1 SIANGPAHRANG 16:16 - Lai (Hakha) Common Language Bible 2006

¹⁶ cun a riahhnawhtu ralkap nih khan, “Zimri nih a rawi i siangpahrang kha a thah,” tiah an theih; cucaah Israel mi vialte nih ralkapbu haotu Omri kha cu ni ah cun riahhmun ah cun Israel siangpahrang ah an ser.

1 SIANGPAHRANG 16:16 ပူးပေါင်းရင်းမြစ်များ

1 SIANGPAHRANG 15:27

Issakhar chungkhar mi Ahijah i fapa Baasha nih amah cu a rawi i Filistin mi ta a simi Gibbethon khua ah khan Baasha nih cun a thah; Nadab le Israel mi vialte nih Gibbethon cu an dum lio a rak si.

1 SIANGPAHRANG 16:15

Judah siangpahrang Asa, siangpahrang a si kum kul le kum sarihnak ah khan Zimri cu Tirzah khua ah ni sarih bawi a cang. Cun ralkap hna nih khan Filistin mi ta a simi Gibbethon kha an riahhnawh,

1 SIANGPAHRANG 16:17

Cucaah Omri cu Israel mi vialte he Gibbethon khan an hung kal i Tirzah khua kha an dum.

1 SIANGPAHRANG 16:30

Cun Omri fapa Ahab nih amah hlan i a ummi vialte hna nakkhan ṭhat lonak Bawipa mithmuh ah tam deuh a tuah.

2 SIANGPAHRANG 8:26

Pen hram aa thawk ah Ahaziah cu kum kul le kum hnih a si i Jerusalem khua in kum khat a uk. A nu min cu Athaliah a si; amah cu Israel siangpahrang Omri tu a si.

2 CHANRELNAK 22:2

Ahaziah cu pen hram a thawk ah kum sawm li le kum hnih a si i Jerusalem in kum khat a pen. A nu min cu Athaliah a si, amah cu Omri tunu a si.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.