1 SIANGPAHRANG 2:22 - Lai (Hakha) Common Language Bible 2006

²² Solomon Siangpahrang nih a nu cu a leh i, “A si ah, zeicahdah Shunam mi Abishag cu Adonijah caah na ka hal? Amah caah pennak zong hi halpiak ngat? Zeitintiah amah cu ka u pei a si i amah leiah tlangbawi Abiathar le Zeruiah fapa Joab kha an ṭan cu,” tiah a ti.

1 SIANGPAHRANG 2:22 ပူးပေါင်းရင်းမြစ်များ

2 SAMUEL 12:8

cun na bawipa inn cu kan pek i na bawipa nupi hna cu nangmah ṭang chungah kan pek hna, cun Israel mi chungkhar hna le Judah mi chungkhar hna cu kan pek hna; cun mah hihi a tlawm tuk ahcun, cu zat cu kan chap rih lai.

2 SAMUEL 16:21

Ahithophel nih Absalom cu, “Innhngaktu ah a chiahmi na pa nupichun kha va luhhnawh hna; cun Israel mi vialte nih na pa caah rim chia ah naa ser cang ti kha an theih lai i nangmah sinah a ṭangmi vialte hna kut cu a ṭhawng lai,” tiah a ti.

1 SIANGPAHRANG 1:11

Cun Nathan nih Solomon nu Bathsheba kha a thawh i, “Haggith fapa Adonijah kha kan bawipa David hngalh loin siangpahrang a si cang, ti hi na hngal lo dahra?

1 SIANGPAHRANG 2:15

Cun amah nih cun, “Pennak hi keimah ta a rak si i Israel mi vialte nih amah nih a kan pen lai tiin an rak ka ruah dih ko, ti kha na hngalh; sihmanhsehlaw pennak cu a lu taw aa let i ka unaupa caah a cang, zeitintiah Bawipa nih a pekmi a si.

1 CHANRELNAK 3:2

a pathumnak cu Absalom a si, a nu cu Maakah, Geshur siangpahrang Talmai fanu a si; a palinak cu Adonijah a si, a nu cu Haggith a si;

1 CHANRELNAK 3:5

Jerusalem i a nupi Bathsheba, Ammiel fanu nih a hrinmi cu mah hna hi an si: Shimea, Shobab, Nathan le Solomon,

MATTHAI 20:22

Jesuh nih cun, a fapale hna cu, “Nan ka halmi hi nan hngal lo. Ka din lai dingmi hrai hi nan din khawh lai maw?” tiah a leh hna. Annih nih, “Kan din khawh lai,” tiah an leh.

MARKA 10:38

Jesuh nih cun a thawh hna i, “Nan ka halmi hi nan hngal lo. Ka din dingmi hrai hi nan din khawh lai maw? Tipil ka in ding ning hin nan in khawh ve lai maw?” tiah a ti.

JEIM 4:3

Cun nan hal tikah nan hmu kho lo, zeicahtiah nan i tinhmi kha a ṭha lo; nanmah nuamhnak ca lawng i hman awkah khan thil cu nan hal.