1 SIANGPAHRANG 2:24 - Lai (Hakha) Common Language Bible 2006

²⁴ Cucaah keimah kha a ka fehter i, ka pa David bawi ṭhutdan cungah a ka chia i bia a ka kam bangin innchungkhar a ka serpiaktu Bawipa nih a nun bangin, Adonijah cu nihin ah thah a si lai,” tiah a ti.

1 SIANGPAHRANG 2:24 ပူးပေါင်းရင်းမြစ်များ

2 SAMUEL 12:10

Cun nangmah nih na ka zawmhtaih i Hit mi Uriah nupi kha na nupi ah naa lak caah, cucaah vainam cu na inn in aa ṭhen bal lai lo,’ a ti.

2 SAMUEL 7:27

Zeitintiah maw ralkapbu Bawipa, Israel Pathian, nangmah nih hi phuannak cu na sal sinah, ‘Nangmah cu innchungkhar pakhat kan serpiak lai,’ tiin na rak ser cang; cucaah na sal nih nangmah sinah hi thlacamnak hi a cam ngam.

1 SIANGPAHRANG 1:29

Cun siangpahrang nih chiat a ser i, “Harnak kip chungin ka nunnak a ka tlantu Bawipa cu a nun bangin,

1 SIANGPAHRANG 1:46

Solomon cu siangpahrang bawi ṭhutdan ah a ṭhu.

1 SIANGPAHRANG 1:52

Cun Solomon nih, “Santlaimi a sinak a langhter ahcun, a samfa fa khat hmanh vawlei ah a tla lai lo, sihmanhsehlaw a chungah ṭhat lonak hmuh a si ahcun, a thi lai,” tiah a ti.

1 SIANGPAHRANG 10:9

Bawipa na Pathian, nangmah chungah lawmhnak a ngei i Israel mi bawi ṭhutdan cungah an ṭhuttertu cu thangṭhat si ko seh. Bawipa nih Israel cu zungzal in a dawt caah, nangmah nih biading le dinnak cu na tuah nakhnga, siangpahrang ah an ser,” tiah a ti.

1 CHANRELNAK 17:10

hlan lio i ka mi Israel mi hna cungah biaceihtu ka rak chiah hna caan bantuk khan, zaang-en hmangmi hna nih an hrawkhral ti hna lai lo; cun na ral vialte cu kan teipiak lai. Cuhleiah Bawipa nih nangmah cu inn pakhat an serpiak lai tiah kan thanh.

1 CHANRELNAK 17:17

Cun mah hi cu nangmah mit ah cun, a hmemi thil a si ko, maw Pathian; na sal innchungkhar kong zong hi hmailei caan saupi ca tiangin na rak chim chung cang i hmailei ciruang ding hna zong kha na ka hmuhsak cang, maw Bawipa, Pathian!

1 CHANRELNAK 17:23

Cun atu cu maw Bawipa, na salpa kong le a innchungkhar kong i na rak chimmi kha zungzal ca in fehter ko law na rak chim bangkhan tuah ko;

1 CHANRELNAK 22:10

Amah nih cun ka min caah inn pakhat a sak lai. Amah cu ka fapa a si lai i keimah cu a pa ka si lai i a siangpahrang bawiṭhutdan cu Israel chungah zungzal in ka fehter lai,’ a ti.

1 CHANRELNAK 29:23

Cun Bawipa siangpahrang ṭhutdan ah cun Solomon cu a pa David can ah khan siangpahrang in a ṭhu i a hungcho i Israel mi vialte nih a bia kha an ngaih.

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

EXODUS 1:21

Sayamah hna nih khan Pathian kha an ṭih caah Pathian nih annih cu tefa a pek hna.

PHUNGTHLÛKBIA 20:2

A thin a hungmi siangpahrang cu a ngur hluahmahmi chiandeih bantukin ṭih tuah, amah a thin hunter cu mah le mah i thah a si ko;

1 SAMUEL 25:28

Na salnu ka sualnak cu ka ngaithiam ko sawh; zeitintiah ka bawipa nih Bawipa raltuknak kha a tuk caah Bawipa nih ka bawipa cu a fekmi inn a serpiak ṭheo lai i na nun chung paohpaoh nangmah chungah ṭhat lonak hmuh awk a um lai lo.