Zohhmanh, a fim le thil a thleidang khomi lungthin kan pek, cucaah nangmah bantuk ahohmanh an rak um bal lo i nangmah bantuk hi a chuah zong an chuak bal ti fawn lai lo.

2 SIANGPAHRANG 22:20

Cucaah zohhmanh, nang cu na pupa hna sinah kan pumh lai i dai tein thlankhor na phan lai, cun hi hmun cung i ṭhat lonak ka tlunter laimi hi na mit nih a hmu lai lo,’ a ti, tiah chim hna, a ka ti,” tiah a ti. Cun siangpahrang sinah cun bia cu an hei lanhpi.

SALM 37:37

Miṭha khi zohhmanh u, miding khi zohhmanh u; daihnak mi cu tefa an ngei;

PHUNGTHLÛKBIA 20:26

Siangpahrang fim nih cun miṭhalo kha a hngalh hna i zaangfahnak ngei loin dan a tat hna.

PHUNGTHLÛKBIA 28:17

Mi thisen a chuahtu cu tlaihnak luatnak caah tikhor chung hmanh ah khan a zuang lai.

PHUNGCHIMTU 8:11

Zeicahdah mi nih ṭhat lonak kha an tuah lengmang? Ṭhat lonak an tuahmi caah khan khulrang in dantatnak an in lo caah a si.

ISAIAH 48:22

Bawipa nih, “Misual mi hna caah cun himnak a um lo,” a ti.

ISAIAH 57:2

Nuncan ṭha in a nungmi nih cun thihnak ah khan daihnak le dinhnak an hmuh.

ISAIAH 57:21

Misual mi caah cun himnak a um lo,” tiah Bawipa nih a ti.

ISAIAH 65:20

Ngakchia kha an no lioah an thi ti lai lo i ahopaoh tar tlung in an nung cio lai. Kum za khat a simi kha mino ah rel an si lai. Cu hlan i thih cu dantatnak hmelchunhnak a si lai.

NAMBAR 35:33

Cu bantukin nan umnak ram cu nan thurhhnawmh lai lo, zeitintiah thi nih ram cu a thurhnawmter i cu thi a chuahtertu thi lila dah ti lo nih cun, cu ram chung thletmi thi caah tlenghnak a tuah khotu zeihmanh a um lo.