1 SIANGPAHRANG 14:9 - Lai (Hakha) Common Language Bible 2006

⁹ nang tu nih cun na hlan i a rak ummi vialte hna nakin thil ṭhalo na tuah deuh i pathian dang le thletmi milem kha na ser hna, ka thin na ka phawh i na hnulei ah na ka hlonh;

1 SIANGPAHRANG 14:9 ပူးပေါင်းရင်းမြစ်များ

1 SIANGPAHRANG 12:28

Cucaah siangpahrang nih ruahnak a hal hna i sui cawfa pahnih a ser. Cun mizapi kha a thawh hna i, “Jerusalem i nan hung kal lengmang hi a za cang. Maw Israel mi hna, Izipt ram in a hun in chuahpitu hna nan pathian hi zoh tuah hna u,” tiah a ti.

1 SIANGPAHRANG 14:16

Cun Israel mi cu, Jeroboam amah sualnak ruang le Jeroboam nih Israel mi a sualter hnanak ruangah khan, a hlawt hna lai,” tiah a ti.

1 SIANGPAHRANG 14:22

Cun Judah mi nih Bawipa mithmuh i a ṭha lomi thil kha an tuah i an pupa hna nih an tuahmi vialte nakin tam deuh in an tuahmi sualnak cun Bawipa cu a nahchuahnak an thawhter.

1 SIANGPAHRANG 15:29

Cun siangpahrang a can kate in Jeroboam innchungkhar vialte cu a thah dih hna; Bawipa nih a sal Ahijah Shilon mi sinah a rak chimmi bia ningte khan, a hrawh dih hlantiang, Jeroboam hrinthlak hna lakah khan thaw a chuahmi pakhat hmanh a ngan hna lo;

1 SIANGPAHRANG 15:30

mah cucu, Jeroboam nih amah nih a sualmi sualnak hna le Israel mi a sualtermi hna sualnak ruang le Bawipa, Israel Pathian a thin a phawh caah khan a si.

1 SIANGPAHRANG 15:34

Cun Bawipa mithmuh i a ṭha lomi kha a tuah i Jeroboam lam kha a zul i Israel mi a sualtermi hna sualnak a rak tuahmi kha a tuah ve.

1 SIANGPAHRANG 16:25

Omri nih Bawipa mithmuh ah thil ṭhalo a tuah i amah hlan i a rak ummi vialte hna nakkhan thil ṭhalo tam deuh a tuah.

1 SIANGPAHRANG 16:30

Cun Omri fapa Ahab nih amah hlan i a ummi vialte hna nakkhan ṭhat lonak Bawipa mithmuh ah tam deuh a tuah.

1 SIANGPAHRANG 16:31

Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa ṭhit i a kal i Baal kha a rian a ṭuan i a biak.

1 SIANGPAHRANG 16:33

Cun Ahab nih Asherah pakhat a ser. Ahab nih amah hlan i a rak ummi Israel siangpahrang vialte hna nakkhan, Bawipa, Israel Pathian cu a thin a phawh deuh.

2 SIANGPAHRANG 21:3

Zeitintiah a pa Hezekiah nih a rak hrawhmi khuahrum bo kha a remh ṭhan hna i Israel siangpahrang Ahab nih a tuah bantuk khan Baal le Asherah caah biakṭheng a ser hna i van i a ummi thil vialte khi a biak hna i an rian a ṭuan hna.

2 SIANGPAHRANG 23:26

Sihmanhsehlaw Manasseh nih a thin phawhnak a rak tuahmi vialte ruangah khan Judah cungah Bawipa thinhunnak kha a alh ko i cu a thinhunnak ṭih a nungmi cu a ṭhum hlei lo.

2 SIANGPAHRANG 3:3

Sihmanhsehlaw Nebat fapa Jeroboam nih Israel mi a sualter hnanak a sualnak kha aa tlaih i a kaltak lo.

2 CHANRELNAK 11:15

a sermi khuahrum bo hna le mehehtum hna ca le cawfa hna caah khan amah a fapale hna kha tlangbawi ah a ser hna.

2 CHANRELNAK 33:6

Cun Hinnom fapa nelrawn ah khan a fapa hna cu raithawinak ah a khangh hna i khuavang kawh le litin le eih kha a lenh i thitlawnthiam le khuavang kha aa ruaih tawn hna. Bawipa mithmuh i thil ṭhalo tampi kha a tuah i a thin kha a phawh.

NEHEMIAH 9:25

Cun annih nih kulhmi khua hna le a rummi ram kha an tlaih hna i thil ṭha in a khatmi inn hna le cawhmi tikhor hna le mitsur dum hna le oliv dum hna le thei a tlaimi thingkung tampi hna cu an co hna; an ei hna i an khim i an thau i na ṭhatnak a nganmi ah khan an i lawm.

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

SALM 106:29

An thil tuahmi nih cun Bawipa cu a thin a phawh i rai ṭhalo nih a tlunhnawh hna;

SALM 50:17

Kan chimhhrin hna lai, ka ti tikah nan duh ṭung lo, ka nawlbia kha nan hlawt ko ṭung hna.

SALM 78:40

Voi zeizat riamruam dik amah kha ramcar chungah khan an doh; voi zeizat riamruam dik a ngaih an chiatter!

SALM 78:56

Asinain Lianngan Bik Pathian kha an doh i an hneksak. A nawlbia kha zulh an duh lo i

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

EXODUS 34:17

“Nanmah caah thletmi pathian nan ser lai lo.

JEREMIAH 32:18

Minung thong tampi cungah khan zumhawktlak na sinak kha na langhter peng ko, sihmanhsehlaw an pale sualnak man kha an hnu i a hung ummi an fale cungah khan na tlunter fawn.

JEREMIAH 7:18

Ngakchia nih thing kha an khawmh, an pale nih mei an kau i nu nih changvut cet an nen i vancung bawinu caah changreu thlum an ser, cun thlet thawinak kha pathian dang hna sinah an pekchanh — hi vialte hi keimah thin hunter awk caah an tuahmi a si.

JEREMIAH 7:26

asinain ka bia cu an ngai hlei lo i an hna zong an chi hlei lo, an hngawng tu kha an ṭhawnter. An pupa hna nakin an ṭha lo deuh.

EZEKIEL 23:35

Cucaah cun mah hihi Bawipa Pathian bia an si: Nangmah nih na ka philh i na hnulei ah na ka hlonh caah na hornak le na zuanzamnak man cu nangmah nih na in lai,” tiah a ti.

EZEKIEL 8:17

A ka thawh i, “Mipa, khikhi na hmu maw? Hi thil fihnung hna hi thil hmetuai ah an rel caah maw Judah mi hna nih hin ram hi zaang-ennak in an khahter hi a si hnga? Ka thinhunnak damter an i zuam tik hmanh ah hin ka thin an ka phawh chin lengmang.

EZEKIEL 8:3

Kut bantuk a simi khi a hun samh i ka calsam in a ka tlaih. Thlarau nih van le vawlei karah a ka cawi i Pathian langhnak in Jerusalem ah a ka kalpi i chaklei hoihmi chungchin kutka luhnak ah khan a ka chiah; khika ah cun Hornak Siasal kha a um i cucu hornak lungthin thawhternak caah a si.

LEVITIKAS 19:4

Siasal leiah i mer hlah u, thletmi pathian zong i ser hna hlah u: keimah hi Bawipa nan Pathian cu ka si.

1 KORIN 10:22

Bawipa cu a nahchuak seh ti maw kan duh? Amah nakin kan ṭhawng deuh tiah maw kan i ruah?

DEUTERONOMI 32:21

Pathian a si lomi thil in ka nahchuahnak an tuah i An siasal in ka thin an ka phawh, Cu bantukin miphun a si lomi in an nahchuahnak ka tuah ve lai i, A hrutmi miphun in an thin ka phawh ve hna lai.

DEUTERONOMI 9:24

Kan hngalh hna ni ri in nannih cu Bawipa kha a ralchanhmi nan si ko.

BIACEIHTU 5:8

Annih nih pathian thar kha an i thim hna tikah, Kutka ah raltuknak kha a um. Israel mi sang li chungah khan Phaw siseh, fei siseh, hmuh awk a rak ram maw?