1 SIANGPAHRANG 2:3 - Lai (Hakha) Common Language Bible 2006

³ cun zei na tuahmi paoh ah le khuazeilei paoh i naa mernak ah na hlawhtlin nakhnga, Moses phungbia chungah aa ṭial bangin Bawipa na Pathian bia beuhmi kha na zulh hna lai i amah lam kha na zulh hna lai i a nawlbia hna le a phungbia hna le a phunglam hna le a hngalhternak bia hna kha na ulh hna lai;

1 SIANGPAHRANG 2:3 ပူးပေါင်းရင်းမြစ်များ

2 SAMUEL 8:14

Cun Edom ram chungah ralvengtu ralkapbu kha a chiah hna; Edom ram chungah a dihlak in ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang.

2 SAMUEL 8:6

Cun David nih Damaskas khua chung i Aram ah khan ralvengtu ralkapbu a chiah hna i Siria mi cu David sal ah an cang i ngunkhuai kha an pek. Cun Bawipa nih David cu a kalnak kip ah khan teinak a pek lengmang.

1 SIANGPAHRANG 3:3

Solomon nih Bawipa kha a dawt ko, a pa David nawlbia kha a zulh ko hna; amah belte, khuahrum bo ah khan rai a thawi i zihmui a khangh.

2 SIANGPAHRANG 18:7

Cun Bawipa cu amah sinah a um i a kalnak paoh ah khua awng a tong. Assiria siangpahrang kha a doh i a rian a ṭuan duh lo.

1 CHANRELNAK 29:19

Ka fapa Solomon nih hin lung ṭengnge lo tein na nawlbia hna le na hngalhternak bia hna le na phunglam hna kha a zulh hna i a tuah dih hna i ka timhlamh ciami biakinn hi a sak khawh nakhnga, nangmah nih amah cu bawm ko,” tiah a ti.

SALM 119:111

Na nawlbia cu zungzal ka ro an si, ka lung a ka lawmhtertu an si.

SALM 119:138

Nangmah pekmi nawlbia cu an hmaan i an ding.

SALM 19:7

Bawipa phung cu a ṭhat a tling, nunnak thar petu a si. Bawipa nawlbia cu bochan awk a tlak, fimnak a baumi fimnak petu a si.

PHUNGCHIMTU 12:13

Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.

LEVITIKAS 8:35

Tonnak thlam innka ah, chunzan in ni sarih chung, Bawipa nih an fialmi hna tuah awkah, nan thih sual nakhnga lo nan um lai; zeitintiah cu bang cun nawl pek ka si,” tiah a ti.

MALAKHI 4:4

Ka sal Moses phungbia kha philh hlah u, Israel mi vialte na va pek hna lai, tiah Horeb tlang i ka timi nawlbia le cawnpiaknak kha philh hna hlah u,

DEUTERONOMI 29:8

An ram kha kan lak i ro caah Reuben phun le Gad phun le Manasseh phun cheu kha kan pek hna.

DEUTERONOMI 29:9

Cucaah nan tuahmi kip ah khuaawng nan pemh nakhnga, hi biakamnak bia hna hi ṭha tein tuah hna u.

DEUTERONOMI 4:1

“Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.

DEUTERONOMI 4:45

Izipt ram in Israel fale hna nih an chuah tikah mah hna hi Moses nih a chimhmi hna hngalhternak bia hna le nawlbia hna le phunglam hna cu an si;

DEUTERONOMI 4:5

Zohhmanh, nannih nih co awk i nan luhhnawhmi ram ah nan tuah hna nakhnga, Bawipa ka Pathian nih nawl a ka pek bangin nawlbia le phunglam hna cu kan cawnpiak cang hna.

DEUTERONOMI 4:8

Nihin ah nan hmai i ka chiahmi phungbia vialte, hi tlukin a ding hringhranmi hna bantuk, nawlbia le phunglam hna a ngeimi miphun ngan ahodah a um ve?

DEUTERONOMI 5:1

Cun Moses nih Israel mi vialte cu a kawh hna i, “Maw Israel, nihin ah nanmah theih ah ka chimmi nawlbia le phunglam hna hi thei tuah u law, cawng hna u law, ṭha tein ul hna u.

JOSHUA 22:5

Bawipa sal Moses nih, Bawipa nan Pathian cu dawt awk le, a lam vialte kha zulh awk le, a nawlbia hna kha tuah awk le, amah sinah i bek awk le, amah cu nan lung dihlak le nan thlarau vialte in a rianṭuan awkah nawl an pekmi hna nawlbia le phungbia cu tuah awkah ṭha tein i ralring tuah u,” tiah a ti hna.

JOSHUA 23:6

Cucaah Moses phungbia cauk chungah aa ṭialmi vialte kha zulh awk le tuah awkah fek tein um ko u; orhlei ah siseh; kehlei ah siseh pialtak hlah u.

1 SAMUEL 18:14

Cun Bawipa kha amah sinah a um caah David cu a thil tuahmi vialte ah a hlawhtling.

1 SAMUEL 18:30

Cun Filistin bawi hna kha raltuknak ah an ra chuak tawn i an ra chuah fate David cu Saul sinum vialte hna nakkhan a hlawhtling deuh; cucaah a min cu an thangṭhat ngaingai ko.

1 SAMUEL 18:5

Cun David cu Saul nih a kuatnak paoh ah khan a hlawhtling; cucaah Saul nih ralkap hna haotu ah khan a ser. Cun mah hihi mi vialte mithmuh le Saul sinum hna mithmuh zongah khan thil ṭha a si.