1 SIANGPAHRANG 2:19 - Lai (Hakha) Common Language Bible 2006

¹⁹ Cucaah Bathsheba cu Solomon Siangpahrang sinah, Adonijah airawl in bia va chim awkah a kal. Cun siangpahrang cu amah ton awkah khan a tho i a hmaiah cun a kun; cun a bawi ṭhutdan cungah khan a ṭhu i siangpahrang bawipa nu caah cun ṭhutdan a rak putter hna i a orhlei kamah khan a ṭhu.

1 SIANGPAHRANG 2:19 ပူးပေါင်းရင်းမြစ်များ

GENESIS 48:12

Cun Josef nih Israel phei cung cun a ṭhial hna i a hmaiah cun a kun.

1 SIANGPAHRANG 15:13

A nu Maakah zong kha, Asherah caah fihnung siasal a ser caah siangpahrang bawinu a sinak kha a ngolter; cun Asa nih a nu milem cu a hau i Kidron tivate ah khan a khangh.

1 SIANGPAHRANG 2:18

Bathsheba nih, “A ṭha ko, siangpahrang cu ka rak in chawnhpiak lai,” tiah a ti.

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

SALM 45:9

Na inn i a ummi bawinu hna lakah khan siangpahrang fanu zong an um, cun na bawiṭhutdan orhlei kamah khan siangpahrang bawinu cu a dir, sui ṭha bik in sermi hlawn in aa ṭamh.

EXODUS 20:12

“Nan nu le nan pa kha upat hna u, cu ti nan tuah ahcun, Bawipa nan Pathian nih an pekmi hna ram ah hin saupi nan um lai.

LEVITIKAS 19:3

Nannih vialte nih nan nu le nan pa kha nan upat hna lai i ka sabbath hna kha nan ulh hna lai, kei cu Bawipa nan Pathian ka si.

LEVITIKAS 19:32

“Sam parmi hmaiah cun na dir lai i tar a simi hmai cu na upat lai, cun na Pathian cu na ṭih lai: keimah cu Bawipa ka si.

MATTHAI 25:33

tuu cu a orhlei ah a chiah hna lai i meheh cu a kehlei ah a chiah hna lai.