1 SIANGPAHRANG 13:1 - Lai (Hakha) Common Language Bible 2006

¹ Cun zohhmanh, Judah ram chungin Pathian mi pakhat, Bawipa bia thawngin Bethel ah a ra. Jeroboam kha zihmui khangh awkah biakṭheng pawngah khan a rak dir ko.

1 SIANGPAHRANG 13:1 ပူးပေါင်းရင်းမြစ်များ

1 SIANGPAHRANG 12:22

Sihmanhsehlaw Pathian mi Shemaiah sinah khan Pathian bia a ra i,

1 SIANGPAHRANG 13:26

Cun lam in a hun kirpi ṭhantu profet nih khan mah cucu a theih tikah, “Pathian mi, Bawipa bia zulh a duh lo mipa kha a si cu ta; cucaah Bawipa nih amah cu a chimhmi bia ningin, Bawipa nih amah cu chiandeih kha a pek i a rak thleh bauh i a rak thah,” tiah a ti.

1 SIANGPAHRANG 13:32

Zeitintiah Pathian bia thawngin Bethel biakṭheng le Samaria ram chung khua i a ummi khuahrumbo hna inn vialte kong i a chimmi bia vialte kha a tling hrimhrim lai,” tiah a ti.

1 SIANGPAHRANG 13:5

Pathian bia in Pathian mi nih hmelchunhnak a tuahterning khan, biakṭheng zong cu a cim i biakṭheng cung i vutcam cu an hlonh hna.

1 SIANGPAHRANG 13:9

zeitintiah cuticun Bawipa bia nih nawl a ka pek i, ‘Rawl zong na ei lai lo, ti zong na ding lai lo, na ratnak lam zongin na kir ṭhan lai lo,’ a ka ti,” tiah a ti.

1 SIANGPAHRANG 20:35

Cun profet fapa hna lak i pakhat nih khan a hawipa pakhat cu, “Ka tu tuah, tiah kan nawl,” tiah Bawipa nawl peknak thawngin a ti. Sihmanhsehlaw mipa nih tuk cu a al.

2 SIANGPAHRANG 23:15

Cu hleiah Israel a sualtertu Jeroboam, Nebat fapa nih Bethel khua ah a sermi khuahrum bo biakṭheng, kha biakṭheng kha a khuahrum bo he khan a chimh i a lung cu a den cikcek hna i dip lak in a den hna; cun Asherah zong kha a khangh.

2 SIANGPAHRANG 23:17

Khi tikah anih nih, “Khika i ka hmuhmi lungphun khi zeidah a si?” tiah a ti. Cun cu khuami hna nih cun, “Bethel khua biakṭheng cungah na tuahmi thil hi a rak chimchungtu Pathian mi, Judah ram in a ramipa thlan a si,” tiah an chimh.

2 CHANRELNAK 26:16

Sihmanhsehlaw a hung ṭhawn tikah aa rawknak dingah a hun i porhlaw. Bawipa a Pathian sinah zumhtlak loin a um i zihmui biakṭheng i zihmui khangh awkah khan Bawipa biakinn ah cun a lut.

2 CHANRELNAK 26:18

cun Siangpahrang Uzziah cu an donh i, “Uzziah, nangmah nih Bawipa sinah zihmui khangh cu na tuah awk a si lo, sihmanhsehlaw Aaron fapa hna tlangbawi hna zihmui khangtu ding i thiantermi hna lawnglawng nih khan an tuah awk a si. Thil hmaan lo na tuah caah hmunthiang chung hin chuak tuah, cun hi nih hin Bawipa Pathian sinin upatnak zeihmanh an tlunh lai lo,” tiah an ti.

2 CHANRELNAK 9:29

Cun Solomon tuahsernak a tang rihmi cu, a hramthawk in a donghnak tiang, profet Nathan ṭialmi tuanbia chungah le Shilon mi Ahijah nih a chimmi bia ṭialnak cauk chungah le Nebat fapa Jeroboam kong i hmutu Iddo nih langhnak a hmuhmi ṭialnak cauk chungah khan an i ṭial lo mei?

JEREMIAH 11:12

Judah ram khua chung mi hna le Jerusalem khuami hna nih raithawinak an pekchanhmi pathian hna sinah khan an kal lai i an auh hna lai, sihmanhsehlaw an harnak caan ah khan an rak khamh kho hna lai lo.

JEREMIAH 25:3

“Amon fapa Josiah, Judah siangpahrang, a bawinak kum hleithum ri in atu tiang, kum kul le kum thum chung, Bawipa bia cu ka sinah a ra lengmang i nan sinah thlah lo tein ka chim lengmang ve, sihmanhsehlaw nan ngai lo.

JEREMIAH 32:29

Hi khua a dotu Khaldi mi hna kha an ra lut lai i hi khua cu mei in an duah lai i an khangh lai. Keimah thinhunter awkah Baal sinah inn cungah raithawinak an khanghnak inn hna le pathian dang hna sinah thlet thawinak an pekchanhnak inn hna zong kha an khangh dih hna lai.

AMOS 7:13

Sihmanhsehlaw Bethel ah cun zeitikhmanh ah bia chim ṭhan ti hlah, zeicahtiah Bethel cu siangpahrang hmunthiang, siangpahrang inn pei a si cu,” tiah a ti.

AMOS 7:16

Cucaah cun atu cu Bawipa bia hi ngai tuah u: “Israel mi cu bia chim hna hlah, Isak tefa hna cu na hruh bia cu nawnnokpi lengmang hna hlah, nan ka ti.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

NAMBAR 16:40

Cun tlangbawi a si lo i Aaron tefa a si lomi ahohmanh nih Bawipa hmai i zihmui khangh awkah an ra naih nakhnga lo, Israel mi hna caah mah cucu hngalhtertu a si lai, Korah le a hawile hna bang khan an si sual ve nakhnga lo — Bawipa nih Moses in Eleazar sinah a chim bangin.

1THESALON 4:15

Zeicahtiah kan in chimhmi hna hi Bawipa nih a kan cawnpiakmi a si: Bawipa a rat ni ah kannih a nungmi hna nih hin a thimi kha kan chawhkanh hna lai lo.

BIAPHUAN 8:3

A dang vancungmi pakhat, zihmui khanghnak umte pakhat aa putmi kha a ra i biakṭheng pawngah cun a ra dir. Pathian mi hna an thlacamnak i toih awkah le bawiṭhutdan hmai i a ummi sui biakṭheng cung i khangh awkah zihmui tampi an pek.

1 SAMUEL 2:27

Cun Eli sinah Pathian mi pakhat a ra i amah sinah cun, “Hi bangin Bawipa nih a ti, Izipt ram i Farote chung sal i an um lioah khan, na pa chungle hna sinah keimah hrimhrim kaa langhter.

1 SAMUEL 9:6

Sihmanhsehlaw anih nih amah cu, “Zohhmanh, hi khua chungah hin Pathian mi pakhat a um i amah cu an hmaizah ngaimi a si; a chimmi vialte kha a tling dih ko. Khika ah va kal u sih; kan pawhhnawhmi kan khual tlawnnak kong hi a hei kan chimh khawh ko hnga dah kaw,” tiah a ti.