1 SIANGPAHRANG 14:4 - Lai (Hakha) Common Language Bible 2006

⁴ Jeroboam nupi nih cu bang cun a tuah; a tho i Shiloh ah a kal i Ahijah inn kha a va phan. Ahijah cu khua a hmu kho ti lo, zeicahtiah a kum a upa cang i a mit khua a hmu ti lo.

1 SIANGPAHRANG 14:4 ပူးပေါင်းရင်းမြစ်များ

GENESIS 27:1

Isak cu a tar cang i a mit khua a hmu ti lo. A fapa upa deuh Esau kha a auh i, “Ka fapa,” tiah a ti i, Esau nih, “Hawi,” a ti.

GENESIS 48:10

Israel cu a tar cang caah a mit khua a hmu kho set ti lo. Josef nih a pawngah cun a hei kalpi hna i a rak pom hna i a rak hnamh hna.

1 SIANGPAHRANG 11:29

Cun khi caan ah khan Jeroboam cu Jerusalem in a chuah tikah, profet Ahijah, Shilon mi nih khan lampi ah a hmuh. Ahijah cu puan thar aa aih i an pahnih cun ramlak sawhsawh ah anmah lawngin an um.

1 SIANGPAHRANG 14:2

Cun Jeroboam nih a nupi kha a thawh i, “Tho law, Jeroboam nupi na si kha hngalh lo dingin i hleng law, Shiloh ah va kal tuah; zohhmanh, khika ah profet Ahijah kha a um, amah cu keimah kha, hi mi hna cungah siangpahrang na si lai, a ka titu kha a si.

SALM 90:10

Kan chan cu kum sawm sarih a si ko, kan thazang a ṭhawn deuh le sawm riat a si; cu hmanh ah retheihnak le harnak lawng kha kan ing, kan nunnak cu a dih zau i kan lo.

PHUNGCHIMTU 12:3

Khi tikah himnak an pe tawntu na ban kha an ther lai i atu i a ṭhawngmi na khuk cu an der lai. Na rawl khainak ding caah na ha cu an tlawm tuk lai i na mit cu an muih lai caah fiang tein khua na hmu kho lai lo.

DEUTERONOMI 34:7

Moses cu a thih ah, kum za le kum kul a si; a mit a mui lo i a thazang zong a ṭum lo.

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.

1 SAMUEL 3:2

Cun khi caan lioah, a mit khua hmuh lo hram aa thawk cang caah khua a hmu kho set ti lomi Eli cu amah hmun ah khan a it;

1 SAMUEL 4:15

Eli cu kum sawm kua le kum riat a si cang i a mit cu a caw cang, cucaah khua a hmu kho ti lo.