1 SIANGPAHRANG 17:6 - Lai (Hakha) Common Language Bible 2006

⁶ Cun langak nih zinglei ah rawl le sa, zanlei ah rawl le sa an chanh lengmang i tivate ti cu a din.

1 SIANGPAHRANG 17:6 ပူးပေါင်းရင်းမြစ်များ

1 SIANGPAHRANG 13:28

Cun a va kal i a ruak cu lam i a rak rilh ko i laa le chiandeih kha a ruak pawng i an rak dir ko kha a hmuh. Chiandeih nih khan a ruak cu a rak ei lo, laa zong kha a thlek bauh lo.

1 SIANGPAHRANG 17:5

Cucaah a kal i Bawipa bia ning cun a tuah; Jordan nichuahlei i a ummi Kherith tivate ah cun a va kal i a va um.

1 SIANGPAHRANG 17:7

Cun tlawmpal hnuah khin, ram chungah ruah a um lo caah, tivate ti cu a reu dih.

1 SIANGPAHRANG 19:6

Cun khua a hun zoh i, zohhmanh, a lu leiah lung lin in rawhmi changreu hlum hlum khat le ti thawl khat a hmuh. Cun a ei a din i a it ṭhan.

1 SIANGPAHRANG 19:8

Cun a tho i a ei a din i cu rawl thazang cun ni sawm li le zan sawm li, Pathian tlang Horeb leiah cun a kal.

SALM 33:18

Bawipa nih amah a ṭihmi cu a zohkhenh hna i a fekmi a dawtnak aa bochanmi cu him tein a umter hna.

SALM 37:19

Caan ṭhalo a tlun tikah sifah an ing lai lo, mangṭam a tlun tikah ei awk a za an ngei lai.

SALM 37:3

Bawipa cu i bochan u law ṭhatnak kha tuah u; ram chungah hin um u law him tein khuasa u.

EXODUS 16:35

Israel mi nih manna cu kum sawm li an ei, mi umnak ram an phak tiang cu manna cu an ei; Kanaan ramri an phak tiang khan manna cu an ei.

ISAIAH 33:16

Cu bantukin na um ahcun khua-awng na pem lai i a ṭhawngmi ralhau bantukin na fek lai. Rawl ei awk kha na ngei zungzal lai i tidin awk kha zeitikhmanh ah na dong lai lo.

JEREMIAH 37:21

Cucaah Siangpahrang Zedekiah nih nawlbia a chuah i Jeremiah cu ralvengtu hna pawl tual ah khan an chiah. Cun cu khua chung i changreu cu a dih hlantiang, Changreu Sertu Lam timi changreu sernak khan ni fate changreu hlum khat lengmang an pek. Cuticun ralvengtu hna tual ah khan Jeremiah cu a tang ko.

JEREMIAH 40:4

Sihmanhsehlaw nang Jeremiah cu nihin ah na kut ṭemnak cikcin cu kan phoih cang. Na duh ahcun ka sinah Babilon ah ra tuah, ṭha tein kan zohkhenh lai, sihmanhsehlaw rat lo kha na duh deuh ahcun a ṭha ve ko. Ram cu a ning piin na hmaika ah a um ko, a ṭha bik na tinak paoh ah kal ko,” tiah a ti.

NAMBAR 11:23

Cun Bawipa nih Moses sinah cun, “Bawipa kut cu a tawi hlah maw? Nannih ca i ka bia bangin a tlin le tlin lo cu na hmuh ko lai,” tiah a ti.

MATTHAI 19:26

Jesuh nih dengteo in a vun zoh hna i, “Hihi minung caah cun a si kho lo, sihmanhsehlaw Pathian caah cun zeizong vialte hi a si kho ko,” tiah a leh hna.

LUKA 22:35

Cun Jesuh nih annih cu a thawh hna i, “Phaisa bawm siseh, zal siseh, kedan siseh i ken loin ka rak in thlah hna ah khan zeital nan bau maw?” tiah a ti. “Zeihmanh kan bau lo,” tiah annih nih an leh.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

BIACEIHTU 14:14

Cun anih nih, “Eitu chungin ei awk a chuak. A ṭhawngmi chungin a thlummi a chuak,” tiah a ti hna. Cun annih nih cu biahleng cu zei a si kha ni thum chung an hngal kho lo.