1 SIANGPAHRANG 2:44 - Lai (Hakha) Common Language Bible 2006

⁴⁴ Cun siangpahrang nih cun Shimei cu, “Nangmah nih ka pa David cungah ṭhat lonak na tuahmi vialte kha na lung chungin na hngalh ko; cucaah na ṭhat lonak cu Bawipa nih nangmah lu cung lila ah a kirter lai.

1 SIANGPAHRANG 2:44 ပူးပေါင်းရင်းမြစ်များ

1 SIANGPAHRANG 2:43

A si kun ahcun, zeicahdah Bawipa sin i chiat na sermi le keimah nih nawl kan pekmi nawlbia cu na zulh kun lo?” tiah a ti.

2 SIANGPAHRANG 11:1

Ahaziah nu Athaliah nih a fapa a thih kha a hngalh tikah, a tho i siangpahrang innchungkhar vialte kha a thah hna.

2 SIANGPAHRANG 11:12

Cun siangpahrang fapa kha a hun chuahpi i bawi luchin a chinh i hngalhternak bia kha a pek; cun annih nih siangpahrang ah an ser i chiti an thuh; an kut kha an bengh i, “Siangpahrang cu saupi nung ko seh!” an ti.

SALM 109:20

Bawipa nih ka ral cu hitihin dantat hna seh, ka thang a ka chiattu ka ral hna cu hitihin tat hna seh.

SALM 7:16

Cuticun amah ṭhat lonak lila nih khan harnak a pek i amah puarhrannak lila nih khan fahnak a pek.

PHUNGTHLÛKBIA 5:22

Miṭhalo cu amah ṭhat lonak ah aa foih i a sual rianṭuannak ah khan a tang.

EZEKIEL 17:19

Cucaah hihi Bawipa Pathian bia cu a si. A thawh i, “Ka nun bangin ka chim, keimah min chalh in chiat a sermi kha zei ah a rel lo i aa let caah dan ka tat lai.

HOSEA 4:9

Zapi nih dantatnak ah hmuh dingmi kha tlangbawi hna cungah a tlung ve lai. Annih cu dan ka tat hna lai i ṭhat lonak an tuahmi ruangah khan ka lehrulh hna lai.

JOHAN 8:9

Cu bia cu an theih tikah pakhat hnu pakhat in an i zukphiak dih, upa pawl kha an i zuk hmasa. Jesuh lawng cu a tang i a pawngah cun minu kha a dir ko.

ROM 2:15

Nawlbia nih, tuah u, a timi cu an lung chungah aa ṭial ko ti kha an ziaza in an langhter. Cun anmah lungthin lila nih a zeimaw caan ah sual a phawt hna i a zeimaw caan ah thiam a coh hna caah, an lung chungah aa ṭial ko ti cu an chiaṭha thleidannak nih khan a langhter ko.

1JOHAN 3:20

kan lung nih sual kan phaw kun kaw Pathian cu kan lung nakin a ngan deuh i zeizong vialte kha a hngalh dih.

1 SAMUEL 25:39

David nih Nabal kha a thi tiah a theih tikah, “Nabal kut ah ningzahnak ka hmuhmi phu a hlam i a sal kha ṭhat lonak tuah loin a ka khamtu Bawipa cu thangṭhat si ko seh; Bawipa nih Nabal cu ṭhat lonak a tuahmi kha amah lu cung lila ah a tlunter ṭhan,” tiah a ti. Cun David nih mi a hei thlah hna i Abigail kha a nupi caah an len.