1 SIANGPAHRANG 15:4 - Lai (Hakha) Common Language Bible 2006

⁴ Sihmanhsehlaw David ruangah, Bawipa a Pathian nih Jerusalem khua ah meiinn pakhat a pek, amah hnuah a fapa cu a hun thawhter i Jerusalem kha a fehter;

1 SIANGPAHRANG 15:4 ပူးပေါင်းရင်းမြစ်များ

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 19:29

Asinain Pathian nih nelrawn chung ummi khua kha a hrawh hna tikah Abraham kha a philh lo i Lot kha himnak hmun ah a zamter.

GENESIS 26:5

Abraham nih khan ka nawl a ngaih i ka nawlbia vialte kha a zulh hna caah nangmah cu thluachuahnak kan pek lai,” a ti.

2 SAMUEL 21:17

Sihmanhsehlaw Zeruiah fapa Abishai nih khan amah cu a ra zuanhnawh i Filistin mi kha a tuk i a thah. Khi tikah David cu a mi hna nih khan, “Raltuknak hmun ah kan sinah na kal ti lai lo, Israel mei inn kha na hmih sual hnga,” tiin amah cu chiat an serter.

1 SIANGPAHRANG 11:12

Sihmanhsehlaw na pa David ruangah nangmah chan chungah cun ka tuah lai lo, na fapa kut chung tu in ka thleh te lai.

1 SIANGPAHRANG 11:32

(sihmanhsehlaw ka sal David le Israel mi phun vialte chungin ka thimmi khua Jerusalem ruangah hin phun khat hi cu amah nih a co lai),

1 SIANGPAHRANG 11:36

Sihmanhsehlaw ka sal David nih ka min chiahnak caah ka thimmi khua Jerusalem ah ka hmaiah mei inn a ngeih zungzal nakhnga, a fapa cu phun khat cu ka pek lai.

2 CHANRELNAK 21:7

Asinain, David sin i biakamnak a sermi ruangah khan le amah le a fapa hna cu zungzal in meiinn kan pek lai tiah bia a kam caah Bawipa nih David innchungkhar kha hrawh a duh lo.

SALM 132:17

Hika hmun ah hin Siangpahrang David tefa pakhat cu siangpahrang ngan pakhat ah ka ser lai, hika hmun ah hin ka thimmi siangpahrang uknak cu ka hmunhter lai.

SALM 18:28

Bawipa nih ceunak a ka pek, ka Pathian nih muihnak cu a ka dawipiak.

SALM 87:5

Zion kong ah cun, miphun vialte kha Zion ta an si dih ti a si lai i Cungnung Bik nih a ṭhawnter lai.

ISAIAH 14:32

Filistia ram in a rami lamkaltu hna kha zeitindah bia kan rak leh hna lai? Bawipa nih Zion cu a fehter cang i cuka ah cun fahnak a ingmi a mi hna kha him tein khua a sakter hna lai, tiah kan rak chimh hna lai.

ISAIAH 37:35

Keimah nih upatnak ka hmuh nakhnga le ka sal David sin i biakamnak ka rak sermi ruangah khan, hi khua cu ka hum lai i ka huhphenh lai,” a ti.

ISAIAH 62:7

Jerusalem cu ka remh ṭhan i vawleicung dihlak nih an thangṭhatmi khua i ka ser hlantiang, a dinh in ka dinhter hna lai lo.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

JEREMIAH 33:2

Vawlei kha a ser i mui a ngeihter i a fehtertu Bawipa bia cu hi bangin a si; a min cu Bawipa a si:

MATTHAI 16:18

Cucaah cun nang cu lung tum, Peter, na si, kan ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo.

LUKA 2:32

Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti.

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

ROM 11:28

Thawngṭha kong in ti ahcun, annih cu Pathian ral an si; Thawngṭha an cohlan duh lo caah — cucu nanmah Jentail mi ṭhatnak caah a si. Sihmanhsehlaw thimnak lei in ti ahcun annih cu an pupa hna ruangah khan Pathian hawikom an si,

DEUTERONOMI 4:37

Cun amah nih nan pupa kha a dawt hna i anmah hnu i an tefa hna cu a thim hna i nannih cu amah hmai hrimhrim in le a liannganmi a ṭhawnnak in Izipt ram in an chuahpi hna i,

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.