1 SIANGPAHRANG 2:5 - Lai (Hakha) Common Language Bible 2006

⁵ “Cuhleiah Zeruiah fapa Joab nih zeidah ka cungah a tuah kha na hngalh fawn: amah nih Israel mi ralkapbu haotu pahnih, Ner fapa Abner le Jether fapa Amasa a nawnmi hna cung i a tuahmi kha; ral lio i rak chuahmi thisen kha daihnak caan ah phu lei a cham hna i ka tai i taisawm le ka ke i kedan ah a sual lomi thisen kha a neh hna.

1 SIANGPAHRANG 2:5 ပူးပေါင်းရင်းမြစ်များ

2 SAMUEL 17:25

Cun Absalom nih Joab hmun ah khan Amasa kha ralkapbu haotu ah a chiah. Amasa cu Ishmael mi a min Ithra a simi fapa a si; Ithra nih cun Abigail kha a ṭhit; Abigail cu Joab nu Zeruiah i a unau Nahash fanu kha a si.

2 SAMUEL 18:12

Sihmanhsehlaw mipa nih cun Joab kha a thawh i, “Tangka thong khat hmanh ka kut ah humh si ning law, siangpahrang fapa cungah cun ka kut ka samh bal hnga lo; zeitintiah ka theih hngan ah pei siangpahrang nih nangmah le Abishai le Ittai kha, ‘Tlangvalpa Absalom cu keimah ruangah va huppheng tuah u,’ an ti hna kha.

2 SAMUEL 18:14

Joab nih, “Nangmah he hi bantukin caan cu pakpalawng ah ka hmang lai lo,” tiah a ti. Cun a kut in cantiang pathum aa put i kuhthing kung i a nung in a rak um komi Absalom lung ah khan a hei hlinh hna.

2 SAMUEL 18:5

Cun siangpahrang nih Joab le Abishai le Ittai cu, “Keimah ruangah tlangvalpa Absalom cu nem tein va ti u,” tiin nawl a pek hna. Cun siangpahrang nih Absalom kong i nawl a pekmi hna kha, ralbawi vialte nih an rak theih ve.

2 SAMUEL 2:13

Cun Zeruiah fapa Joab le David sinum hna cu an chuak i Gibeon tili ah khan an va ton hna; tili khatlei kamah phu khat an ṭhu i tili khattelei kamah phu dang an ṭhu.

2 SAMUEL 2:18

Cun khika ah Zeruiah fapa pathum, Joab, Abishai le Asahel hna kha an um ve. Asahel cu ramlak sazuk bangin a mumi a si;

2 SAMUEL 20:10

Sihmanhsehlaw Amasa nih Joab kut i nam kha a ngia lo; cucaah Joab nih nam cun a pum ah a sawh i voi hnih nolh ṭhan ti loin a ril cu vawlei ah a tla i a thi. Cun Joab le a nau Abishai nih khan Bikhri fapa Sheba kha an dawi.

2 SAMUEL 3:27

Cun Abner kha Hebron i a ra kir tikah Joab nih a thli in biaruah awkah hauka chungah khan ken khat ah a kalpi i a nau Asahel thisen caah khan khika ah a paw ah a chunh i a thi.

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

1 SIANGPAHRANG 1:7

Zeruiah fapa Joab le tlangbawi Abiathar kha a chimh a ruah hna i annih nih Adonijah kha an zulh i an bawmh.

1 SIANGPAHRANG 2:32

Ka pa David hngalh loin amah nakin a ṭha deuhmi le a ding deuhmi pahnih, Ner fapa Abner, Israel mi ralkapbu haotu le Jether fapa Amasa, Judah mi ralkapbu haotu kha vainam in a tuk hna i a thah hna caah thisen chuah in a tuahmi thil hna cu Bawipa nih amah lu cung lila ah a kirter ṭhan lai.

JEREMIAH 2:34

Na puan ki ah thisen aa neh — a sual lomi misifak nunnak thi kha. Hi thi cu inn na bauhnak in naa nehmi a si lo, Kuhthing toi kip i rai na thawinak in naa nehmi a si deuh.

JEREMIAH 6:15

Annih nih hi fihnung a simi thil hna kha an tuah tikah an ning a zak maw? Zak hlah ee, an ning a zak hrimhrim lo; hmaisen zong kha an hngal lo. Cucaah a tlumi hna sinah an tlu ve lai; dan ka tat hna tikah an dih lai, tiah Bawipa nih a ti.

MATTHAI 3:4

Johan hnipuan cu kalauk hmul in tahmi an si; a tai ah saphaw taisawm aa sawmh i khaubawk le khuaihliti in aa cawm.

DEUTERONOMI 27:24

“ ‘A innpa a thli tein a thatmi cu chiat seh,’ tiah an thanh lai. Cun mi vialte nih, ‘Amen’ an ti lai.