1 SIANGPAHRANG 2:4 - Lai (Hakha) Common Language Bible 2006

⁴ Bawipa nih ka sinah keimah kong i, ‘Na fapa hna nih an kalning kha an i ralrin i keimah hmaiah zumhawktlak tein an lung dihlak le an nunnak dihlak in an kal ahcun, Israel mi bawi ṭhutdan cungah a ṭhu dingmi na ṭhing lai lo,’ tiin a chimmi bia kha a fehter lai.

1 SIANGPAHRANG 2:4 ပူးပေါင်းရင်းမြစ်များ

GENESIS 17:1

Abram cu kum sawm kua le kum kua a si tikah Bawipa cu a sinah a lang i, “Kei cu Lianngan Bik Pathian ka si. Na nun chung vialte ka nawl ka ngai law soi awk zeihmanh um loin um.

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

2 SAMUEL 7:25

Cun maw Bawipa Pathian, na sal le a innchungkhar kongah na rak chimmi bia kha atu cu zungzal ca in fehter ko law, na chim bang khan tuah ko;

1 SIANGPAHRANG 1:48

Cun siangpahrang nih cun, ‘Keimah mit hmuh hrimhrim ah, ka bawi ṭhutdan cung i keimah tefa pakhat a ṭhuttertu Bawipa, Israel Pathian cu thangṭhat si ko seh’ ti zongah a ti fawn,” tiah a ti.

1 SIANGPAHRANG 11:36

Sihmanhsehlaw ka sal David nih ka min chiahnak caah ka thimmi khua Jerusalem ah ka hmaiah mei inn a ngeih zungzal nakhnga, a fapa cu phun khat cu ka pek lai.

1 SIANGPAHRANG 3:14

Cun ka nawlbia hna le ka phungbia hna kha zul in na pa David nih a zulh bangkhan ka lam kha na zulh hna ahcun, na nunnak ka sauter fawn lai,” tiah a ti.

1 SIANGPAHRANG 3:3

Solomon nih Bawipa kha a dawt ko, a pa David nawlbia kha a zulh ko hna; amah belte, khuahrum bo ah khan rai a thawi i zihmui a khangh.

1 SIANGPAHRANG 6:12

“Hi inn na sak liomi kongah hin, ka nawlbia kha na ngaih hna i ka phunglam kha na zulh hna i ka phungbia kha na tuah hna i na zulh hna ahcun, na pa David sinah ka rak chimmi ka bia kha nangmah sinah ka fehter lai.

1 SIANGPAHRANG 8:23

“Maw Bawipa Israel Pathian, cunglei van ah siseh, tanglei vawlei ah siseh, nangmah bantuk Pathian zeihmanh an um lo, nang nih cun na hmai i an lungthin dihlak in a kalmi na salle hna cungah cun na biakamnak kha na zulh i a fekmi na dawtnak kha na langhter;

1 SIANGPAHRANG 8:25

Cucaah maw Bawipa, Israel Pathian, na salpa David ka pa sin i, ‘Na fapale hna nih hin, nangmah nih ka hmaiah na rak kal bantuk khan ka hmai i kal awkah an lam kha an i ralrin ahcun, Israel mi bawi ṭhutdan cung i ka hmaiah a ṭhu dingmi na ṭhing lai lo,’ tiin bia na rak kammi kha tlinter ko.

1 SIANGPAHRANG 9:5

khi tikah na pa David sinah, ‘Israel mi bawi ṭhutdan cung ṭhu dingmi na ṭhing lai lo,’ tiin bia ka rak kam cang bang khan Israel mi hna cungah zungzal ca in na siangpahrang bawi ṭhutdan cu ka fehter lai.

2 SIANGPAHRANG 20:3

‘Maw Bawipa, zeitindah nangmah hmaiah zumhawktlak le lungcheubang loin ka kal tawn i nangmah mithmuh ah a ṭhami ka tuah kha na cinken nakhnga, kan nawl,” tiah a ti. Cun Hezekiah cu a ṭap thluahmah ko.

2 SIANGPAHRANG 23:25

Bawipa sinah a lungthin dihlak le a nunnak dihlak le a thazang dihlak in, Moses nawlbia dihlak ningin, aa mermi siangpahrang amah hlan ah an um lo i amah hnu zongah amah bantuk a hung chuakmi an um lo.

2 SIANGPAHRANG 23:3

Cun siangpahrang cu tungpi hram ah khan a dir i, Bawipa kha zulh i a nawlbia hna le a hngalhternak bia hna le a phungbia hna kha a lungthin dihlak le a nunnak dihlak in zulh awk le hi cauk chungah aa ṭialmi biakamnak bia hna kha tuah awkah Bawipa hmaiah khan bia aa kam; cun mi vialte nih khan a tuahmi biakamnak cu an tuahpi ve.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

2 CHANRELNAK 17:3

A pa nih a hlan deuh i a rak zulhmi lam kha a zulh caah Bawipa cu Jehoshafat sinah a um; amah nih Baal kha a kawl hna lo,

2 CHANRELNAK 6:16

Cucaah maw Bawipa, Israel Pathian, na salpa David ka pa sin i, ‘Na fapale hna nih hin, nangmah nih ka hmaiah na rak kal bantuk khan ka nawlbia chung i kal hi an i ralrin ahcun, Israel mi bawi ṭhutdan cung i ka hmaiah a ṭhu dingmi na ṭhing lai lo,’ tiin bia na rak kammi kha tlinter ko.

2 CHANRELNAK 7:18

khi tikah na pa David sinah, ‘Israel mi uktu dingah mi na ṭhing lai lo,’ tiin bia ka rak kam bang khan na siangpahrang bawi ṭhutdan cu ka fehter lai.

SALM 119:9

Zeitindah tlangval nih thiang tein a um lai? Na nawl ngaihnak thawngin thiang tein a um lai.

SALM 37:22

Bawipa nih thluachuah a pekmi cu ram ram chungah hin him tein an um lai, sihmanhsehlaw chiat a serhmi cu ṭhawl an si lai.

SALM 37:9

Bawipa aa bochanmi cu him tein ram chungah hin an um ko lai; sihmanhsehlaw miṭhalo cu ṭhawl an si lai.

SALM 39:1

“Ka tuahmi ah khan kaa ralring lai ka lei kha sualnak ka tuahter lai lo; miṭhalo kha lamnai i an um lioah zeihmanh ka chim lai lo,” ka ti.

JEREMIAH 33:17

Zeicahtiah Bawipa bia cu hi bangin a si: Israel mi bawiṭhutdan cung i a ṭhu ding kha David nih ngei loin a um bal lai lo i

LEVITIKAS 26:3

“Ka phunglam kha nan zulh hna i ka nawlbia kha nan ulh hna i nan tuah hna ahcun,

ZEKHARIAH 14:2

Jerusalem doh awkah mi vialte kha ka pumh hna lai; khua cu an lak lai, inn cu an ramh hna lai i nu cu an tlaihhrem hna lai. Khuapi cheu hnih cheu khat cu saltannak chungah a kal lai, sihmanhsehlaw khua chung i a ummi, hi miphun chungin a tangmi hna cu, hloh an si lai lo.

MATTHAI 22:37

Jesuh nih cun, “‘Bawipa na Pathian cu na lungthin dihlak le na ruahnak dihlak le na nunnak dihlak in na dawt lai,’

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

DEUTERONOMI 10:12

“Kha! Israel, Bawipa na Pathian nih an fialmi cu zeidang si loin, Bawipa na Pathian ṭih le, a lam vialte kha zulh le, amah kha dawt le, Bawipa na Pathian cu na lung dihlak le na ruahnak dihlak in a rian ṭuan le,

DEUTERONOMI 11:13

“Cun nihin ah nawl kan pekmi hna ka nawlbia, Bawipa nan Pathian dawt le, a rian nan lung dihlak le nan ruahnak dihlak in ṭuan cu, nan zulh hna ahcun,

DEUTERONOMI 6:5

Bawipa na Pathian cu na lungthin dihlak le na ruahnak dihlak le na ṭhawnnak dihlak in na dawt lai.

DEUTERONOMI 7:12

“Cun hi phunglam kha nan ngaih hna i nan tuah hna caah Bawipa nan Pathian nih nan pupa hna sinah zulh awk i chiat a sermi biakamnak le a fekmi dawtnak cu nannih sinah a hmunhter lai;

JUDAS 1:24

Tlu loin an umter khotu hna le a hmaika ah soi awk zeihmanh um lo le lunglawm tein an chuahpi khotu hna —