1 SIANGPAHRANG 17:18 - Lai (Hakha) Common Language Bible 2006

¹⁸ Cun anih nih Elijah cu a thawh i, “Maw Pathian mipa, ka cungah lung si lonak zeidah na ngeih? Ka sualnak kha hngalhter ṭhan awk le ka fapa kha thihter awkah pei na rat ko hi!” tiah a ti.

1 SIANGPAHRANG 17:18 ပူးပေါင်းရင်းမြစ်များ

GENESIS 44:16

Judah nih aa thawh i, “Bawipa, na sinah zeidah kan chim khawh rua hnga! Zeitindah kan i hlihphuah khawh rua hnga. Pathian nih kan sualnak kha a phuan cang, bawipa. Kan dihlak in pei dik na sal kan si ko lai, na hrai an hmuhnak pa lawng si loin,” a ti.

GENESIS 50:15

An pa a thih hnuah khan Josef unau pawl nih cun, “Josef nih hin kan hua peng sual in a cung i ṭhat lonak kan rak tuahmi ruangah khan teirul cham kan tim seh law zeitin?” tiah an ti.

GENESIS 50:17

Josef cu va chim u law a unau hna nih a cung i an tuahmi thil ṭhalo hi ngaithiam hna seh tiah na pa nih an nawl va ti u,’ a ti. Cucaah cun na pa Pathian sal hna nih na cungah kan tuahmi ṭhat lonak cu kan ngaithiam ko,” an ti. Hi bia an chimh tikah Josef cu a ṭap.

2 SAMUEL 16:10

Sihmanhsehlaw siangpahrang nih cun a thawh i, “Nannih Zeruiah fapa hna, nannih nan i thlaknak zeidah a um? Bawipa nih amah cu, ‘David kha chiat va serh,’ tiah a ti i chiat a ka serh a si ahcun, ‘Zeicahdah mah cuticun na ti?’ tiah aho nih dah a ti khawh lai?” tiah a ti.

2 SAMUEL 19:22

Sihmanhsehlaw David nih, “Nannih Zeruiah fapa hna, nannih nan i thlak awk zeidah a um, nihin i keimah caah ral bantuk nan si hnga cu? Nihin ah hin Israel mi ahohmanh thah awk a si hnga maw? Zeitintiah nihin ah hin Israel mi cungah siangpahrang ka si kha hngal loin maw ka um?” tiah a ti.

1 SIANGPAHRANG 12:22

Sihmanhsehlaw Pathian mi Shemaiah sinah khan Pathian bia a ra i,

1 SIANGPAHRANG 13:1

Cun zohhmanh, Judah ram chungin Pathian mi pakhat, Bawipa bia thawngin Bethel ah a ra. Jeroboam kha zihmui khangh awkah biakṭheng pawngah khan a rak dir ko.

1 SIANGPAHRANG 17:17

Cun cu hnuah cun, inn ngeitu nu fapa cu a zaw i a zawtnak cu a zual tuk caah a chungah thaw a tang ti lo.

1 SIANGPAHRANG 17:19

Cun amah cu a thawh i, “Na fapa cu ka pe tuah,” tiah a ti. Cun amah ṭangchung cun a lak i amah a riahnak cungdot dal chungah khan a kaipi i amah i ihkhun ah khan a ihter.

1 SIANGPAHRANG 18:9

Cun anih nih a thawh i, “Khuazei ah dah ka sual i na salpa hi rak thah awkah Ahab kut chungah na ka pek hnik?

1 SIANGPAHRANG 20:28

Cun Pathian mi pakhat nih Israel siangpahrang sinah cun a ra i, “Hi bangin Bawipa nih, ‘Siria mi hna nih, “Bawipa, cu tlang pathian pei a si ko cu, nelrawn pathian a si ṭung lo,” an ti caah, cucaah hi mibu nganpi hi a dihlak in na kut chungah kan pek lai i keimah cu Bawipa ka si kha na hngalh lai,’ a ti,” tiah a ti.

2 SIANGPAHRANG 1:9

Khi tikah siangpahrang nih ralkap sawm nga haotu kha a mi sawm nga he cun a thlah. Tlangpar i a ṭhu komi Elijah sinah cun a hung kal i, “Maw Pathian mi, siangpahrang nih, ‘Rung ṭum seh,’ an ti,” tiah a ti.

2 SIANGPAHRANG 3:13

Cun Elisha nih khan Israel siangpahrang cu, “Nangmah he kan i tlaknak zeidah a um? Na pa profet hna le na nu profet hna sinah khan va kal ko,” tiah a ti. Sihmanhsehlaw Israel siangpahrang nih amah cu a thawh i, “Asilo; Moab kut chung i pek awkah hi siangpahrang pathum hna a autu hna hi Bawipa a si ko,” tiah a ti.

2 CHANRELNAK 35:21

Sihmanhsehlaw a sinah lamkaltu a hei thlah hna i, “Judah siangpahrang, nangmah le keimah cu zeidah kan i ti awk a um? Nihin ah hin nangmah doh awkah ka ra lo, sihmanhsehlaw atu i a ka raltu innchungkhar he doh awkah ka ra; cun Pathian nih i khulranh tuah tiin nawl a ka pek. Ka sin i a ummi Pathian doh cu ngol tuah, zeicahtiah an hrawh sual lai,’ tiah a ti.

JOB 13:23

Ṭhat lonak le sualnak hna hi, zeizat hi dah nangmah tuahmi an si, ti ka si? Ka phungbuarnak le ka sualnak cu ka hngalhter ko hna.

JOB 13:26

Nangmah nih ka dantatnak ding cu na ṭial hna i Ka tlanval lio ka ṭhat lonak rocotu ah khan na ka ser.

NAMBAR 5:15

khi tikah mipa nih a nupi cu tlangbawi sinah a ratpi lai i amah kongah a herhmi pekchanhnak kha a rak put lai, cucu barli dip ephah cheu hra cheu khat a si lai; chiti a toih lai lo, frankinsen zong a toih lai lo, zeicahtiah lunghrinh changvut thawinak, hngalh ṭhannak changvut thawinak a si; ṭhat lonak hngalh ṭhanternak caah a si.

MATTHAI 8:29

Hmakhatte ah khin an ai i, “Pathian Fapa, zeidah na kan duhnak a um? A caan a tlin hlanah kannih dantat awkah na ra maw?” tiah an ti.

MARKA 5:7

fak piin a au i, “Cung Nung Bik Pathian Fapa Jesuh, zeidah na ka duhnak a um? Zei kan ti hnga, dan cu ka tat sawh hlah,” tiah a ti.

MARKA 6:16

Cucu Herod nih a theih tikah, “Hi pa hi Tipil petu Johan kha a si ko. A lu kha ka rak tanter hna. Sihmanhsehlaw a nung ṭhan ko hi ta!” tiah a ti.

LUKA 4:34

“Nazareth khuami Jesuh, zeidah na kan duhnak a si? Kanmah hrawh awkah maw hika ah hin na rat? Nangmah cu aho na si kha kan hngalh ko — Pathian lamkaltu a thiangmi na si ko,” tiah a ti.

LUKA 5:8

Simon Peter nih cucu a hmuh tikah Jesuh hmaiah cun a khuk aa bil i, “Bawipa, ka kaltak ko, kei cu misual ka si,” tiah a ti.

LUKA 8:28

Jesuh cu a hmuh tikah fak piin a ai i a hmaiah a bawk i aw thang piin, “Jesuh, Cung Nung Bik Pathian Fapa, ka cungah zeidah tuah na duh? Dan ka tat sawh hlah, tiah kan nawl,” tiah a ti.

JOHAN 2:4

Jesuh nih cun, “Ka nu, zeidah tuah awk ti kha, na ka chimh awk a si lo, ka caan pei a phan rih lo cu,” tiah a ti.

BIACEIHTU 13:6

Cun nu cu a ra i a va kha a chimh, “Pathian mi pakhat ka sinah a ra i a muisam cu Pathian vancungmi muisam bantuk a si, ṭih a nung ngaingai ko; khuazei in a si kha ka hal lo i a min kha a ka chim lo;

1 SAMUEL 16:4

Bawipa nih nawl a pekmi cu Samuel nih a tuah i Bethlehem khua ah khan a ra. Cu khua upa hna nih amah cu ton awkah khan ther lengmang in an ra i, “Daihnak lei ca i a rami na si maw?” tiah an ti.