1 SIANGPAHRANG 13:5 - Lai (Hakha) Common Language Bible 2006

⁵ Pathian bia in Pathian mi nih hmelchunhnak a tuahterning khan, biakṭheng zong cu a cim i biakṭheng cung i vutcam cu an hlonh hna.

1 SIANGPAHRANG 13:5 ပူးပေါင်းရင်းမြစ်များ

1 SIANGPAHRANG 13:3

Cun cu ni ṭhiamṭhiam ah cun hmelchunhnak pakhat a pek i, “Mah hihi Bawipa nih a chimmi hmelchunhnak cu a si: ‘Zohhmanh, biakṭheng kha a cim lai i a cung i a ummi vutcam hna cu thlet an si lai,’ a ti,” tiah a ti.

1 SIANGPAHRANG 13:4

Cun Pathian mi nih Bethel biakṭheng a chimhnawhchanmi bia kha siangpahrang nih a theih tikah, Jeroboam nih cun biakṭheng cun a kut a hei samh i, “Tlai u,” tiah a ti. Cun a hei samhmi a kut cu a car i cucaah amah leiah a tum ṭhan kho ti lo.

1 SIANGPAHRANG 13:6

Cun siangpahrang nih Pathian mi cu a thawh i, “Bawipa na Pathian cu ka nawlpiak law, thla ka campiak tuah, ka kut hi a dam ṭhan nakhnga,” tiah a ti. Cun Pathian mi nih Bawipa cu a nawl i siangpahrang cu a kut kha a dam ṭhan i hmasa i bantuk kha a si ṭhan.

1 SIANGPAHRANG 17:16

Bawipa nih Elijah in a chimmi a bia ningte khan, changvut um cu a lawng lo i chiti thawl cu a reu lo.

1 SIANGPAHRANG 22:28

Cun Mikaiah nih a thawh i, “Daihnak in na kir ṭhan a si ahcun, Bawipa nih ka sinah bia kha a chim lo a si lai,” tiah a ti. Cun amah nih cun, “Nannih mi vialte hna, kan chimmi cu thei tuah u,” tiah a ti.

1 SIANGPAHRANG 22:35

Cun cu ni cu an i tuknak kha a fak ngaingai i siangpahrang cu zan lei i a thih tiang, Siria mi hna lei hoih in a rangleng chungah khan an doh chom; cun a hma thi cu rangleng tawne ah khan a luang.

AMOS 3:14

Israel mi cu an sualnak ruangah dan ka tat hna ni ah Bethel i a ummi biakṭheng cu dan ka tat hrimhrim lai: Biakṭheng ki cu tan an si lai i vawlei ah an tla lai.

MARKA 16:20

A zultu kha khuazakip ah an kal i thawngṭhabia kha an chim; Pathian nih an sinin rian a ṭuan i an phungchimmi kha ahmaan, tiah ṭhawnnak hmelchunhnak a pekmi hna thawngin a langhter.] [9 Nu hna kha Peter le a hawile sinah khan an va kal i vancungmi nih a rak chimhmi hna kha a tawinak in an chimh hna. 10 Cu hnuah cun Jesuh hrimhrim nih, nichuahlei in nitlaklei tiang, zungzal a hmunmi khamhnak kong bia nung le bia thiang cu a zultu hna thawng khan a thanh.]

DEUTERONOMI 18:22

profet pakhatkhat nih Bawipa min in bia a chim tikah cu bia cu a tlin lo le a dik lo ahcun, cu bia cu Bawipa nih a chim lomi bia cu a si; profet nih amah duh in a chimmi a si, amah cu nan ṭih awk a si lo.