1 SIANGPAHRANG 17:12 - Lai (Hakha) Common Language Bible 2006

¹² Cun anih nih a thawh i, “Bawipa, na Pathian a nun bangin, rawh ciami zeihmanh ka ngei lo, um chungah changvut pei khat lawng ka ngei i thawl chungah chiti tlawmte lawng ka ngei; cun atu hi ka tlun in mah cucu keimah le ka fapa ca i chuannak ding caah thinghreu pahnih thumte ka khawm hna; kan ei dih cun kan thi ko lai,” tiah a ti.

1 SIANGPAHRANG 17:12 ပူးပေါင်းရင်းမြစ်များ

GENESIS 21:15

Ti cu a dih tikah ngakchia cu burbuk pakhat toiah a chiahtak i

GENESIS 21:16

lam hla nawn, thal kah phak hrawng khin a hngah. “Ngakchia a thih cu ka hmu ngam lo,” a ti i cuka i a ṭhut lioah cun fak piin a ṭap.

2 SAMUEL 15:21

Sihmanhsehlaw Ittai nih siangpahrang cu a leh i, “Bawipa nih a nun bangin le siangpahrang ka bawipa nih a nun bangin, siangpahrang ka bawipa a umnak hmun paoh ah, thih siseh nun siseh, khika ah na salpa cu ka um ve lai,” tiah a ti.

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

1 SIANGPAHRANG 17:11

Cun a rak put hnik lioah khin a hei auh i, “Na kut in changreu tlang khat in rak ka put,” a ti.

1 SIANGPAHRANG 17:13

Cun Elijah nih amah cu a thawh i, “Ṭih hlah, va kal law na chim bang cun va tuah ko; sihmanhsehlaw a hmasa bik ah keimah cu hlum hmete in va ka serpiak law, rak ka put, cun a hnuah nangmah ca le na fapa caah cun va ser.

JEREMIAH 14:18

Lo i ka va chuah tikah vainam nih a thahmi hna an rilh liangluang ko kha ka hmuh hna; Khua chung i ka va luh ah, mangṭam in a thi cuahmahmi kha ka va hmuh hna; Profet hna le tlangbawi hna cu rawl hal in ram chungah an vak lengmang i dinh mui an hmu lo.

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

JEREMIAH 5:2

Annih nih, “Bawipa a nun bangin,” an ti ko nain, Lih in chiat an ser.

ṬAHNAK HLA 4:9

Vainam in a thimi hna cu Rawlṭam in a thimi hna nakin an van a ṭha deuh; Lo in a chuakmi rawl kha an hmuh lo caah an lo dai ko.

MATTHAI 26:7

nu pakhat a ra i lungrang thawl khatte in zihmui a man a fak ngaingaimi kha a rak i put i rawl a ei lioah khan a lu ah a toih.

1 SAMUEL 14:39

Zeitintiah Israel a khamhtu Bawipa nih a nun bangin, ka fapa Jonathan chungah a um a si hmanh ah, a thi hrimhrim lai,” tiah a ti. Sihmanhsehlaw mi vialte lakah cun amah a hun lettu pakhat hmanh an um lo.

1 SAMUEL 14:45

Khi tikah mizapi nih Saul sinah cun, “Israel chungah hi teinak nganpi a tuahtu Jonathan cu maw a thi hnga? Naisai hlah! Bawipa a nun bangin, a lu cung a samfa fa khat hmanh vawlei ah a tla lai lo; zeicahtiah nihin ah Bawipa he pei an tuah ṭi leh hi,” tiah an ti. Cuticun mizapi nih Jonathan cu an tlanh; cucaah a thi lo.

1 SAMUEL 20:21

Cun zohhmanh, tlangval kha ka hei thlah lai i, ‘Va kal law, thal kha va kawl hna,’ tiah ka ti lai. Cun tlangval sinah khan, ‘Zohhmanh, thal kha nangmah in hi lei kap ah an um, rak la hna,’ ka ti ahcun, na rat awk a si lai, zeitintiah, Bawipa a nun bangin, nangmah caah hnangam a si i ṭih awk a um lo.

1 SAMUEL 20:3

Sihmanhsehlaw David nih a leh i, “Ka cung i dawtnak na ngeih kha na pa nih fiang tein a hngalh i, ‘Jonathan nih mah hi cu thei theng duh hlah seh, a lung lam a fak ai hnga,’ tiin a ruah lai. Sihmanhsehlaw biangai tein, Bawipa a nun bantuk le nangmah nunnak a nun bantukin, keimah le thihnak karlakah hin kar khat lawnglawng a um,” tiah a ti.

1 SAMUEL 25:26

Cucaah cun ka bawipa, Bawipa a nun bantuk le na nunnak a nun bantukin, thisen chuah mawhnak le nangmah nih na kut hrimhrim in phuhlam tuahnak kha Bawipa nih tuah loin an umter caah, na ral hna le ka bawipa cungah ṭhat lonak tuah awk a kawlmi hna cu Nabal bantuk si ko hna seh.

1 SAMUEL 26:10

Cun David nih, “Bawipa nih a nun bangin, Bawipa nih a thah te ko lai; a si lo ah a thih ni cu a phan te ko lai; a si lo ah raltuknak hmun ah a kal lai i a lo tlau te ko lai.